नांदुरा(प्रफुल्ल बिचारे पाटिल ):-

लहान मुले ही देवाघरची फुले असतात असे म्हटले जाते. निरागस लहान बालकांमधील अद्वितीय गुणांचा जेव्हा परिचय होतो तेव्हा त्याची उपमा दुसर्‍या कशालाही देता येणार नाही. दुसऱ्यांना मदतीचा हात देण्याची त्यांची सेवाभावी वृत्ती फ़ार कौतुकास्पद ठरते.
मुलं जरी वयाने लहान असली तरी इतरांना मदतीचा हात देण्याबाबत ती निवडक ठरतात व त्यांच्यातील सहकार्याची बीजे परिपक्व होत जातात. याचाच उत्तम दाखला म्हणजे नांदुरा खुर्द येथील कु. हिंदवी प्रकाश बावस्कार हिने आपला खाऊचा निधी श्रीराम मंदिर उभारणीच्या पवित्र कार्यासाठी देऊन अत्यंत कमी वयातील आपल्या औदार्य वृत्तीचा परिचय करून दिला.
अयोध्येत साकारल्या जाणाऱ्या भव्य श्रीराम मंदिर निधी संकलन अभियानाअंतर्गत प्रत्येक कुटुंबाकडून स्वेच्छेने केलेली आर्थिक मदत स्वीकारली जात आहे. साकारल्या जात असलेल्या भव्य श्रीराम मंदिरास आपला सुद्धा हातभार लागावा या उद्देशाने नांदुरा खुर्द येथील चार वर्षीय कु. हिंदवी प्रकाश बावस्कार हिने गेल्या अनेक दिवसांपासून साठवून ठेवलेला आपला खाऊचा निधी हा नि:स्वार्थीपणे श्रीराम मंदिर उभारणीसाठी निधी संकलन समितीच्या सदस्यांकडे सोपवीला. एवढ्या कमी वयात सामाजिक कार्यात आपला खारीचा वाटा उचलणाऱ्या हिंदवीच्या या सेवाभावी गुणांचा सर्वांना परिचय झाला. अत्यंत कमी वयात हिंदवीने दाखविलेल्या या सामाजिक जाणिवेचे सर्वत्र कौतुक होत आहे.

सिंदखेड राजा (सचिन खंडारे )

करोना प्रादुर्भावामुळे समाजामध्ये भीतीचे, भयाचे वातावरण आहे. आजूबाजूला सतत ज्या घटना घडत आहेत, त्यामुळे लोक घाबरतात. ज्यांच्या कुटुंबापर्यंत करोना पोहोचला आहे, ती कुटुंबे त्याहीपेक्षा जास्त घाबरलेली आहेत. भयभीत अशी स्थिती दुर्दैवाने निर्माण झाली आहे. करोनाने एकूण समाजव्यवस्था आर्थिक, सामाजिक, शैक्षणिक, राजकीयदृष्टय़ा उद्ध्वस्त केली आहेच, पण मानसिकता आणि मानवी भावपटलावरही त्याचे ओरखडे उठले आहेत. हे भय, चिंता या साऱ्यातून समाजाला मानसिकदृष्टय़ा बाहेर काढणे हेसुद्धा एक आव्हान आहे. एकीकडे न दिसणाऱ्या विषाणूच्या विरोधात लढाई लढायची आहे, तर दुसरीकडे या भयगंडातून, नैराश्यातून थिजलेल्या समाजव्यवस्थेच्या चक्रालाही गतिमान करण्याचे आव्हान आहे. या सगळ्या लढाईमध्ये विज्ञान, वैज्ञानिक साधने, औषधे हे जसे उपयोगी ठरत आहेत, ठरणार आहेत; त्यासोबतच धार्मिक परंपरा, विधी, सण-उत्सव आणि त्यातून निर्माण होणारी सकारात्मक ऊर्जा हीसुद्धा समाजाला नैराश्यातून बाहेर काढू शकते, भयमुक्त करू शकते. म्हणून उत्सवप्रिय समाजाला नियमांचे पालन करून हळूहळू त्या दिशेने घेऊन जाणे गरजेचे आहे. काही अंशी हे काम आपण करीत आहोत आणि म्हणूनच अखंड परंपरा असणारी वैष्णवांची वारी जरी या वर्षी होऊ शकली नाही, तरी वारकरी परंपरेला खंड न पडू देता संतांच्या पादुका पंढरपुरात गेल्या. शिस्तबद्ध पद्धतीने विठ्ठलाचा आषाढीचा सोहळा संपन्न झाला. यातून निर्माण झालेली सकारात्मक ऊर्जा ही वारकरी समाजाला चेतना देणारीच ठरेल, तशी ऊर्जा निर्माण करणे ही आता गणेशोत्सव मंडळांचीसुद्धा जबाबदारी होऊन बसली आहे. याचेच औचित्य साधून सालाबादाप्रमाणे मौजे सवडद येथे श्री सिद्धिविनायक मंदिरावर तिन दिवसीय गणेश जयंती महोत्सव आयोजित करण्यात आला आहे.
सोशल डिस्टसिंगचा वापर करून दि 13 पासून ह्या कार्यक्रमाला प्रारंभ होणार असून पहिल्या दिवशी सकाळी 9 ते 12 डॉ. ज्ञानेश्वर तांगडे बालरुग्णायल साखरखेर्डा हे मोफत बालरोग तपासणी तथा मोफत औषधोपचार करणार आहेत. सायंकाळी 8 ते 10वा गणेश घुले औरंगाबाद यांचा विद्यार्थ्यांना उर्जा देणारा “सुंदर माझी शाळा” जागर बालकवितेचा हा कार्यक्रम संपन्न होणार आहे दि 14 फेब्रुवारी रोजी रात्रौ 8 ते 10 राष्ट्रीय किर्तनकार सप्त खंजेरी वादक संदिपाल महाराज यांचा कार्यक्रम तर दि 15 फेब्रुवारी रोजी सकाळी अकरा वाजता बालकिर्तनकार सोहम महाराज काकडे यांचे काल्याचे किर्तन नंतर किशोर महाजन, ओमप्रकाश अग्रवाल, डॉ शेषराव देशमुख यांच्या हस्ते महाप्रसाद वाटप रात्रौ 8 ते 10 गुरूदेव सेवा मंडळ वझर खामगाव यांच्या कार्यक्रमाने सांगता होईल. दरम्यान तिन्ही दिवस सकाळी 11 ते 5 ह. भ.प.अशोक महाराज घायाळ यांच्या अमृवाणीतून गणेश पुराण कथासार संपन्न होणार आहे. यामध्ये हरिपाठ, भजन असे वेगवेगळे कार्यक्रम आयोजित करण्यात आले असल्याने भाविकांनी या कार्यक्रमाला मोठय़ा संख्येने उपस्थित राहावे असे आवाहन ग्रामस्थांच्या वतीने करण्यात आले आहे.

