सिंदखेड राजा (सचिन खंडारे )

साखरखेर्डा येथील पत्रकार तथा सामाजिक शैक्षणिक कार्यात अग्रेसर असणारे दिव्य मराठी राज्याचे तालुका प्रतिनिधी दीपक सत्यभान नागरे यांना अतिशय प्रतिष्ठेचा दर्पणकार बाळशास्त्री जांभेकर मराठी पत्रकारिता राज्य पुरस्कार जाहीर झाला आहे ‘ऑल जनरल लिस्ट अँड फ्रेंड्स सर्कलह्या राष्ट्रव्यापी पत्रकार संघटनेच्या वतीने हा मानाचा पुरस्कार दिला जातो ‘या पुरस्काराची घोषणा संस्थापक अध्यक्ष यासीन पटेल व प्रदेशाध्यक्ष अजिंक्य गोवेकर यांनी दिनांक 24 डिसेंबर रोजी केली आहेहा पुरस्कार जानेवारी महिन्यात अचलपूर येथे प्रदान केला जाणार असल्याचे समजते त्यामुळे सिंदखेड राजा व साखरखेर्डा परिसरातील लोकांनी आनंद व्यक्त केला आहे तसेच नागरी सर यांना शुभेच्छा सुद्धा दिले आहेत ।गेल्या पंचवीस वर्षापासून श्री नागरे सर हे पत्रकारीता करत आहेत शिवाय पेशाने शिक्षक असून सुद्धा सामाजिक कार्यात अग्रेसर आहेत ।

मनसेचे सत्यवान भगत यांची सार्वजनिक बांधकाम विभागाकडे तक्रार !!!

उरण – रायगड जिल्हा: उरण तालुक्यातील खोपटे ते कोप्रोली गावांदरम्यान असलेल्या रस्त्याचे काम निकृष्ट दर्जाचे करण्यात आले शिवाय रस्त्यात खूप मोठे खड्डे पडले असून हे खड्डे डांबरीकरण करण्याऐवजी खड्डे मातीने भरून बुजविले जात आहेत. त्यामुळे या गैरकारभारा विषयी महाराष्ट्र नवनिर्माण सेनेचे तालूका उपाध्यक्ष सत्यवान भगत यांनी मुख्य कार्यकारी अधिकारी सार्वजनिक बांधकाम विभाग पनवेल यांच्याकडे तक्रार केली असून या कामाचे बिल थांबविण्यात यावे अशी मागणी केली आहे.

खोपटे गाव ते कोप्रोली गाव रस्त्यावर खड्यांच्या संदर्भात गेली 2 वर्षे त्या रस्त्याची देखभाल दुरुस्ती निकृष्ट दर्जाची झाली आहे. ह्याच रस्त्याच्या दुरुस्तीसाठी NHAI ने अंदाजे 30 ते 40 लाखाचा निधी पावसाळी पडलेले खड्डे आणि दुरुस्तीसाठी मंजूर करून ते सार्वजनिक बांधकाम विभागाकडे वर्ग करण्यात आले आहे. परंतु सार्वजनिक बांधकाम विभागातील अधिकारी जे. ई. बांगर हे ठेकेदाराला पाठीशी घालून निकृष्ट दर्जाच्या कामांना सहकार्य करून जनतेच्या आणि शासनाच्या पैश्याची लूट करण्याचे काम करत आहेत. सदर रस्त्याचे नव्याने डांबरीकरण झाले तरी रस्त्यावर मोठे मोठे खड्डे पडणार आहेत. कारण ह्या रस्त्यात पडलेल्या खड्यात मातीचा भराव टाकून खड्डे बुजविण्यात आले आहेत. खड्ड्यात डांबर न टाकता केवळ खडी पसरवून नंतर माती वरवर डांबर टाकली जात आहे. त्यामुळे ह्या रस्त्यावर पुन्हा खड्डे पडू लागले आहेत. सदर विषयाचे गांभीर्य लक्षात घेता निकृष्ट दर्जाच्या रस्त्याच्या कामाची चौकशी करून अधिकारी जे.ई.बांगर आणि ठेकेदार यांच्यावर कारवाई करून कामाचे बिल त्वरित थांबविण्यात यावे अशी मागणी पत्रव्यवहारा द्वारे मनसेचे तालूका उपाध्यक्ष सत्यवान भगत यांनी सार्वजनिक बांधकाम विभागाकडे केली आहे.

