–
सिंदखेडराजा (विशेष प्रतिनिधी )

– सकाळच्या वेळेत मॉर्निंग वॉक जात असलेल्या व्यक्तींना दिनांक सोळा एप्रिल च्या सकाळी सकाळी अंत्री खेडेकर गावालगत काही हाकेच्या अंतरावर रोडला लागून नाल्यात एक रक्ताने माखलेला तरुणीचा मृतदेह आढळून आला . पोलिसांनी पंचनामा केला असता तरुणीचा मृतदेह हा गळा चिरलेला, हातापायावर चाकूचे वार, अंगावर चटके दिल्याचे निशाण मृतदेहावर दिसत असल्याने हा खून असल्याचे स्‍पष्ट होत आहे. त्यामूळे अंत्री खेडेकर परीसरात खळबळ उडाली आहे .
अंढेरा पोलीस स्टेशन अंतर्गत येणाऱ्या अंत्री खेडेकर येथील रहिवाशी असलेले भिमराव रामा मोरे यांची २५ वर्षाची बुलडाणा आगाराची मुलगी माधुरी भिमराव मोरे ही गेल्या सहा ते सात वर्षा पासून एसटी महामंडळ विभागात वाहक पदावर कार्यरत होती. सुरवातीला ती जाफ्राबाद विभागाला होती आणि नुकतीच काही महिन्यापर्वी बुलढाणा एसटी आगार विभागात बदली झाली होती. सध्या ती साखळी येथे मावशी कडे राहत असे .परवा तिचे वडिलांशी शेवटचे बोलणे झाले होते. त्‍यानुसार साखळी (ता. बुलडाणा) येथे मावशीच्‍या घरी त्‍या मुक्‍कामी होत्या. काल ड्युटी करून आज त्‍यांची आठवडी सुटी असल्याने अंत्री खेडेकरला घरी परतणार होत्‍या. मात्र थेट मृतदेहच भल्‍या पहाटे अंत्री खेडेकरच्‍या शिवारात आढळला. मृतदेह संशयास्‍पद अवस्‍थेत असल्याने खून झाल्‍याचे दिसून येत आहे. भल्‍या पहाटे फिरायला बाहेर पडलेल्या ग्रामस्‍थांना मृतदेह दिसल्यानंतर त्‍यांनी गावात ही माहिती दिली. त्‍यानंतर पोलीस पाटलांनी अंढेरा पोलिसांना ही माहिती दिली. तातडीने ठाणेदार राजवंत आठवले यांनी पथकासह घटनास्‍थळी धाव घेतली. खून असल्याने बुलडाण्यावरून श्वानपथक व ठसेतज्‍ज्ञांनाही पाचारण करण्यात आले. पंचनामा आणि खुन्‍याचा माग काढला जात आहे. दरम्‍यान, सूत्रांच्‍या माहितीनुसार, माधुरी यांचा ५ वर्षांपूर्वी घटस्‍फोट झाला होता. यापूर्वी त्‍या जाफ्राबाद आगारात कार्यरत होत्‍या. तिथे असताना एक एसटी वाहक त्‍यांची नेहमी छेड काढायचा. त्‍याच्‍या त्रासाला कंटाळून त्‍यांनी बुलडाणा आगारात बदली करून घेतली होती, असे तिच्‍या वडिलांनी सांगितले. पोलीस या दृष्टीनेही तपास करणार आहेत. खुनापूर्वी त्‍यांच्‍यावर बलात्‍कार झाल्‍याचा संशय व्‍यक्‍त होत आहे. मृतदेह उत्तरीय तपासणीसाठी पाठविण्यात आला आहे. त्‍याच्‍या अहवालानंतर ही बाब स्‍पष्ट होणार आहे.आणि घटनास्थळी ठाणेदार राजवंत आढवले , समाधान झिने , बिट अमलदार पोफळे ,मुन्ना राठोड , हजर होते ‘आता मुख्य आरोपीला शोधण्याचे पोलिसांसमोर आव्हान असेल ‘

यावल ( प्रतिनिधी )विकी वानखेडे

राज्यात व जिल्ह्यात कोरोना विषाणु संसर्गाच्या वेगाने वाढत्या प्रादुर्भावचा टाळण्यासाठी १५ते ३० एप्रील पर्यंत राज्यातील कोरोनाची परिस्थिती आटोक्यात आणण्यासाठी नागरीकांनी आपल्या घरातच रहावे सुरक्षीत रहावे या दृष्टीकोणातुन संचारबंदी लावण्यात आली असुन , दरम्यान या पन्द्रादिवसाच्या कालावधीत अपंग , निराधार नागरीकांना आपली उपजिवीका भागविण्यासाठी आर्थीक अडचणींना सामोरे जावु नये या करीता राज्यातील महा विकास आघाडी शासनाने तालुक्यातील संजय निराधार योजनेचे ३९०४लाभार्थी , वृद्धपकाळ योजनेचे ५ हजार२८५ लाभार्थी , श्रावणबाळ वृद्धपकाळ योजनेचे ४ हजार३३७लाभार्थी , इंदीरा गांधी निराधार योजनेचे १३६६ लाभार्थी व इंदीरा गांधी अपंग योजनेचे ७१लाभार्थी असे एकुण १४ हजार९०६ लाभार्थ्यांना सुमारे दोन कोटी ५० लाख रुपये हे येत्या आठ दिवसाच्या आत प्रत्यकाच्या बॅंकेतील खात्यात दोन हजार रुपये देण्याचा निर्णय घेतला असुन , शासनाच्या वतीने या संकटकाळातील मिळणाऱ्या मदतीचे निराधार व अपंग, विधवा महिला व नागरीकांच्या वतीने स्वागत करण्यात येत आहे . अशी माहीती नायब तहसीलदार आर .डी . पाटील व संजय गांधी निराधार योजना विभाग कार्यालयाचे प्रफ्फुल कांबळे यांनी दिली आहे .

