वर्धा सचिन वाघे

वडनेर ग्रामपंचायत मध्ये पैशाची हेरफेर उघड वडणेर येथील रहिवासी बळवंत सुधाकर फाटे यांची फसवणूक झाल्याची तक्रार जिल्हा परिषद कडे करन्यायात आली
बळवंत फाटे यांनी स्वच्छ भारत मिशन अंतर्गत संडासाचे बांधकाम सुरू केले व ते जवळपास पूर्ण झाले असता फाटे यांनी वडणेर ग्रामपंचायत मध्ये जाऊन स्वच्छता अभियाना अंतर्गत मिळणाऱ्या सबसिडी चा चेक वडणेर ग्रामपंचायत चे सचिव हरिदास रामटेके यांच्या कड़े मागणी केली परंतु सचिव रामटेके यांनी फाटे याना सांगितले की तुमचा धनादेश वडणेर ग्रामपंचायत चे उपसरपंच ला घेऊन गेले मी त्यांना विचारले असता माझा चेक सुभाष शिंदे यांच्या कडे का दिला तेव्हा सुभाष शिंदे यांनी सांगितले होते की तुझ्या पत्निची प्रकृती अत्यंत नाजूक आहे व ती सेवाग्राम रुग्णालयात दाखल आहे करीत तुला पैशाची अत्यंत आवश्यकता असल्याचे सांगून माझ्या कडून धनादेश घेऊन गेला व माझ्या नावांची पावती वर खोटी सही करून माझी सबसिडी गहाळ केली.
माझ्या पत्नीची प्रकृती ची खोटी माहिती देऊन शिंदे यांनी ग्रामपंचायत मधून धनादेश नेला त्या वेळेस माझ्या सोशालायचे काम सुरू झाले नव्हते सुभाष शिंदे यांनी पदाचा दुरुपयोग करून व सचिव रामटेके यांनी बेरर चेक देऊन व खोटी सही घेऊन त्यांनी सुध्दा आपल्या पदाचा दुरुपयोग केला असे बरेच नागरिकांचे पैसे गहाळ केले याची सखोल चौकशी करून मला योग्य तो न्याय द्यावा अशी तक्रार बलवंत फाटे यांनी जिल्हा परिषद ला केली.

सचिन वाघे वर्धा

हिंगणघाट समुद्रपुर तालुक्यातील जाम बसस्थानक परिसरातील फळविक्रेत्याचे दुकानातील पेटीतील चार हजार रुपये लंपास करणाऱ्या चोरट्यास समुद्रपुर पोलिसांनी अटक केली.
आरोपीकडून चोरी केलेल्या चार हजार रक्कमेपैकी १९०० रुपये रकमसुद्धा पोलिसांनी हस्तगत केली आहे.
सदर गुन्ह्यातील आरोपीची क्लोन उर्फ राहुल शांताराम तुमडाम(२४)अशी ओळख पटली असून आरोपी जाम येथील हनुमान वार्ड क्र.२ येथील रहिवासी आहे.
प्राप्त माहितीनुसार सौ सुमन जयसिंग भाजीखाये वय ४५ वर्ष राहणार जाम या फळविक्री करणाऱ्या महिलेने दिनांक १६ मार्च रोजी पोलीस स्टेशन समुद्रपूर येथे पतीचे दुकानातील पेटीतुन चार हजार चोरी गेल्याची तक्रार दिली होती, जाम बस स्टॅन्ड चे बाजूला फिर्यादि महिलेचे फळ विक्रीचे दुकान असून त्या दुकानामागे तीचे पतीचे चपलाजोडे दुरुस्तीचे दुकान आहे.
दिनांक १६ मार्च रोजी पहाटे फळ वितरकांचे पैसे देणे असल्याने चार हजार रुपये रोख रक्कम तिचे पतीचे दुकानाच्या पेटीमध्ये ठेवले होते दिनांक १६ मार्चचे मध्यरात्री दरम्यान अज्ञात चोरट्याने दुकान फोडून चार हजार रुपये रोख रक्कम चोरी केले .
आरोपी विरुद्ध अ. क्रमांक १०२/२०२१ कलम ४५७ ,३८० भादवी अन्वये गुन्हा नोंद करण्यात आला.
सदर गुन्ह्याचा तपास पोलीस हवालदार निलेश पेटकर व पथक करीत असतांना जाम येथील क्लोन उर्फ राहुल शांताराम तुमडाम (२४) यास ताब्यात घेतले असता त्याने गुन्हा केल्याचे कबूल केल्याने अटक करण्यात आली चोरलेल्या चार हजार रुपये पैकी एकवीसशे रुपये आरोपीने खर्च केल्याने उर्वरित १९०० रुपये रोख रक्कम व फिर्यादी चे आधार कार्डची झेरॉक्स कागद आरोपींकडून जप्त करून गुन्हा उघडडीस आणला.
सदर कारवाई पोलीस अधीक्षक प्रशांत होळकर, अप्पर पोलीस अधीक्षक यशवंत सोळंके, उपविभागीय पोलिस अधिकारी दिनेश कदम , पोलीस निरीक्षक हेमंत चांदेवार यांच्या मार्गदर्शनात पोलिस स्टेशन समुद्रपूर येथील पोलीस अमलदार नीलेश पेटकर ,विक्की मस्के मनोज कोसुरकर ,समीर कुरेशी यांनी केली आहे .
पोलिसांची गस्त
जाम परिसर तसेच समुद्रपूर परिसरात रात्री वेळी पोलीस गस्त वाढविण्यात आलेली असून नागरिकांना दुकानांमध्ये रोख रक्कम किंवा मूल्यवान वस्तू ठेवू नये तसेच सुरक्षितते करिता कॅमेरे लावण्याचा सूचना देण्यात आले आहेत

