सिंदखेड राजा ( सचिन खंडारे )

गावोगावी अतिशय महत्त्वाच्या समजल्या जाणाऱ्या ग्रामपंचायत निवडणुकीसाठी अखेर मतदानाची तारीख आणि मतदान करण्याचा दिवस उजाडला 15 जानेवारीला मतदान करायला प्रत्यक्षपणे सुरुवात होईल यासाठी सिंदखेड राजा तालुक्यातील त् ४३ ग्रामपंचायती पैकी ४ ग्रामपंचायती बिनविरोध निवडून आले आहेत त्यामुळे तालुक्यातील 39 ग्रामपंचायतीसाठी मतदान होईल !
यासाठी संपूर्ण महसूल व इतर यंत्रणा कामाला लागलेली आहे !तसेच पोलीस बंदोबस्त सुद्धा लावण्यात आला आहे !
अनेक ठिकाणी सरपंच साठी बोली लागली आहे तर काही ठिकाणी सदस्य बिनविरोध निवडून देण्यासाठी गावकऱ्यांनी प्रयत्न केले !काही प्रयत्न सफल झाले तर काही असफल झाली !
तालुक्यातील काटे पांगरी येथे सात सदस्य पैकी सहा जण बिनविरोध निवडून दिले व एका जागेसाठी तेथे तिरंगी लढत सुरू आहे !
तालुक्यातील अतिशय संवेदनशील समजल्या जाणाऱ्या साखरखेर्डा येथे अतिशय चुरशीची लढत पहावयास मिळणार आहे !अनेक पॅनल ने महिलांना प्राधान्य दिलेली आहे !35उमेदवारांपैकी एकूण वीस महिला उमेदवार दोन्ही पॅनेलने निवडणुकीच्या मैदानात उतरवले आहेत !14 जानेवारी ची रात्र ही प्रचाराची शेवटची रात्र असल्यामुळे अनेक उमेदवार हे रात्रभर जागरण करत असतात !या ठिकाणी रात्रीस खेळ चाले ।प्रमाणे उमेदवाराकडून मतदारासाठी खेळ चालण्याची शक्यता नाकारता येत नाही !निवडणुकीच्या निकालानंतरच काय ते चित्र स्पष्ट होईल !

आयुषी दुबे शेगाव

12 जानेवारी शेगाव जायन्टस सहेली ग्रुप व लायनेस क्लब च्या संयुक्त विद्यमाने माँ जिजाऊ जन्मोत्सव व स्वामी विवेकानंद जयंती युवा दिन निमित्त महिलांची विरांगणा संस्कार सायकल रॅली चे आयोजन करण्यात आले होते.

या सायकल रॅलीचा मुख्य उद्देश माँ जिजाऊ चे संस्कार युवा पिढीवर रूजवणे व युवतींना विरांगणा असल्याची जाणीव करून देणे अश्या आशयाचा होता. या रॅलीमध्ये एकूण 50 सायकल स्वर विद्यार्थिनी व शेगाव शहरातील सर्व महिला सहभागी झाल्या होत्या.

