नांदुरा (प्रफुल्ल बिचारे पाटिल )

खूमगाव( ता.नांदुरा )येथील नवनिर्वाचित ग्रामपंचायत कार्यकारणीच्या वतीने आज दिनांक १ मार्च २०२१ रोजी तहसील कार्यालय येथे निवेदन देण्यात आले. खुमगाव ते दाहिगाव शिवरस्ता तसेच खुमगावं शिवारातील इतर शिव रस्त्यावर शेतकर्यांनी अतिक्रमण केले असल्यामुळे शेतकऱ्याना तसेच गावातील नागरिकांना नाहक त्रास सहन करावा लागत आहे. सदर शिवरस्ते मोकळे झाल्यास शेतकर्यांच्या शेतात वाहने गेल्यास शेतकर्याना आर्थिक जीवनमान उंचावण्यास मदत होईल तरी आपण या विषयावर जातीने लक्ष देऊन योग्य ती कार्यवाही करून रस्ते मोकळे करावे ही विनंती या आहायचे निवेदन तहसीलदार यांना देण्यात आले. या निवेदनावर सरपंच रोहित सोनोने,उपसरपंच महेंद्र गोळे,सदस्य गजानन सातव,गजानन वावगे,निवृत्ती इंगळे उपस्थित होते.

सुनिल पवार. नांदुरा. ता प्रतिनिधि

गेल्या कित्येक दिवसांपासून निमगाव येथे भर स्टॅंडवर दारूविक्री, वरली मटका, फुल तिथली, गांजा विक्री, अशा कित्येक प्रकारच्या अवैध धंद्यांना चांगलाच उत आला असून धंदे जोमात सुरू आहेत. यामुळे रस्त्यावरून जाताना सामान्य जनतेस व महिलांना त्रास तर होतोच, परंतु शाळेच्या विद्यार्थ्यांना सुद्धा खूप त्रास सहन करावा लागत आहे. यामुळे शाळकरी विद्यार्थ्यांनवर सुद्धा या बाबींचा परिणाम होणार असल्याचे नाकारता येत नाही,.
अशा घटनांकडे पोलिसांचे अक्षम्य दुर्लक्ष होत आहे त्यामुळे सामान्य नागरिक चांगलेच वेठीस धरले जात आहेत. अवैध दारू विक्री मोठ्या प्रमाणात सुरू आहे. त्यामुळे अनेकांचे संसार उध्वस्त होत आहेत. तरुण पिढी व्यसनाच्या आहारी जात आहे. अशातच संचारबंदी लागू असताना बस स्टैंड वर अवैध धंद्यांवर लोकांचे समुह पाहायला मिळत आहे त्यामुळे कोरूना च्या आजारांमध्ये वाढ होण्याचे नाकारता येत नाही. एखाद्यावेळेस नांदुरा पोलिस येऊनही कोणतीही कार्यवाही झालेली दिसत नाही.
तरी संबंधित वरिष्ठ अधिकाऱ्यांनी याची दखल घेऊन सदरचे चालू असलेले अवैद्य धंदे बंद करावे अशी अपेक्षा जनतेतून होत आहे..

(सूर्या मराठी न्यूज ब्यूरो)

वर्धा जिल्हा देवळी तालुक्यातील हिवरा कावरे येथे असलेल्या वाळू घाटात शासनाच्या नियमाची पायमल्ली होन्याचे चित्र दिसुन येत आहे. या वाळू माफियांना काहि राजकीय पक्षाच्या व्यक्तीचा पाठभार असल्याचे चर्चेला उदान आले आहे.

या वाळू घाटावर सर्रास पणे सेक्शन बोर्ड व मोठ मोठ्या जे. सी. बी आणी पोकलँन्ड मशिनिच्या सहाय्याने वाळू उपसा सुरु असुन शासनाच्या नियमाची पायमल्ली करन्यात येत आहे आणि नदिला थड्याचे स्वरुपात बदलवन्यात येत असल्याचे चित्र या छायाचित्राद्वारे समजते. वाळु माफियांकडून सर्रास वाळूचा उपसा सुरु असून दिवसरात्र वाळूचे उत्खनन सुरु आहे. मात्र, याकडे संबंधित विभागाचे दुर्लक्ष असल्याचे दिसून येत असून वाळू माफिया आणि अधिकार्यांचे साटेलोट असल्याची ओरड नागरिकांतून होत आहे.

नदी सुखल्याने पोकलेन, जेसीबी तसेच ईलेक्ट्रिक बोटीच्या सहाय्याने वाळूचा उपसा करू नये, असे स्पष्ट आदेश न्यायालयाचे असतानासुध्दा या मशिनीद्वारे
वाळूचा अवैध उपसा केल्या जात आहे. यावर जिल्हा खनीकर्म विभागातील अधिकारी, कर्मचार्यांनी कारवाई करणे गरजेचे आहे पण ते सध्या कुंभकर्णी झोपेत
असल्याचे दिसून येत आहे. देवळी तालुक्यातील वर्धा नदीपात्रातून दिवसरात्र अवैध वाळू उपसा सुरू आहे. मात्र याकडे संबंधीत विभागाचे सपशेल दुर्लक्ष असल्याचे चित्र दिसून येत आहे.

येथील काहि रेत घाट सार्वजनीक बांधकाम विभाग वर्धा याच्या साठी राखिव करन्यात आलेले आहे परंतु त्या राखीव घाटाच्या नावांर हे वाळू माफिया चोरट्या मार्गाने रात्रदिवस शासनाचे महसुल बुडवन्यात मग्न आहे. शासनाने सबंधितांवर योग्य कारवाई करन्याचि मागनी होत आहे.