सचिन वाघे वर्धा

हिंगणघाट दि.16
मंगळवार दिनांक 13 एप्रिल रोजी सायंकाळी सहा वाजता एक कुटुंब डॉक्टर निर्मेश कोठारी यांच्या दवाखान्यात आले असता त्यांच्या मुलाने डॉक्टर कोठारी यांना शिवीगाळ करून मारहाण केली सदर मुलाचे वडील मरण पावले त्याचे दुःख त्याला झाले हे स्वाभाविकच आहे. परंतु याचा राग सदर डॉक्टर वर काढून त्यांना मारहाण करणे हे अयोग्य व माणुसकीला काळिमा फासणारे आहे. अशा घटना जर शहरांमध्ये होत राहिल्या तर व वैद्यकीय सेवा देणारे डॉक्टर जर संपावर गेले तर याचा सर्वात जास्त परिणाम सर्वसामान्य जनतेच्या आरोग्यावर होईल. सध्याचा काळ हा कोरोना महामारी चा आहे अशा नाजूक परिस्थिती मध्ये जर डॉक्टरांवर हल्ले होत गेले तर शहराची आरोग्य व्यवस्था कोलमडल्याशिवाय राहणार नाही. ही परिस्थिती फारच गंभीर आहे म्हणून या घटनेकडे गांभीर्याने लक्ष घातले पाहिजे व दोषी असेल त्यांच्यावर कायदेशीर कारवाई होईलच परंतु सोबतच वैद्यकीय अधिकाऱ्यांना सुरक्षा देणे हे सुद्धा गरजेचे आहे. डॉक्टरांची सुरक्षा जर आपण करू शकलात तरच या शहरांमध्ये शांतता व सुव्यवस्था राहील अशा प्रकारचे निवेदन विदर्भ विकास आघाडीचे संस्थापक अनिल जवादे यांनी माननीय श्री उपविभागीय अधिकारी साहेब हिंगणघाट यांना ई-मेल पाठवून केले तर ठाणेदार साहेब हिंगणघाट यांना प्रत्यक्ष भेटून त्यांना निवेदन सादर केले ठाणेदार साहेबांनी यावर योग्य तोडगा काढून एक पथक तयार करून सर्व डॉक्टरांना तो नंबर वितरित करतो व शहराची सुव्यवस्था अबाधित राखण्याचा प्रयत्न करतो असे आश्वासन श्री अनिल जवादे यांना दिले. यावेळी अनिल जवादे यांच्यासोबत विदर्भ विकास आघाडीचे महेश माकडे, दिनेश वाघ राजेश कुरेकार, जयंत धोटे, अजय मुळे व इतर कार्यकर्ते उपस्थित होते