सार्वजनिक बांधकाम विभागाने लक्ष द्यावेयावल येथील बुरूज चौक ते सातोद मार्गावरील शासकीय गोदाम पर्यंतच्या रस्त्याचे डांबरीकरणाचे काम सार्वजनिक बांधकाम विभागाच्या दुर्लक्षामुळे मागील सात महीन्यांपासुन प्रलंबीत असल्याने वाहनधारका व पादचाऱ्यांना मोठा त्रास सोसावा लागत आहे . यावल शहरातील बुरूज चौक ते सातोद कोळवद या मार्गावरील रस्त्यावरील पोलीस स्टेशन , ग्रामीण रुग्णालय , स्टेट बॅकेचे मुख्य कार्यालय , तहसील कार्यालय , विविध शाळा आदी मुख्य कार्यालय असुन या मार्गावर कार्यालयाशी निगडीत कामा करीता येणाऱ्या नागरीकांची नियमीत मोठी वर्दळ असते हा विषय लक्षात घेत शासनाच्या वतीने सुमारे ५०० मिटर पर्यंतचा रस्त्यासाठी निधी मंजुर झाला असुन या कामास सर्वमान्यता मिळाली असतांना सार्वजनिक बांधकाम विभाग यावल च्या अक्षमय: दुर्लक्षामुळे मागील सात महीन्यांपासुन सुरू न झाल्याने या मार्गावरून जाणाऱ्या वाहनधारका पासुन तर पादचाऱ्यांना रस्त्यावर मोठमोठे खड्डे निर्माण झाल्याने व त्यात रस्त्याच्या दोन्ही बाजुस कामाची खड्डीअनेक अडचणींना सामोरे जावे लागत आहे यावलच्या सार्वजनिक बांधकाम विभागाने तात्काळ या प्रलंबीत कामास सुरूवात करून त्वरीत पुर्णत्वास घेवुन जावे अशी मागणी नागरिक करीत आहे .

उरण – रायगड जिल्हा: मुंबई, ठाणे, पालघर, रायगड, नवी मुंबई परिसरातील मूळ भूमीपुत्र असलेल्या आगरी कोळी कराडी, भंडारी, ईस्ट इंडियन आदिवासी समाजाचे अस्तित्व सध्या विविध कारणांनी धोक्यात आले आहे. त्यामुळे कोळी बांधव, कामगार, शेतकरी वर्गांच्या न्याय हक्कासाठी शेतकरी प्रबोधिनी ही संस्था शेतकऱ्यांना, कोळी बांधवांना, कामगारांना विविध माध्यमातून न्याय देण्याचा प्रयत्न करत आहे. अश्या या संस्थेच्या उपाध्यक्ष पदी नुकतीच रामदास हरिश्चंद्र पाटील यांची नियुक्ती करण्यात आली आहे.

मु – नितळस तालुका पनवेल येथील रहिवाशी असलेले रामदास हरिश्चंद्र पाटील यांचे आजपर्यंतचे कार्य व गोरगरिबांविषयी, कामगार, कोळी, शेतकरी बांधवांविषयी असलेली तळमळ पाहता कामगार, कोळी बांधव, शेतकऱ्यांना न्याय व त्यांचे हक्क मिळवून देण्यासाठी शेतकरी प्रबोधन या संस्थेच्या उपाध्यक्षपदी रामदास हरिश्चंद्र पाटील यांची निवड करण्यात आल्याची माहिती संस्थेचे अध्यक्ष राजाराम पाटील यांनी दिली. रामदास पाटील यांची निवड संस्थेच्या उपाध्यक्ष पदी झाल्याने सर्वच क्षेत्रातून त्यांच्यावर अभिनंदनाचा वर्षाव होत आहे.