सायकल रॅलीचे उद्घाटन शेगावच्या प्रथम महिला नागरिक नगराध्यक्ष शकुंतलाताई बुच यांनी माँ जिजाऊ व विवेकानंदाचे पूजन, हारार्पण, दीपप्रज्वलन करून व हिरवी झेंडी दाखवून जिजामाता चौकातून सुरुवात केली व मथुरा लॉन्स वर ही समाप्त झाली.यावेळी कल्पना मसने,राजकुमारी भट्टड,अंजूषा भूतडा किशोर मिश्रा,विनायक भारंबे हे विशेष रूपाने उपस्थित होते.यावेळी अश्वारूढ जिजामाता च्या वेशभूषेत आलेल्या लावण्या असंबे यांनी मशाल पेटवून युवतींना संदेश दिला.
ही रॅली संपूर्ण शेगावातून मेन रोडने मथुरा लॉन्स येथे समाप्त झाली. तेथे विद्यार्थिनींना लायनेस क्लबच्या वतीने व स्नॅक्स व पाणी वाटप करण्यात आले. त्याच प्रमाणे बिस्किट वाटपही करण्यात आले. कार्यक्रमा अंतर्गत सांस्कृतिक कार्यक्रम ही आयोजित करण्यात आला होता. स्वामी विवेकानंद विद्यालयाच्या विद्यार्थ्यांनीनी सामूहिक नृत्य सादर करून शिवाजी महाराजांना अभिवादन केले.
यावेळी
स्वामी विवेकानंद ,राजमाता जिजाबाई, बाल शिवाजी या वेशभूषां मध्ये तयार होऊन आलेले बालकांनी सर्वांचे लक्ष वेधून घेतले. कार्यक्रमाच्या शेवटी पुरस्कार वितरण करण्यात आले. त्यामध्ये सान्वी इधोळ, साक्षी कदम, गायत्री देशमुख, हर्ष वासनिक, ऋतुराज मसने यांना पारितोषिक वितरण करण्यात आले. स्वामी विवेकानंद विद्यालयाच्या विद्यार्थ्यांनींना सामुहिक नृत्यासाठी पुस्तक बक्षिस म्हणून देऊन प्रोत्साहित केले. मुख्याध्यापिका सौ जयश्री इधोळ मॅडम यांचा विशेष सन्मान करण्यात आला. त्याच बरोबर कार्यक्रमाचे मुख्य आकर्षण तलवारबाजीचे प्रात्यक्षिक करणाऱ्या लावण्या असंबे यांनाही विशेष रूपाने सन्मानित करण्यात आले. कार्यक्रमाचे उत्कृष्ट सूत्रसंचालन राधिका देशपांडे यांनी केले तर आभार प्रदर्शन वीणा लाखे यांनी केले.
या कार्यक्रमासाठी वृषाली ताई भारंबे, लावण्या अंसबे,रजनी शर्मा व लायनेस ग्रुप जायन्टस गृप पतंजली च्या सर्व सदस्यांनी विशेष परिश्रम घेतले.

सिंदखेड राजा (सचिन खंडारे )

राष्ट्रमाता माँ जिजाऊ यांच्या जयंतीनिमित्त 12 जानेवारी रोजी चिखली तालुक्यातील
अंत्रि खेडेकर येथे सकाळी , माँ जिजाऊ साहेब यांच्या जयंती निमित्त प्रतिमेचे पूजन करण्यात आले.यावेळी स्वाभिमानीचे अमोल मोरे,लहुजी शक्ती सेनेचे संतोष गायकवाड, पोलीस पाटील रामदास मोरे, भगवान मोरे, धीरज मोरे उपस्थित होते.

सिंदखेड राजा (सचिन खंडारे )

12 जानेवारी रोजी स्वामी विवेकानंद जयंती तसेच राष्ट्रमाता माँ जिजाऊ साहेब यांच्या जयंतीनिमित्त सिंदखेडराजा तालुक्यातील शिवनी आरमाळ येथे गावकऱ्यांनी रक्तदान करून खऱ्या अर्थाने महामानवाला अभिवादन केले !सध्या महाराष्ट्रामध्ये कोरोना च्या पार्श्वभूमीवर तसेच महाराष्ट्रामध्ये असलेला कमी रक्तसाठा हे लक्षात घेता शिवनी आरमाळ येथील 50 युवकांनी रक्तदान केले !
जालना येथील
जनकल्याण रक्तपेढी रक्तदान करता आली होती यावेळी
:प्रभाकर राऊत ,अमोल आरमाळ, बळीराम गायके, स्वप्नील आरमाळ ‘संजय आरमाळ ।आधी सहकार्य केले !

