यावल ( प्रतिनिधी )विकी वानखेडे

जिल्ह्याच्या मिनी मंत्रालय समजल्या जाणाऱ्या जिल्हा परिषदेच्या सदस्यांच्या संघटनेच्या अध्यक्षपदी काँग्रेसचे गटनेते प्रभाकर अप्पा सोनवणे यांची निवड कैलास गोरे पाटील राष्ट्रीय सरचिटणीस यांनी पत्र पाठवून केली आहे . सदरचे निवड पत्र हे प्रभाकर अप्पा सोनवणे यांना प्राप्त झाले असल्याची माहीती अप्पा यांनी दिली .
याबाबत संघटनेचे राष्ट्रीय अध्यक्ष आशिष गोयल, . रासरचिटणीस कैलास गोरे पाटील व मार्गदर्शक राम जगदाळे यांचेकडील नियुक्ती पत्रावर यांच्या स्वाक्षरी आहे .
जिल्हा परिषद सदस्य व खेडयापाडयातील व दुर्गम भागातील नागरीकांचे विकासात्मक दृष्टीकोण व ग्रामीण पातळीवर सर्वसामान्यांवर होणाऱ्या अन्यायाविरुध्द वाचा फोडण्यासाठी जिल्हा परिषद सदस्यांच्या संघटनेची आवश्यकता असुन त्याची जाणीव ठेवुन जिल्हापरिषद सदस्यांची संघटना स्थापन करण्यात आली आहे .
शासनाकडुन येणाऱ्या निधीचा जिल्हा परिषदेत समान वाटप होवून कुठल्याही सदस्यांवर अन्याय होणार नाही व शासकिय कामांत दैनंदीन येणाऱ्या अडीअडचणी व त्यांचे प्रश्न सोडविण्याच जिला परिषद संघटनेकडुन प्रश्न सोडविला जाणार असल्याची माहीती जिल्हा अध्यक्ष प्रभाकर अप्पा सोनवणे यांनी दिली .

जिल्हा परिषद सदस्य असोसिएशन जळगाव जिल्हा अध्यक्षपदी निवड झाल्याबद्दल रावेर यावल आ.शिरीष चौधरी ( महाराष्ट्र प्रदेश कँग्रेस कमिटी ). उल्हास पाटील .( प्रदेश कॉग्रेस उपाध्यक्ष ) संदीप भैय्या पाटील ( कॉग्रेस जिल्हा अध्यक्ष जळगांव ) भगतसिंग पाटील (जिल्हा अध्यक्ष इंटक ), माजी आ . रमेशदादा चौधरी, हाजी शब्बीर खान ( जिल्हा उपाध्यक्ष कॉग्रेस ), वसंत रामजी महाजन (माजी प्रतोद कॉग्रेस ), जिल्हा परिषद सदस्य आर जी पाटील . सौ . सुरेखाताई पाटील, पं .स . चे माजी सभापती लिलाधर विश्वनाथ चौधरी, बामणोद चे माजी सरपंच शिवराम किसन तायडे ., पंचायत समितीचे गटनेते शेखर सोपान पाटील, पंस सदस्य -सरफराज तडवी, सौ . कालिमा तडवी, कृउबा माजी सभापती नितीन व्यंकट चौधरी, यावल न पा गटनेता सय्यद युनुस सय्यद युसुफ , फैजुर गट नेता नपा कलीम मन्यार, काँग्रेसचे यावल शहर अध्यक्ष कदीर खान, माजी सभापती उपसभापती उमाकांत रामराव पाटील फैजपुर शहर काँग्रेस अध्यक्ष रियाज भाई यांच्यासह आदींनी अभिनंदन केले आहे.