अजहर शाह मोताळा प्रतिनिधी

पालकमंत्री डॉ राजेंद्र शिंगणे
कोविड संसर्ग नियंत्रण आढावा बैठक
प्रत्येक तालुक्याला कॉर्डीयाक ॲम्बुलन्सची सुविधा देणार
चार ठिकाणी ऑक्सीजन टँकची उभारणी करावी

बुलडाणा:-कोविड साथरोग आजाराचे वाढते रूग्ण बघता प्रशासकीय यंत्रणांनी समन्वयाने काम करावे. कोविड साथरोगावर नियत्रण मिळविण्यासाठी व रूग्णांवर प्रभावी उपचार करण्यासाठी बुलडाणा शहरात 500 खाटांचे जम्बो हॉस्पीटल उभारण्यात यावे. त्यासाठी जागा बघून यंत्रणेने प्रस्ताव तातडीने सादर करावा, अशा सूचना जिल्हयाचे पालकमंत्री डॉ राजेंद्र शिंगणे यांनी दिले.

कोविड संसर्ग नियंत्रणासाठी कार्यदलाची आढावा बैठक 18 मार्च रोजी जिल्हाधिकारी कार्यालयातील सभागृहात आयोजित करण्यात आली. त्यावेळी पालकमंत्री डॉ शिंगणे आढावा घेताना बोलत होते. यावेळी जिल्हाधिकारी एस रामामूर्ती, जिल्हा पोलीस अधिक्षक अरविंद चावरीया, अति. जिल्हाधिकारी दिनेश गिते, जिल्हा शल्य चिकित्सक डॉ नितीन तडस, जिल्हा आरोग्य अधिकारी डॉ बाळकृष्ण कांबळे आदी उपस्थित होते.

जिल्ह्यातील दे. राजा, मलकापूर, खामगांव व शेगांव येथे ऑक्सीजन टँक उभारण्याच्या सूचना करीत पालकमंत्री म्हणाले, या ठिकाणी कोविड रूग्णांची संख्या बरीच असते. त्यामुळे या चारही ठिकाणी शासकीय रूग्णांलयामध्ये ऑक्सीजन टँकची उभारणी करण्यात यावी. जेणेकरून तेथील रूग्णांना गरजेनुसार तातडीने ऑक्सीजन उपलब्ध करून देता येईल. त्याचप्रमाणे प्रत्येक तालुक्यामध्ये कॉर्डीयाक रूग्णवाहिकेची व्यवस्था करण्यात यावी. त्यासाठी प्रस्ताव तयार करून मंजूरातीसाठी पाठवावा. कोविड रूग्णांवर प्रभावी असलेले रेमेडेसिवीर इंजेक्शनचे दर नियंत्रणात ठेवावे. या इंजेक्शनचे दर 1100 ते 1200 रूपयादरम्यान नियंत्रणात ठेवावे. जिल्ह्यात पुढील रूग्णसंख्या वाढ लक्षात घेता ऑक्सीजन बेड व अन्य आरोग्यविषयक सुविधा तयार ठेवाव्या. गर्दी होणारे कार्यक्रम, लग्न समारंभावर लक्ष ठेवावे. नियम मोडणाऱ्यांवर कडक कारवाई करावी.