सिंदखेड राजा ( सचिन खंडारे )

युवकांनी आता जर कुठलेही काम हातामध्ये घेतले तर ते शक्य झाल्याशिवाय राहत नाही याची प्रचिती सिंदखेडराजा तालुक्यातील सवडद या गावी आली आहे ।दिनांक 13 जानेवारी रोजी येथील दहा ते पंधरा युवकांनी एकत्र येऊन डॉक्टर बाबासाहेब आंबेडकर यांच्या पुतळ्यास समोरील वाढलेले गवत काढून साफ-सफाई केली तसेच बुद्ध विहाराच्या नियोजित जागेतील गवत काढून सुद्धा साफसफाई केली !यावेळी श्रमदाना मध्ये !भाई पुंजाजी मोरे ‘राहुल मोरे समाधान मोरे विश्वनाथ मोरे छगन मोरे स्वप्नील मोरे डॉक्टर ज्ञानेश्वर मोरे प्रमोद मोरे विशाल मोरे गौतम मोरे सुखदेव मोरे शुभम मोरे रवी हिवाळे रणजित मोरे जीवन मोरे शांताराम मोरे पवन मोरे आधी युवक श्रमदाना मध्ये सहभागी होते !

सूर्या मराठी न्यूज ब्युरो

माझ्यावर बलात्काराचा आरोप करणारी महिला माझ्या दोन मुलांची आई , ना , धनंजय मुंडे

मला ब्लॅकमेल करण्यासाठी तक्रार ,

राष्ट्रवादी काँग्रेसचे नेते आणि राज्य सरकारमधील मंत्री धनंजय मुंडे यांच्यावर परिचयाच्या एका महिलेने बलात्काराचा गंभीर आरोप केला आहे. या महिलेने ओशिवरा पोलीस ठाण्यात एक तक्रार अर्ज दिला आहे. या प्रकरणाची चर्चा सुरु झाल्यानंतर आता धनंजय मुंडे यांनी आपली बाजू मांडली आहे.

“माझ्यावर करण्यात आलेले आरोप खोटे असून माझी बदनामी करणारे तसेच मला ब्लॅकमेल करणारे आहेत” असे धनंजय मुंडे यांनी आपल्या फेसबुक पोस्टमध्ये म्हटले आहे. त्यांनी स्वत:च या प्रकरणाची वस्तुस्थिती सांगितली आहे.

काय म्हटले आहे धनंजय मुंडे यांनी
एका महिलेसोबत मी 2003 पासून परस्पर सहमतीने संबंधांत होतो. ही बाब माझे कुटुंबीय, पत्नी व मित्र परिवार यांना अवगत होती. सदर परस्पर सहमतीच्या संबंधामधून आम्हाला एक मुलगा व एक मुलगी अशी दोन मुले झाली. सदर दोन्ही मुलांना मी माझे नाव दिले आहे. शाळेच्या दाखल्यापासून ते सर्व कागदपत्रांमध्ये या मुलांना पालक म्हणून माझेच नाव आहे, ही मुले माझ्यासोबतच राहतात. माझे कुटुंबीय, पत्नी आणि माझी मुले यांनी देखील या मुलांना कुटुंबीय म्हणून सामावून घेतले असून स्वीकृती दिलेली आहे.
सदर महिला माझ्या मुलांची माता असल्यामुळे त्यांची मी सर्वोतोपरी पालनपोषणाची जबाबदारी स्वीकारली आहे. मी त्यांना मुंबईत सदनिका घेण्यास मदत केली आहे, मी त्यांना विमा पॉलिसी व त्यांच्या भावाला व्यवसाय स्थापित करण्यास मदत केलेली आहे. या सर्व कृती मी सदभावनेने केलेल्या आहेत.
मात्र 2019 पासून सदर महिला त्यांची बहीण यांनी मला ब्लॅकमेल करुन पैशाची मागणी करण्यास सुरुवात केली. माझ्या जिवीतीला गंभीर शारीरिक इजा करण्याच्या, धोका करण्याच्या धमक्या सुद्धा देण्यात आल्या. या सर्व प्रक्रियेत त्यांचा भाऊ देखील सहभागी होता.
मोबाईल वरून ब्लॅंकमेलिंग करण्यासाठी कोट्यवधी रुपये मागितल्याचे एसएमएसचे पुरावे माझ्याकडे आहेत. दबाव तंत्राचा सुद्धा हा भाग असू शकतो. या सर्व प्रकरणाची संबंधीतांकडून योग्य चौकशी केली जाईल असा विश्वास धनंजय मुंडे यांनी व्यक्त केला आहे.

