यावल ( प्रतिनिधी ) विकी वानखेडे ,

यावल तालुक्यातील अंजाळे घाटात सायंकाळी ट्रॅक्टर व दुचाकी मोटरसायकलच्या झालेल्या भिषण अपघातात एक व्यक्ति जागीच मरण पावल्याची घटना घडली असुन या संदर्भात पोलीसात ट्रॅक्टर चालका विरूद्ध गुन्हा दाखल करण्यात आला आहे . दरम्यान याबाबत पोलीस सुत्रांकडुन मिळालेली माहीती अशी की भालशिव तालुका यावल येथील राहणारे प्रदीप चावदस तायडे २९ वर्ष हे दिनांक ६ फेब्रुवारी रोजी सायंकाळी ४ वाजेच्या सुमारास भुसावळकडुन भालशिव या आपल्या गावी दुचाकी वाहन क्रमांक एमएच १९डीएम९४२९या वाहनाने जात असतांना भुसावळ रोडवरील अंजाळे घाटात समोर येणाऱ्या ट्रक्टर क्रमांक एमएच १९पी२९५३वरील चालक ज्ञानेश्वर शिवराम कोळी राहणार चोरवड तालुका रावेर यांने आपल्या ताब्यातील ट्रॅक्टर वाहन रस्त्याच्या परिस्थितीकडे लक्ष न देता समोरून येणाऱ्या प्रदीप चावदस तायडे हा ट्रॅक्टरखाली चेंगरला गंभीर जख्मी होवुन जावुन जागीच मरण पावला आहे . याबाबत शांताराम चावदस तायडे रा भालशिव यांनी फिर्याद दिल्याने वाहन चालकाविरुद्ध गुन्हा दाखल झाला असुन पुढील तपास पोलीस निरिक्षक वाकोडे यांच्या मार्गदर्शनाखाली पोलीस उपनिरिक्षक अजमल पठान हे करीत आहे .दरम्यान मयत प्रदीप तायडे याचे शवविच्छेदन यावलच्या ग्रामीण रुग्णालयात करण्यात आले .

यावल  तालुक्यातील साकळी मनवेल थोरगव्हाण रस्त्यावर काटेरी झुडपे मोठ्या प्रमाणात वाढले असुन वाहनधारकांना याचा मोठा त्रास सोसावा लागत आहे .या प्रश्नाकडे सार्वजनिक बांधकाम विभाग व स्थानिक लोकप्रतिनीधीचे याकडे दुर्लक्ष होत असल्याच्या तक्रारी परिसरातील वाहनचालक व ग्रामस्थ करीत आहे.
काही दिवसापुर्वी थोरगव्हाण गावापासुन काटेरी झुडपे काढण्यासाठी कामासाठी जे.सी.बी आणले होते मात्र या जेसीबीने अपुर्ण काटेरी झुडपे काढण्यात आले असल्यामुळे पुनश्च वाहनधारकांना या अत्यंत धोकादायक अशा काटेरी झुडप्यांचा त्रस्त सुरू झाले आहे.या संदर्भात अधिक माहीती घेतली असता शासनाच्या वतीने या रस्त्याच्या काटेरी झुडपे काढण्यासाठी प्राप्त झालेल्या संपुर्ण नीधि सार्वजनिक बांधकाम विभागाकडुन काढण्यात आला असल्याची आतील माहीती एका जबाबदार लोकप्रतिनीधीनी सांगीतली असुन, या गोंधळलेल्या माहीती मुळे त्या झुडपे काढण्याच्या पैशांचे काय झाले असा प्रश्न उपस्थित होत आहे .
साकळी मनवेल थोरगव्हाण ह्या रस्त्याच्या दोन्ही बाजुने काटेरी झुडपे मोठ्या प्रमाणात वाढली असल्यामुळे कीरकोळ अपघातचे प्रमाण सातत्याने वाढले आहे.
थोरगव्हाण ग्रामपंचायत मार्फत यावल सार्वजनिक बांधकाम विभागाला गेल्या पंधरा दिवसापासुन काटेरी झुडपे तोडण्यात यावी अशी मागणीचे निवेदन देण्यात आले असुन ही सार्वजनिक बांधकाम विभागाकडुन या वाहनधारकांच्या गंभीर अडचणीकडे दुर्लक्ष होत आहे.
साकळी मनवेल थोरगव्हाण या रस्त्यावर वाहतूक मोठ्या प्रमाणात असुन लोकप्रतिनीधीचे दररोज ये जा सुरुच असते मात्र काटेरी झुडपे काढण्याचा समस्यांकडे दुर्लक्ष करीत असल्यामुळे वाहनचालक व सर्व सामान्य नागरीकां कडुन दुर्लक्ष होत असल्याने प्रशासनाच्या कारभारा बद्दल नाराजी व्यक्त करण्यात आहे.

बोर‌गाव बु!! येथे खाजगी टँकरने पाणीपुरवठा..