ते पुढे म्हणाले, हिवरा आश्रम येथील ग्रामीण रूग्णालयासाठी मनुष्यबळाचा आकृतीबंध तयार करून पाठवावा. त्याला मंजूरात घेता येईल. सध्या कोविड तपासणीचा वेग चांगला आहे. त्यासाठी कॅम्प घेणे, सुपर स्प्रेडरचा शोध घेणे आदी कारणे महत्वाची आहेत. तपासण्यांचा वेग कमी होवू देवू नका. याच धर्तीवर आता लसीकरणासाठी काम करावे. कोविड संसर्ग सुरक्षा नियमांचा अवलंब करीत शिबरे आयोजित करून लसीकरण करावे. प्राथमिक आरोग्य केंद्र निहाय लसीकरणाचा आढावा नियमितरित्या घेण्यात यावा. तसेच सर्व जनतेने मास्क वापरणे, हात वारंवार धुणे व गर्दीत जाणे टाळणे या त्रिसूत्रींचे काटेकोरपणे पालन करावे. यावेळी पालकमंत्री यांनी तालुकानिहाय आढावा घेतला.

गजानन सोनटक्के जळगाव जा

बुलढाणा वन विभागाच्या कर्मचाऱ्यांवर संक्रांत ओढवली असून d.f.o अक्षय गजभिये त्यांनी पुन्हा जळगाव जामोद वनविभाग येथील एक वनरक्षक निलंबित करण्याचे आदेश निर्गमित केल्याने संपूर्ण वनविभाग हादरला आहे मागील महिन्यात सुद्धा जळगाव जामोद येथील दोन कर्मचारी निलंबित करण्यात आले होते विशेष बाब म्हणजे आतापर्यंत जळगाव जामोद वनपरिक्षेत्रातील एकूण तीन कर्मचारी निलंबित झाले आहेत बुलढाणा d.f.o अक्षय गजभिये आपल्या कामात प्रामाणिक व कर्तव्यदक्ष असून ते कामात कुचराई करणाऱ्यांवर कायदेशीर कारवाई करतात मागील फेब्रुवारी महिन्यात जळगाव जामोद वनपरिक्षेत्रात कार्यरत दोन कर्मचाऱ्यांनी आपल्या कर्तव्यात कसूर केला म्हणून वनपाल सलीम खान तसेच वनरक्षक गजानन सोळुंके यांना निलंबित केले होते खात्यात कार्यरत निष्क्रिय व कामचुकार कर्मचारी त्यांच्या रडारवर असून जळगाव जामोद वनपरिक्षेत्राच्या कुवरदेव बीटचे वनरक्षक कैलास सलामे यांनी गोमाल या गावातील एका आदिवासी बांधवांच्या घरातून सोलर ची बॅटरी चोरी केल्याची तक्रार जळगाव जामोद पोलीस ठाण्यात दाखल झाली होती या प्रकरणाला गांभीर्याने घेऊन d.f.o अक्षय गजभिये यांनी वनरक्षक कैलास सलामेला निलंबित केले आहे एका महिन्याच्या आत जिल्ह्यातील चार कर्मचारी निलंबित झाल्याने संपूर्ण वनविभागात खळबळ माजली आहे.

सचिन वाघे वर्धा

हिंगणघाट : येथील श्रीराम टॉकीज जवळील नगर पालिका कॉम्प्लेक्स मधील श्री साई ज्वेलर्स या प्रतिष्ठान मध्ये काल मध्यरात्री धाडसी चोरी झाली . यात सुमारे तीन लाख 52 रुपयांचे सोन्या चांदीचा दाग दागिने चोरट्यांनी लंपास केला .
चोरट्यांनी दुकानाचे टीनेचे शेड तोडून आत प्रवेश केला आणि दुकानातील दोन लाख रुपये किमतीचे 50 ग्राम सोन्याचे दागिने , 6 ग्राम सोन्याची मोड किंमत 30 हजार रुपये आणि दीड किलो चांदी किंमत 82 हजार रुपयांचा ऐवज लुटून नेला .या दुकानाचे संचालक सोमनाथ लोंढेकर यांच्या तक्रारीवरून पोलिसांनी गुन्ह्याची तक्रार नोंदविली आहे . विशेष म्हणजे या चोरट्यांनी आजू बाजूचे तीन दुकाने फोडण्याचा प्रयत्न केला पण हा प्रयत्न फसला व चोरट्यांच्या हातात ज्वेलरीचे दुकान लागल्याने त्यांनी या दुकानात लुट करून पळ काढला . हे कॉम्प्लेक्स मध्यवस्तीत असून दिवसरात् या परिसरात आवागमन सुरु असते,मागील काही महिन्यात शहरात चोरीची मालिका सुरु असून पोलीस चोरट्यांपर्यंत अद्याप पोहचू शकलेले नाही .त्यामुळे व्यापारी त्यामुळे शहरवासीयांमध्ये दहशतीचे वातावरण तयार झाले आहे,या प्रकरणाचा तपास उपविभागीय पोलीस अधिकारी दिनेश कदम यांच्या मार्गदर्शनाखाली पोलीस निरीक्षक संपत चव्हाण करीत आहे.