सिंदखेडराजा (सचिन खंडारे )

गावंडे महाविद्यालयासमोरील गतीवरोध काला पांढरपट्टे नसल्यामुळे रोज अपघात घडत आहे !साखरखेर्डा येथुन पाचशे मीटर अंतरावर शिंगणे महाविद्यालय आहे येथे जवळपास सात ते आठ हजार विद्यार्थी विविध विषयात शिक्षण घेत आहे ‘महाविद्यालया मध्ये येणाऱ्या जाणाऱ्या विद्यार्थी पालकांची संख्या खूप मोठ्या प्रमाणामध्ये आहे आणि साखरखेर्डा येथून हा रस्ता लव्हाळा मार्गे मेहकर – चिखली -खामगाव -तिकडे जाते त्यामुळे वाहनधारकांची संख्या या रस्त्याने मोठ्या प्रमाणामध्ये आहे !तसेच दुचाकीस्वारांची संख्या खूप आहे ।दुचाकीस्वरांना दोन्ही गतिरोधक हे दिसत नसल्यामुळे हात सटकून पडण्याचा धोका निर्माण झाला आहे ‘या गतिरोधक आवर आतापर्यंत ३ जणांचा मृत्यू झाला असून ४०च्या वर दुचाकीस्वार मोटर सायकल वरून पडले आहे !गावंडे महाविद्यालया समोरील गतीवरोधकावर अपघाताची मालिका सुरूच असून अनेकांना आपले हात-पाय गमवावे लागले आहे ‘अनेक मुले -महिला जखमी सुद्धा झालेले आहेत ‘तरी दोन्ही गतीरोधकावर कायमस्वरूपी पांढरे पट्टे मारण्यात यावे अशी मागणी वाहनचालक करीत आहेत !

सिंदखेडराजा ( सचिन खंडारे )

ओ टी एस पी योजनेअंतर्गत दुधाळ जनावरांचे गट ‘शेळी गट वाटप करणे करता अनुसूचित जाती गटातील लाभार्थ्यांनी या योजने करता अर्ज सादर करावे असे आवाहन सिंदखेडराजा पशुधन विस्तार अधिकारी श्री उदार तसेच साखरखेर्डा येथील पशुवैद्यकीय डॉक्टर श्री शिंगणे यांनी केली आहे ‘सन 2020-2021मध्ये ओ टी एस पी योजनेअंतर्गत75 टक्के अनुदानावर दुधाळ जनावरे वाटप करतात रुपये वीस लाख व शेळी गट वाटप करता रुपये दहा लाखाची तरतूद जिल्हा पशुसंवर्धन विभाग बुलढाणा यांच्याकडे प्राप्त झालेली आहे !तरी सदरहू दुधाळ जनावरे वाटप करण्याकरता सिनखेडराजा तालुक्यातील अनुसूचित जाती प्रवर्गातील इच्छुक लाभार्थ्यांनी अर्ज पशुधन कार्यालय सिंदखेड राजा येथे सादर करावा !अर्ज करण्याची तारीख 1 फेब्रुवारी 20 21 पासूनअर्ज स्विकारण्याची सुरुवात होईल ।तर 28 फेब्रुवारी 2021 हे अर्ज स्विकारण्याची अंतिम तारीख असेल !लाभार्थ्यांनी अर्जासोबत खालील प्रकारचे कागदपत्रे जोडावी !
1 )आधार कार्डची सत्यप्रत २) दारिद्र रेषेखालील असल्याचा दाखला 3) सातबारा व आठ अ ग्रामपंचायत नमुना ) ४ )प्रशिक्षण घेतले असल्यास प्रमाणपत्राची छायांकित सत्यप्रत ५ )जातीच्या दाखल्याची सत्यप्रत ६ ) बचत गट सदस्य असल्यास प्रमाणपत्र ७)रोजगार स्वयंरोजगार कार्यालयाचे नाव नोंदणी कार्डाची सत्यप्रत ८ )अपंग असल्यास तसे प्रमाणपत्र ९) बँक पासबुक ची सत्यप्रत १० )अपत्याचे प्रमाणपत्र ११ )
रेशन कार्डाची सत्यप्रत !
इत्यादी कागदपत्रे लाभार्थ्यांनी अर्जासोबत जोडायची आहे !