गोंदिया-शैलेश राजनकर

कवी कुसुमाग्रज यांचा वाढदिवस मराठी राजभाषा, मराठी गौरव दिन म्हणून 27 फेब्रुवारी ला साजरा करण्यात येतो.त्यानिमित्ताने महाराष्ट्र नवनिर्माण सेना जिल्हा गोंदिया च्या वतीने गोंदिया येथील शासकीय विश्राम गृहात मराठी स्वाक्षरी अभियान तथा कवी, लेखक, दिग्दर्शक, वं पत्रकार असे मराठी भाषेला टिकवून ठेवणाऱ्या लोकांचा सत्कार शाल, पुष्पगुछ तथा श्रीफळ देऊन करण्यात आला. याप्रसंगी कोहमारा येथील आंतरराष्ट्रीय कविरत्न पुरस्कार प्राप्त नवोदित कवी अश्लेष माडे यांचा शाल वं श्रीफळ देऊन सत्कार करण्यात आला. अश्लेष माडे यांनी आपल्या भाषणातून मराठी भाषेविषयी उत्कृष्ट मार्गदर्शन केले. व मराठी भाषेला अभिजात दर्जा कसा प्राप्त होईल यावर आपले मनोगत व्यक्त केले. या सत्कार सोहळ्याच्या कार्यक्रमाप्रसंगी मनसे जिल्हाध्यक्ष मा. मनिषभाऊ चौरागडे, हेमंतजी लिल्हारे, जिल्हा उपाध्यक्ष मुकेशजी मिश्रा,तालुका अध्यक्ष सुरेश ठाकरे तर सत्कार मूर्ती म्हणून माणिकजी गेडाम (कवी, साहित्यिक ), जयंतजी शुक्ला (लोकशाही वार्ता), हिदायत शेख (देशोन्नती), दिनेश फरकुंडे (दिव्यांग मराठी चित्रपट निर्माते ), दिलीप कोसरे (दिव्यांग मराठी चित्रपट दिग्दर्शक), मिलन रामटेककर (सरपंच फुलचूर ग्रामपंचायत)आदी उपस्थित होते. आयोजक म्हणून राजेश नागोसे, क्षितिज वैद्य, रजत बागडे, खेमा ठाकरे, रोहित उके, निर्वाण वानखेडे, राहुल वाकरे, संदीप राहुलकर, सुमित कावळे, शुभम चौहान, राना नागपुरे, अमोल लांजेवार सडक अर्जुनी तालुका अध्यक्ष आदी उपस्थित होते.

सिंदखेड राजा (सचिन खंडारे)

कोरोना चा वाढता प्रादुर्भाव बघता शिंदी येथे दिनांक २७ फेब्रुवारी रोजी ग्रामपंचायत व साखरखेर्डा प्राथमिक आरोग्य केंद्र यांच्या मार्गदर्शनाखाली आरोग्य विभागाच्या वतीने शिंदी येथील प्राथमिक आरोग्य उपकेंद्र मध्ये कोरोना चाचणीचे आयोजन करण्यात आले होते,शिंदी चे ग्रामसेवक अर्जुन गवई व सरपंच विनोद खरात यांच्या सहकार्याने हे आयोजन करण्यात आले होते ‘सकाळी नऊ वाजेपासून कोरोना चाचणीला सुरुवात करण्यात आली होती ‘यामध्ये सर्दी खोकला ताप असलेली व्यक्ती,दमा, बी पी, शुगर, असलेली व्यक्ती,तसेच करून पॉझिटिव रुग्णाच्या संपर्कात असलेली हाय रिक्स व्यक्ती, असलो स्लो रिक्स व्यक्तीचा यात समावेश होता . तरुण महिला वयोवृद्ध माणसांनी हिरहिरीने सहभाग नोंदवला .व कोरोना चाचणी करून घेतली ‘यामध्ये तब्बल १०९ जणांनी आपली कोरोना चाचणी करून घेतली यानंतर हे स्वॉब तपासणीसाठी बुलढाणा येथे पाठवण्यात आले असून उद्या संध्याकाळपर्यंत रिपोर्ट येणे बाकी आहे,येळी पत्रकार सचिन खंडारे सरपंच विनोद खरात प गजानन भांड ग्रामपंचायत कर्मचारी प्रकाश बंगाळे अरविंद खंडारे सुनिल ताडे आदींनी यावेळी आपली कोरोना टेस्ट करून घेतली,यावेळी ग्रामसचिव अर्जुन गवई, सरपंच विनोद खरात,समुदाय आरोग्य अधिकारी डॉक्टर प्रशांत वायाळ ‘आरोग्य सहायक श्री बी ए भोंडे,आरोग्य सेविका जे .एस . चांगाडे,आरोग्य सेविका डी ए पिठलोड,पी टी एल ए , श्रीमती गीता नरवाडे,आशा सेविका सौ लता बंगाळे, आशा सेविका उर्मिला बुरकुल,आदींनी यावेळी उपस्थित राहून सहकार्य केले,