सिंदखेड राजा ( सचिन खंडारे )

अतिशय महत्त्वाचा अशा साखरखेर्डा ते शिंदी रस्ता हा पूर्णपणे उखडून गेला आहे या रस्त्यावरती मोठ-मोठाले खड्डे पडले असून याबाबत सतत वृत्त प्रकाशित करून प्रशासनाला जागी केली आहे व त्याचाच परिणाम आज दिनांक 12 जानेवारी पासून साखरखेर्डा ते शिंदी या रस्त्यावरील खड्डे बुजविण्याचे काम सार्वजनिक बांधकाम जि प . विभागाने सुरू केली आहे ‘सध्या सार्वजनिक बांधकाम विभागाच्या वतीने खड्डे बुजवण्याचे काम सुरु झाली असून खड्डे बुजवण्या ऐवजी साखरखेर्डा ते शिंदी व शिंदी ते मेरा बुद्रुक पर्यंत पूर्णपणे नव्याने डांबरी रस्ता करण्याची मागणी वाहनचालक करत आहेत .खड्डे बुजवण्यासाठी गिट्टी चा चुर व डांबर गोष्टीचा वापर केला जात असून बुजवलेल्या खडड्यातून गिट्टी बाहेर येणार तर नाही हे महत्त्वाची ठरेल ! पाठपुराव्याने खड्डे बुजवण्याचे काम सुरू झाल्यामुळे लोकांनी समाधान व्यक्त केले आहे !

सिंदखेड राजा (सचिन खंडारे )

सध्या संपूर्ण देशामध्ये covid-19 लसीकरणाचा डोस देण्याची जय्यत तयारी सुरू झालेली आहे काही ठिकाणी तयारी पूर्ण देखील झालेली आहे !अशातच राष्ट्रमाता माँ जिजाऊ यांचे माहेर असलेल्या सिंदखेड राजा तालुका कोविड शिल्ड लसीकरणासाठी सज्ज झाला आहे !याबाबत तालुका आरोग्य अधिकारी श्री महेंद्र साळवे यांनी सांगितले आहे की ‘अगोदर सर्व आरोग्य कर्मचाऱ्यांना लसीकरणाबाबत ट्रेनिंग देण्यात आली आहे ‘शिवाय संपूर्ण शासकीय कर्मचारी तसेच खाजगी आरोग्य कर्मचारी .डॉक्टर यांची माहिती संकलन करून ते बुलढाणा येथे पाठवण्यात आली आहे ।यामध्ये तालुक्याच्या दृष्टीने समिती नेमण्यात आली असून यामध्ये तालुका आरोग्य अधिकारी ।तहसीलदार व उपविभागीय अधिकारी ‘बिडिओ ।उपविभागीय पोलिस अधिकारी ‘पोलीस अधिकारी ‘ आधी कर्मचारी चा यात समावेश आहे ।ही कमिटी दर आठवड्याला बैठकीचे आयोजन करत असूनया मध्ये लसीकरणाबाबत उपाय योजना केल्या जातात ‘लसीकरणाबाबत तीन खोल्या उपलब्ध केल्या असून ह्या मध्ये वेटिंग रूम ‘यामध्ये सुरुवातीला आरोग्य कर्मचाऱ्यांना लस देण्यात येणार असून आरोग्य कर्मचारी हे शासकीय अवतेच आहेत की नाही यासाठी पोलीस त्यांचे ओळखपत्र तपासून त्यांना आत मध्ये प्रवेश देतील ‘यामध्ये सदर व्यक्ती तंदुरुस्त आहे की नाही याची तपासणी करून त्यानंतर त्यांची नोंद करण्यात येईल !दुसरी खोली आहे ‘ ‘कोविड शिल्ड लसीकरणाची ‘यामध्ये ज्या कर्मचाऱ्याची नोंद केलेली आहे अशा कर्मचाऱ्यांना या रूममध्ये नेऊन त्यांना लस देण्यात येईल ।लस दिल्यानंतर तीन नंबरची खोली असेल ती । .प्रतीक्षालय !यामध्ये व्यक्तीला लसी चे इंजेक्शन दिल्यानंतर त्या खोलीमध्ये अर्धा तास बसवण्यात येईल ।त्याला कुठल्या प्रकारचे त्रास जाणवत असेल तर त्याला आय एफ आय ची किट उपलब्ध असेल व त्यानुसार त्याच्यावर इलाज करण्यात येईल !अशी व्यवस्था तीन खोल्यांमध्ये करण्यात आली आहे !अगोदर लस ही आरोग्य कर्मचारी यांना देण्यात येणार असून त्यानंतर शिक्षक ‘ पोलीस व महसूल विभागातील कर्मचाऱ्यांना लस देण्यात येईल ‘व त्यानंतर ज्यांचे वय पन्नास वर्षे वरील आहेत अशांना सर्व तपासणी करून लक्ष देण्यात येईल !अशी माहिती सिंदखेडराजा तालुक्याचे तालुका आरोग्य अधिकारी श्री महेंद्र साळवे यांनी दैनिक लोकमंथन ला बोलताना दिली !