यावल ( प्रतिनिधी )विकी वानखेडे

तालुक्यातील परसाडे गावाच्या शिवारात प्रेमसंबधातुन आत्महत्या केलेल्या घटने बाबत मयत तरूण शाहरूख तडवी व मिना तडवी दोघांनी आत्महत्या की त्यांचा खुन करण्यात आले या विषयाला घेवुन तरूणाच्या कुटुंबांनी पोलीसांची भेट घेवुन या आत्महत्या बाबत संशय व्यक्त केले असुन , प्रसंगी याबाबत अज्ञात लोकांविरूद्ध दुहेरी खुनाचा गुन्हा दाखल होण्याचे संकेत मिळाले आहे . दरम्यान या संदर्भातील मयत शाहरूखचे वडील बाबु तडवी यांनी दिलेली माहीती अशी की , हरिपुरा तालुका यावल राहणारा शाहरुख बाबु तडवी वय१९ वर्ष आणी मिना शावखा तडवी वय२२ वर्ष राहणार परसाडे तालुका यावल या दोघांनी मिळुन आपल्या प्रेमसंबंधास कुटुंबाकडुन मिळणाऱ्या नकारास कंटाळुन अखेर त्यांनी १३ एप्रील रोजी दुपारच्या ३ , ४० वाजेच्या पुर्वी परसाडे गाव शिवारातील खडकाई नदीच्या पायथ्याशी असलेले पुष्पा गडे यांच्या शेतात निंबाच्या झाडाच्या फांदीला दोरीच्या सहाय्याने गळफास घेवुन आपली जिवनयात्रा संपवली होती . यात विशेष म्हणजे घटनेतील तरूण शाहरुख तडवी याचा दिनांक १३ एप्रील रोजीच चिनावल तालुका रावेर येथील समाजातील एका ठिकाणी स्थळ जुळल्याने साखरपुड्याचा कार्यक्रम होता .आत्महत्या करण्याच्या काही तास आदी त्यांनी यावल पोलीस स्टेशनमध्ये जावुन पोलीसांची भेट घेवुन आपण एकमेकांवर प्रेम करीत असल्याची माहीती त्यांनी दिली असल्याचे वृत्त आहे .पोलीसांना भेटुन घेल्यानंतर काही तासातच असे काय घडले की त्यांनी एक दुजे के लिए आत्महत्या करण्याचा मार्ग पत्कारावा लागला , आत्महत्या केलेल्या तरूणाच्या पायावर व शरीरावर काही ठीकाणी जख्मेचे निशान असुन , मयत शाहरूख तडवीच्या कुटुंबांनी त्यांचे वडील बाबु हयाती तडवी वय ६० वर्ष राहणार हरिपुरा तालुका यावल या आत्महत्याच्या सर्व घडलेल्या घटनावर संशयव्यक्त व्यक्त केले असुन , आपण त्यांच्या शवविच्छेदनाच्या अहवालाची वाट बघत असल्याचे शाहरूखचे वडील यांनी सांगीतले असुन येत्या काही तासातच या सर्व घटनेच्या मागची सत्य परिस्थिती समोर येईल व आपण या दोघांनीआत्महत्या की त्यांचा खुन झाला या प्रश्नाचे उत्तर आपणास मिळेल व आपण निर्णायक भुमीका घेवु असे मयत शाहरुखचे वडील बाबु हयाती तडवी यांनी म्हटले आहे .

गजानन सोनटक्के
जळगाव जा. प्रतिनधी

जळगाव जामोद तालुक्यातील सुनगाव येथे लागली मध्यरात्रीच्या दोन ते अडीच दरम्यान घरांवरील विद्युत तारांच्या शॉर्ट सर्किटमुळे घनश्याम राजपूत यांच्या घराला भीषण आग आगीमध्ये जीवनावश्यक साहित्यासह घरातील भांडी कपड्यांसह धान्य जळून खाक सविस्तर असे की सुनगाव येथील घनश्यामसिंह राजपूत यांच्या घराला आग लागल्याचे शेतातून आलेले शाम इंगळे, अक्षय गिऱ्हे,अमोल ढगे,अनिल वसुलकार,अर्जुन ढगे यांना घराला आग लागल्याचे दिसताच त्यांनी आरडाओरडा करून तसेच घनश्याम सिंह राजपूत यांना झोपेतून उठवून आग लागल्याची कल्पना दिली व या चौघांनी मिळून घरातील गॅस सिलेंडर पटकन काढून बाहेर आणला तोपर्यंत आग एवढी भडकली होती की आगीच्या ज्वाळा दहा ते पंधरा फुटापर्यंत वर दिसत होत्या यांच्या आरडाओरड्याने घरा शेजारील नागरिक जागे झाले व त्यांनी आपापल्या घरातील जे हातात येईल त्या भांड्याने पाणी आणून आगीच्या भक्ष्यस्थानी असलेल्या घरावर पाणी फेकने चालू केले. शॉर्टसर्किट घरावरून गेलेल्या विद्युत तारांमुळे झाल्याचे लक्षात येताच अनिल भगत व शाम इंगळे यांनी विद्युत डीपी बंद केली त्यामुळे शॉर्टसर्किट होणे बंद होऊन पुढे होणारा मोठा अनर्थ टळला. जवळपास एका तासाने नागरिकांच्या या अथक प्रयत्नांना यश आले व आगीवर नियंत्रण मिळविले. आग एवढी भयंकर लागली होती की संपूर्ण वस्ती जळून खाक झाली असती आगीमध्ये घनश्यामसिंह राजपुत यांचे स्वयंपाक घर जळुन खाक . शेता मधून आलेल्या या चौघांच्या समयसूचकता आणि धाडसाचे सर्वत्र कौतुक होत आहे. या चौघा मुळे पुढे होणारा मोठा अनर्थ टळला असे नागरिक त्या ठिकाणी बोलत आहेत. आगीवर नियंत्रण मिळविण्यासाठी तेथीलच श्रीराम इंगळे, अनिल तिवारी, बळीराम इंगळे, गजानन जवंजाळ, पुर्णाजी धुळे ,संजय निमकर्डे पांडुरंग इंगळे उमेश कुरवाडे, गणेश कतोरे,अनिल वसूलकार,अक्षय गिऱ्हे, अमोल ढगे, अर्जुन ढगे यांच्यासह बहुसंख्य नागरिकांनी आग विझविण्याचा मदत केली.