येथील संबधित घाटावंर शासनाकडून सि. सि. टि. व्हि कँमेरे लावन्यात व्यावे

प्रतिनिधी ,सचिन पगारे
नांदगांव नाशिक

दि. २७ रोजी नांदगाव तालुक्यातील जातेगाव येथे चर्मकार समाजाचे आराध्य दैवत संत शिरोमणी रोहिदास महाराज यांचा ६४४ वा जयंती उत्सव साजरी करण्यात आला. कोरोनाच्या पार्श्वभूमीवर सामाजिक अंतर ठेवून हा जयंती उत्सव साजरी करण्यात आला.
समाजातील जाती-पाती,गरीब -श्रीमंती सारखे भेदभाव दूर करून समाजाला मानवतेची शिकवण देणारे महान संत शिरोमणी रोहिदास आहेत.या महान संतास उत्तर भारतात संत रविदास तर आपल्या महाराष्ट्रात त्यांना संत रोहिदास म्हणून ओळखले जाते. शिखांच्या गुरूग्रंथसाहेब या पवित्रग्रंथात संत रोहिदासांचे एकूण ४० पदे आहेत.तसेच या मानवतावादी संताचे विचार अनेक समकालीन संतांनी समाजातील प्रत्येक घटकापर्यंत पोहचविले.अशा महान संत शिरोमणी रोहिदास महाराज यांचे मानवतावादी विचार समाजातील प्रत्येक नागरिकांनी आत्मसात करणे काळाची खरी गरज आहे.दि.२७ रोजी तालूक्यातील घाटमाथ्यावरील जातेगांव येथे संत शिरोमणी रोहिदास महाराज यांची ६४४ वी जयंती कोरोनाच्या पार्श्वभूमीवर सामाजिक अंतर ठेवून आनंदमयी वातावरणात साजरी करण्यात आली. चर्मकार समाजासह तमाम ग्रामस्थांनी संत शिरोमणी रोहिदास महाराज यांच्या प्रतिमेचे पूजन करून अभिवादन केले.यावेळी नवनियुक्त ग्रामपंचायत उपसरपंच पंढरीनाथ वर्पे,ग्रामपंचायत सदस्या पूजा सोमनाथ जाधव ,माजी सरपंच अशोक जाधव,चर्मकार समाजाचे तालूका सचिव राजेंद्र जोनवाल,उत्सव समितीचे अध्यक्ष विलास जोनवाल,उपाध्यक्ष सोमनाथ जाधव, यांनी प्रतिमेला पुष्पहार अर्पण करून प्रतिमेचे पूजन केले.सदर जयंती उत्सवासाठी शंकर जोनवाल,दिपक जोनवाल, भागीनाथ पवार, प्रकाश जोनवाल, मोहन जोनवाल, कैलास जोनवाल, शिवलाल रमणे, रतन साळुंके,सुनिल जाधव,अनिल जाधव,सोनू जोनवाल, विजय जोनवाल,संतोष जाधव, ज्ञानेश्वर जाधव, किशोर जाधव,बाबूलाल जोनवाल आदींसह तमाम समाज बांधवांनी विशेष परिश्रम घेतले.

सिंदखेड राजा (सचिन खंडारे )

सध्या संपूर्ण महाराष्ट्रामध्ये कोरोनाचा प्रादूर्भाव वेगाने वाढत असताना ‘आरोग्य कर्मचारी ,सफाई कामगार व पोलीस कर्मचारी हे आपल्या जीवाची पर्वा न करता जनतेच्या काळजी साठी अहोरात्र परिश्रम घेत आहेत,याचाच परिपाक म्हणून अनेक कर्मचाऱ्यांना कोरोनाची लागण होऊन ते पूर्णपणे बरे झाल्याचे आपण बघितले आहेत,व परत ते जनतेच्या सेवेसाठी कर्तव्यावर हजर झालेले आहेत,तालुक्यातील सर्वात मोठे संवेदनशील समजल्या जाणाऱ्या साखरखेर्डा पोलीस स्टेशनचे दुय्यम ठाणेदार श्री दीपक राणे यांचा कोरोना रिपोर्ट हा पॉझिटिव्ह आल्यामुळे श्री राणे यांनी संपर्कात आलेल्या व्यक्तींनी कोरोना चाचणी करावी असे आव्हान केले आहे,साखरखेडा पोलीस स्टेशन मध्ये काही पोलिस कर्मचाऱ्याच्या कोरोना टेस्ट केली असता त्यामध्ये दुय्यम ठाणेदार श्री दीपक राणे यांचा रिपोर्ट पॉझिटिव्ह आला आहे ‘तर साखरखेर्डा पोलीस स्टेशनचे ठाणेदार श्री जितेंद्र आडोळे यांचा रिपोर्ट येणे बाकी आहे ‘गेल्या चार वर्षापासून दुय्यम ठाणेदार श्री दिपक राणे हे आपले कर्तव्य चोखपणे साखरखेर्डा येथे बजावत आहे .ठाणेदार यांच्या खांद्याला खांदा लावून अविरतपणे ते आपली सेवा बजावत आहे .तरी जनतेने काळजी घ्यावी व प्रशासनाला सहकार्य करावे असे आव्हान यावेळी ठाणेदार श्री आडोळे यांनी केली आहे ‘