चौकट- जळगाव जिल्हा परिषद चे एकुण ६७ सदस्य व जिल्ह्यात १३४पंचायत सदस्य असुन, असोसिएशन महाराष्ट्र जळगाव जिल्हा संघटनेच्या अध्यक्षपदी माझ्यावर जी जबाबदारी संघटनेने सोपवली असून ती जबाबदारी पूर्णपणे सोडवण्याचा मी प्रयत्न करेल सध्या जिल्हा परिषद सदस्यांचे अधिकार कमी करण्यात आली असून ग्रामीण भागातील जनतेच्या प्रश्न सोडविण्यासाठी खूप अडचणी येत आहे परंतु संघटनेच्या माध्यमातून सर्वपक्षीय जि.प. सदस्यांना सोबत घेवुनआवाज उठून निश्चीत प्रयत्न करू आणि या संघटनेच्या माध्यमातून जिल्हा परिषद अध्यक्ष म्हणून माझी नियुक्ती केल्याबद्दल राष्ट्रीय अध्यक्ष आशिष गोयल राष्ट्रीय सरचिटणीस कैलास गोरे पाटील व मार्गदर्शक राम जगदाळे नवी मुंबई आणि नवी मुंबई शिवसेना नगरसेवक संजूभाऊ वाडे यांच्यासह सर्वांचेच त्यांनी आभार व्यक्त केले आहे

हंसराज उके अमरावती जिल्हा प्रतिनिधी

नांदगाव खंडेश्र्वर पंचायत समिती अंतर्गत येत असलेल्या ग्रामपंचायत वाघोडा येथील तात्कालीन ग्रामसेवक श्री मानकर
यांनी सन २०१६/२०१७ मधे वाघोडा येथीलच लाभार्थी श्रीमती
सत्यभामा अशोकराव लोखंडे हिला रमाई आवासस योजने अंतर्गत लाभ देऊन वाघोडा ग्रामपंचायत हद्दीतील मालकी हक्काचे जागेवर अतिक्रमण करुन नियमबाह्य १००रुपयांचे स्टँम पेपरवर स्वतःच्या मुलांच्या नावाने हस्ते स्टँम पेपर घेऊन जागा मालकाला कुठलीच पुर्व सुचना न देता वाघोडा येथील रहिवासी महादेवराव बाळे वय वर्षे८४या मातार्या व्यक्ती ची रमाई
आवास योजनच्या लाभार्थी चाच मुलगा संदिप अशोकराव लोखंडे
व ग्रामपंचायत सचिव श्री मानकर
यांनी संगमत करून महादेवराव बाळे यांची मालकी हक्काचे खाली जागेची नियम बाह्य़ दस्तऐवज तयार करून वय रुध्द म्हातार्या ची जागा सत्यभामा अशोकराव लोखंडे यांच्या ताब्यात देऊन त्या जागेवर रमाई आवास योजनेचे घरकुल चा लाभ
घेऊन शासण निर्णय १९०८ चे कलम १७ चे ग्रामपंचायत सचिव श्री मानकर उल्लंघन केले असल्याचे दिसुन येत आहे श्री देशमुख विस्तार अधिकारी पंचायत समिती नांदगाव खंडेश्र्वर यानी महादेवराव बाळे यांच्या तक्रारी च्या अनुसंगाने केलेल्या चौकशीच्या आधारे व विस्तार अधिकारी यांच्या चौकशी अहवालाच्या आधार घेऊन संबंधित ग्रामपंचायत सचिव श्री मानकर यांना निलंबित करुन नियमबाह्य घेतलेला जागेचा फेरफार रध्द करून श्री महादेराव
बाळे यांची जागा त्याचे देण्याची
मागणीचे निवेदन मा.गटविकास अधिकारी खेळकर साहेब यांचे मागनी केली आहे निवेदन देतेवेळी सुनील भाऊ तायडे, उमेश चौखडे हजर होते.

सिंदखेडराजा:- ( सचिन खंडारे )