गजानन सोनटक्के
जळगांव जा.प्रतिनिधी:

जळगाव जामोद तालुक्यातील सुनगांव येथे दिनांक 12 जानेवारी रोजी जिल्हा परिषद मराठी प्राथमिक शाळा येथे राष्ट्रमाता राजमाता जिजाऊ तसेच स्वामी विवेकानंद यांची जयंती साजरी करण्यात आली. सर्वप्रथम जिजाऊ मासाहेब यांच्या प्रतिमेचे पूजन तसेच स्वामी विवेकानंद सावित्रीबाई फुले यांच्या प्रतिमांचे पूजन करून कार्यक्रमाला सुरुवात करण्यात आली कार्यक्रमाच्या अध्यक्षस्थानी शाळा व्यवस्थापन समितीच्या अध्यक्ष सुनीताताई सोनटक्के ह्या होत्या तर कार्यक्रमाचे सूत्रसंचालन श्री सारोकार सर यांनी केले तर कार्यक्रमाचे आभार प्रदर्शन बुटे सर यांनी केले राष्ट्रमाता राजमाता जिजाऊ यांच्या जयंती दिनी शाळेच्या शिक्षिका अस्मिता शिरसागर यांनी covid-19 च्या काळामध्ये ग्रामीण भागातील गरीब विद्यार्थ्यांसाठी राबविलेल्या विविध उपक्रमांबद्दल त्यांचा राजमाता जिजाऊ जयंतीदिनी सत्कार करण्यात आला तसेच covid-19 च्या काळामध्ये अंगणवाडी सेविकांनी या काळामध्ये दिलेल्या योगदानाबद्दल संपूर्ण अंगणवाडीसेविकांचा सत्कार करण्यात आला तसेच बचत गटातील महिलांचाही यावेळी सत्कार करण्यात आला. कार्यक्रमाला प्रमुख उपस्थिती शाळेचे मुख्याध्यापक श्री ताडे सर तसेच सुनगाव ग्रामपंचायतचे सचिव श्री चौधरी हे होते ग्रामपंचायतचे सचिव चौधरी यांनी राष्ट्रमाता राजमाता जिजाऊ यांच्या योगदानाबद्दल आपले मनोगत व्यक्त केले तसेच कार्यक्रमाला शाळेचे शिक्षक गवई सर,बुटे सर,सहावे सर,सारोकार सर,निकम सर,शफिक सर,शेख सर, तसेच महिला शिक्षिका अस्मिता शिरसागर, बोंबटकार मॅडम, उमाळे मॅडम, खर्डे मॅडम, राजगुरे मॅडम, शाळा समिती अध्यक्ष पती रामदास सोनटक्के, ग्रामपंचायत कर्मचारी संतोष ताडे, गजानन धुळे, मनोहर वानखडे,राजेश अंदुरकार, यांच्यासह अंगणवाडी सेविका मिना जोशी,सुनिता भड,चंदा चिंचोलकार, अनुसया वंडाळे,सखु पाटील,गिता दामधर,पुष्पा सांगळे,आम्रपाली अंदुरकार, सविता धुळे, वैशाली आकोटकार,वेणु वानखडे, आरीफाबी मालेखाँ यांच्यासह गावातीलच महिला बचत गटाच्या महिला उपस्थित होत्या.