धरण उष्याशी पण कोरड घश्याशी अशी झाली अवस्था…

जाफराबाद तालुक्यातील बोरगाव बु येथील गाव पाणीपुरवठ्याची विहीर पाण्याने अगदी भरलेली असून सुद्धा गावाला पाणी मिळत नाही.आणि या प्रश्नाने गावकरी बऱ्याच दिवसापासून हतबल झाले आहेत. गावकऱ्यांनी ग्रामपंचायत प्रशासनाला वेळोवेळी पाणी सोडण्याची मागणी केली असून देखील गावाला पाणी मिळत नसल्याची खंत गावकरी व्यक्त करीत आहेत.
गावच्या पाणी पुरवठा विहिरीत मोठा पाणी साठा असून गावाला पाणी प्रश्नाला तोंड द्यावे लागत आहे आणि हे केवळ ग्रामपंचायत प्रशासनाच्या भोंगळ कारभारामुळे होत असल्याचे गावकऱ्यांकडून सांगण्यात येत आहे.कधी पाणी पुरवठ्याची टाकी भरली जात नाही,तर कधी पाईप लाईन तुटली तर कधी टाकी भरण्यासाठी वीज नव्हती अशी एक ना अनेक कारणे ग्रामपंचायत तयार ठेवत असते आणि या मध्ये सर्वात जास्त धावपळ ती गावकऱ्यांची होत आहे.अश्यात गावकऱ्यांनी पंचायत समिती गट विकास अधिकाऱ्यांना या संदर्भात निवेदन देऊन पाणी पुरवठा सुरळीत करण्याची मागणी केली होती परंतु त्याचाही काही फायदा गावाला झाला नसल्याचे गावकरी सांगत आहेत.
तसेच गावामध्ये ग्रामपंचायत मार्फत वॉटर फिल्टर देखील बसविण्यात आलेले आहे परंतु गेले कित्येक दिवस कित्येक महिने झालेत परंतु त्या फिल्टर ला देखील पाणी येत नाही त्यासाठी गावकऱ्यांना पिण्याच्या पाण्यासाठी मोठी पायपीट करावी लागत आहे.आणि विशेष म्हणजे ऑगस्ट महिन्यात या गावाला धामना नदीच्या पाण्याने वेढा देऊन पाणी अक्षरशः गावात घुसले होते गावाला अगदी मे ते जून महिन्यापर्यंत सुद्धा कधीच पाण्याची टंचाई येत नाही. पाणी पुरवठ्याच्या विहिरीला पाणी देखील भरपूर आसून केवळ चुकीच्या नियोजनामुळे किंव्हा हलगर्जी पणामुळे गावाला पाणी मिळत नाही म्हणजे धरण उष्याशी आणि कोरड घाष्याशी अशी आमची अवस्था झाली आहे असे गावकऱ्यांचे म्हणणे आहे.परंतु बोरगाव येथे आताच ग्रामपंचायत निवडणूक पार पडली त्यामध्ये पूजा प्रमोद फदाट हे निवडून आले आणि त्यांनी स्वतः हा स्व खर्चाने ट्रॅकर भाड्याने लाऊन स्वतःच्या विहिरीवरून टँकर भरून आणून गावाला पाणी पुरवठा करत आहेत. आणि आता तरी योग्य नियोजन करून गावाला नियमित पाणी पुरवठा करावा अशी ग्रामस्थ मागणी करीत आहेत.

( प्रतिनिधी)विकी वानखेडे

. येथील यावल चोपडा मार्गावरील रस्त्यावर फॉरेस्ट कार्यालया जवळ आज दुपारी १ वाजेच्या सुमारास दोन दुचाकी मोटर वाहनांचा अपघात होवुन यात चार जण जखमी झाल्याची घटना घडली असुन , यातील दोन गंभीर जखमींना पुढील उपचारासाठी जळगाव येथील सामान्य रुग्णालयात पाठविण्यात आले असुन दोन जणांना प्राथमिक उपचार करण्यात आल्याचे वृत आहे . या संदर्भातील मिळालेली माहीती अशी की सावदा तालुका रावेर येथील राहणारे संतोष किसन भोई वय ३० वर्ष आणी भुसावळ येथील राहणाऱ्या आशा विनोद भोई वय २५ वर्ष हे त्यांच्याकडील मोटरसायकल क्रमांक एमएच १९डीडी ५८६२या वाहनाने सावदाहुन तोरखेडा तालुका शहादा येथे बहीणीकडे जाण्यास निघाले असतांना यावल चोपडा मार्गावर शहरापासुन सुमारे १ किलोमिटर लांबी असलेल्या फॉरेस्ट कार्यालयाच्या परिसरा जवळील रस्त्यावर चोपडया हुन यावल कडे येणाऱ्या मोटर सायकलने समोरासमोर धडक दिल्याने झालेल्या अपघातात संतोष भोई आणी आशा भोई व अन्य दोन जंण असे चार जण जखमी झाल्याचे वृत्त मिळाले आहे . यातील दोन गंभीर जख्मींना ग्रामीण रुग्णालयात प्रथम उपचार केल्यावर त्यांना पुढील उपचारासाठी सामान्य रुग्णालय जळगाव पाठवण्यात आले असुन , घटनेच्या ठीकाणी पोलीस कर्मचारी पंचनामा करण्यास पहोचल्याचे वत्त आहे. अपघातातील जख्मीना मदतीसाठी रिपाईचे कार्यकर्त विष्णु पारधे, यावल येथिल भोई समाजाचे कार्यकर्त भिका भोई व अन्य सामाजीक कार्यकर्त्यांनी मदत केली .दरम्यान यावल चोपडा मार्गावरील रस्त्याची अवस्थाही अत्यंत दयानिय झाली असुन , या मार्गावर वारंवार अपघात होत असुन देखील यावल सार्वजनिक बांधकाम विभागाच्या कामचुकार कारभाराऱ्यांकडे वारंवार तक्रारी केल्यावर ही याची साधी दखल घेतली जात नसल्याने सार्वजनिक बांधकाम विभागा कार्यपद्धती बाबत प्रचंड नाराजी व्यक्त होत आहे .