भारतीय परंपरेनुसार एखाद्या व्यक्तीच्या मृत्यूनंतर प्रेताच्या दहनानंतर ची रक्षा ही पवित्र धार्मिक स्थळे,पवित्र नदी, तलाव किंवा जलाशयात विसर्जित केल्या जाते.त्यामुळे मोठ्या प्रमाणात जलप्रदूषण होऊन विविध प्रकारच्या जलचरांचे जगणे कठीण होऊन जाते.पाण्याचे व पर्यावरण संवर्धनाचे महत्त्व जानत देऊळगावराजा नगरीतील सेवानिवृत्त मुख्याध्यापक श्री.नानाभाऊ नागरे यांच्या सुविद्य पत्नी तथा ख्यातनाम डॉक्टर संदीप नागरे,शिक्षक राजेश नागरे, व्यावसायिक जयदीप नागरे यांची आई स्वर्गीय दुर्गाबाई नागरे यांचे वयाच्या 64 व्या वर्षी अल्पशा आजाराने 14 एप्रिल रोजी निधन झाले होते.आज रक्षा विसर्जन पार पडले.परंपरेनुसार रक्षा ही नदी पात्रात विसर्जित न करता त्यांनी देऊळगावराजा शहर व परिसरात 63 वटवृक्ष लावून त्याचे संगोपन करण्याचा संकल्प करत आज 3 वटवृक्षांचे रोपण केले.अस्थि विसर्जन नदीपात्रात किंवा इतर कोणत्याच प्रकारच्या जलाशयात न करता वृक्षारोपणासाठी खोदलेल्या खड्ड्यात रक्षा विसर्जित करून त्यात वृक्षारोपण केले व दहावे व तेरवी चा कार्यक्रम अगदी थोडक्यात कौटुंबिक स्वरूपात करून येत्या काळात आईच्या स्मृतीप्रित्यर्थ पर्यावरण संवर्धन, शैक्षणिक व क्रीडा क्षेत्रावर सन्मानजनक निधी खर्च करण्याचा मनोदय श्री.नानाभाऊ नागरे,डॉक्टर संदिप नागरे तथा नागरे कुटुंबियांनी केला.
जल प्रदूषण टाळत मोठ्या प्रमाणात पर्यावरण संवर्धन व्हावे यासाठी गेल्या अनेक वर्षांपासून धरती बचाओ परिवाराच्या माध्यमातून सातत्याने केल्या जाणाऱ्या आवाहनाला समाज चांगला प्रतिसाद देत असून अशा प्रकारचे कार्य ही परंपरा झाली पाहिजे असे विचार सेवानिवृत्त उपजिल्हाधिकारी श्री.रमेशदादा कायंदे यांनी व्यक्त केले तर शिवसेना नेते डॉक्टर रामप्रसाद शेळके,ख्यातनाम डॉक्टर रामदास शिंदे,काँग्रेसचे ज्येष्ठ नेते श्री.देवानंद कायंदे,भाजपा चे जेष्ठ नेते डॉ.गणेश मांटे, देऊळगावराजा नगरीचे माजी नगराध्यक्ष श्री.संतोष खांडेभराड,सामाजिक कार्यकर्ते श्री.प्रकाश गीते,माजी नगरसेवक श्री.गणेशराव बुरकुल,सामाजिक कार्यकर्ते मधुकरराव जायभाये,महाराष्ट्र राज्य माध्यमिक शिक्षक संघाचे श्री.विजूभाऊ इंगळे,सिनगाव जहांगीर चे पोस्ट मास्टर श्री. गणेशराव डोईफोडे,ह.भ.प. रामराव महाराज डोईफोडे आदींनी वनश्री.जनाबापू मेहेत्रे यांनी केलेल्या पर्यावरण संवर्धनाच्या आवाहनाला सकारात्मक प्रतिसाद देत ही चळवळ लोकचळवळ करण्यामध्ये आम्ही सर्व तन-मन -धनाने सोबत असल्याचे सांगितले.
नागरे कुटुंब तथा धरती बचाओ परिवार यांच्या संयुक्त सहभागातून समाजासमोर ठेवलेला आदर्श सर्व समाजासाठी दिशादर्शक ठरेल व यातूनच पर्यावरण संवर्धन चळवळ ही लोकचळवळ होईल असा आशावाद वनश्री.जनाबापू मेहेत्रे यांनी व्यक्त केला.
मरावे परी वृक्ष रुपी उरावे या उक्तीला साजेसं कार्य केल्यामुळे आज सर्वदूर सर्व समाजात नागरे कुटुंबाच्या या स्तुत्य उपक्रमाची चर्चा प्रत्येकाच्या तोंडी होती.हे विशेष.