यावल ( प्रतिनिधी ) विकी वानखेडे,

भारतीय बहुउद्देशीय पत्रकार संघ , महाराष्ट्रची नुतन प्रदेश कार्यकारणी जाहीर झाली असुन, पत्रकार संघाच्या प्रदेश ग्रामीण अध्यक्षपदी विजय धोंडोपंत बन्सोड आणी प्रदेश शहर अध्यक्षपदी पाशु शेख यासिन यांची निवड करण्यात आली आहे . गंगापुर जिल्हा औरंगाबाद येथे नुकतीच भारतीय बहुउद्देशीय पत्रकार संघ, महाराष्ट्रच्या राज्य कार्यकारणी बैठक संघाचे संस्थापक अध्यक्ष अय्युब जी पटेल यांच्या अध्यक्षतेखाली बैठक संपन्न होवुन , वर्ष २०२१ ते २०२२साठीची राज्य कार्यकारणीची निवड करण्यात आली असुन , यात महाराष्ट्र प्रदेश ग्रामीण विभागाच्या प्रदेश अध्यक्षपदी विजय धोंडोपंत बन्सोड यांची तर प्रदेश शहर विभागाच्या अध्यक्षपदी पाशु शेख यासीन यांची निवड करण्यात आली असुन तर प्रदेश उपाध्यक्षपदी अय्युब मेहबुब पटेल आणी विष्णु अवचार यांची व सचिवपदी जिवन मुरलीधर चौधरी , मराठवाडा विभागीय अध्यक्षपदी अलीम चाऊस यांची कार्याध्यक्षपदी प्रा . सुनिल तिजारे , विजय आंनदा जोशी , सुनिल गावडे , संघटकपदी पराग विजय सराफ , कार्यवाहकपदी सलीम रशीद पटेल , नरेन्द्र एफ .सपकाळे यांची सर्वानुमते निवड करण्यात आली आहे . गंगापुर येथे संपन्न झालेल्या बैठकीत राज्यातील ग्रामीण क्षेत्रातील पत्रकारांच्या विविध अडचणी आणी समस्याबाबत चर्चा करण्यात आली . प्रसंगी देशाच्या रक्षणासाठी शहीद झालेले जवान तथा पत्रकारांच्या कुटुंबातील मयतांना श्रध्दाजंली अर्पण करण्यात आली . यावेळी नुतन प्रदेश अध्यक्षपदी निवड झालेल्या विजय बन्सोड आणी पाशु शेख आणी प्रदेश उपाध्याक्षपदी निवड झालेले अय्युब मेहबुब पटेल यांचे स्वागत सत्कार संस्थापक अध्यक्ष अय्युब जी पटेल यांच्या हस्ते करण्यात आले तर उपस्थित सर्व पत्रकारांचे आभार प्रदेश सचिव जिवन चौधरी यांनी मानले .

सिंदखेडराजा ( सचिन खंडारे )

कोरोना च्या संकट काळामध्ये लोक भयभीत झालेले असताना सिंदखेडराजा तालुक्यातील सावंगी भगत या छोट्याशा गावांमध्ये डेंग्यूचा रुग्ण परत आढळून आल्यामुळे एकच खळबळ उडाली आहे ‘अगोदरही सांवंगी भगत गावामध्ये चार ते पाच डेंग्यूचे रुग्ण आढळून आले होते .त्यानंतर आरोग्य विभाग साखरखेडा यांच्या वतीने दोन तीन वेळेस घराची ची फवारणी सुद्धा करण्यात आली होती,परंतु परत प्रवीण चंद्रकांत गवई यांचा लहान मुलाला ताप येऊ लागल्यामुळे त्यांनी तातडीने चिखली येथील खासगी दवाखान्यांमध्ये मुलाला भरती केले .त्यानंतर मुलाचे रक्त लघवी चे नमुने तपासले असता ,मुलाचा रिपोर्ट पॉझिटिव्ह आला व त्याला डेंगू झाल्याचे निष्पन्न झाले ! सावंगी भगत गावची लोकसंख्या जेमतेम दोनशे ते तीनशे आहे,मोलमजुरी करून पोट भरणारे मजूरवर्ग येथे मोठ्या प्रमाणामध्ये आहे,अशातच डेंग्यूच्या साथीमुळे सावंगी भगत पालक वर्ग भयभीत झाला आहे,गावामध्ये आरोग्य विभागाने कठोर पावले उचलण्याची मागणी यावेळी पालक प्रविण चंद्रकांत गवई यांनी केली आहे ‘ -तर तालुका आरोग्य अधिकारी डॉक्टर महेंद्र कुमार साळवे यांच्याशी संपर्क साधला असता .त्यांनी आपण तातडीने उपाययोजना करू व तसे काळजी घेण्याच्या सूचना संबंधित कर्मचाऱ्याला दिले आहे असे सांगितले ‘

सिंदखेड राजा ( सचिन खंडारे )

आपल्या शैक्षणिक , व सांस्कृतिक,आरोग्य सेवा, जनसेवेसाठी जिल्ह्यातच नाही तर संपूर्ण देशभरामध्ये परिचित असलेले मेहकर तालुक्यातील हिवरा आश्रम येथील विवेकानंद आश्रम भाविकासाठी कोरोना च्या पार्श्वभूमीवर विवेकानंद आश्रमाचे प्रवेशद्वार बंद करण्यात आली आहे,मेहकर तालुक्यांमध्ये कोरोना रुग्णांची संख्या दिवसेंदिवस वाढत आहे,हिवरा आश्रम येथे आठवड्याभरात मध्ये कोरोना चे सहा रुग्ण आढळून आले आहे,याच पार्श्वभूमीवर शासनानेव प्रशासनाने कोरोना वर निर्बंध आणण्यासाठी नियम व अटी घालून दिलेली आहे,विवेकानंद आश्रम मध्ये परमपूज्य शुकदास महाराज यांच्या समाधीचे दर्शन घेण्यासाठी देशभरातून भाविक दाखल होत असतात .म्हणून खबरदारी म्हणून विवेकानंद आश्रमाचे प्रवेशद्वार बंद करण्यात आले असून भाविकांनी घरूनच समाधीचे दर्शन घ्यावे असे आवाहन यावेळी संस्थेच्या वतीने करण्यात आले आहे !