घरात कोणीही नसल्याचे पाहून चोरांनी केले घर साफ !!!

उरण – रायगड जिल्हा: उरण तालुक्यातील गोवठणे गावातील रहिवाशी मनपसंत चंद्रकांत पाटील वय 32 वर्षे, धंदा -नोकरी, गोवठणे यांच्या घरी दिवसा ढवळ्या घरात कोणीही नसल्याचे पाहून चोरांनी घर साफ केले आहे. घरात असलेले सोने व रक्कम असे एकूण 6, 30, 500 रुपयाची मालमत्ता चोरीस गेल्याने गोवठणे गाव परिसरात एकच खळबळ माजली आहे. चोरी करणाऱ्या अनोळखी व्यक्ति विरोधात भारतीय दंड संहिता 1860 कलम 454, 380 अंतर्गत उरण पोलीस ठाण्यात गुन्हा दाखल करण्यात आला आहे.

सविस्तर वृत्त असे कि मनपसंत चंद्रकांत पाटील राहणार गोवठणे, तालुका उरण हे CHA ची नोकरी करत असून त्यांची पत्नी संगीता ही गर्भवती असल्याने तिच्या उपचाराकरिता पत्नी उरण येथे गेले होते. मनपसंत यांचे वडील वडील कामानिमित्त आवरे येथे गेले होते. मनपसंत यांची आई राधा चंद्रकांत पाटील मनपसंत यांचा मुलगा स्मित पाटील हे घरात होते. मुलगा रडत असल्याने राधा यांनी मुलाला दुपारी 12:30 वाजण्याच्या सुमारास बाहेर फिरण्यास घेऊन गेले. मात्र दुपारी 1:45 वाजण्याच्या सुमारास घरी परत आल्यावर कपाटातील सर्व सामान, कपडे व इतर सामान जवळच असलेल्या बेडवर पडलेले दिसले. किचनचा दरवाजा सुद्धा उघडा होता सदरचे घर दुमजली असून चोरांनी जिन्याद्वारे तळमजल्यात प्रवेश करून चोरी केल्याचा संशय आहे. 3, 20,000/- रुपयाचे 8 तोळे वजनाचे सोन्याचे गंठण, 1, 40, 000/- रूपयाचे जेन्टस चैन, 60, 000/- रुपयाचे सोन्याचे मंगळसूत्र, 48,000/- रुपयाचे 12 ग्रॅम वजनाचे सोन्याचे कानातील झुमके, 12,000/- रुपयाचे कानातील टॉप्स, 12,000/- रुपयाचे गळ्यातील चैन, 12,000/- रुपयाचे सोन्याचे 5 अंगठ्या, 4,000/- रुपयाची लेडीज अंगठी, 4,000/- रुपयाची कानाची बाळी, 18,500/- रुपयाचे रोख रक्कम त्यात 500 रुपयाचे 37 चलनी नोटा असे एकूण 6,30,500/- रुपयाची मालमत्ता चोरीस गेली आहे.

चोराने घरात वरच्या मजल्यावरून घरात प्रवेश करून बेडरूम मधील लोखंडी कपाटाचे लॉकर व ड्रॉवर कशाने तरी तोडून त्यातील वरील वर्णनाचे व किंमतीचे सोन्याचे दागिने व रोख रक्कम चोरी केली आहे. चोरी करणाऱ्या या अनोळखी व्यक्ति विरोधात मनपसंत पाटील यांनी उरण पोलीस ठाण्यात गुन्हा नोंदविला आहे. उरण पोलीस ठाण्याचे वरिष्ठ पोलीस ठाण्याचे वरिष्ठ पोलीस निरीक्षक जगदीश कुलकर्णी यांच्या मार्गदर्शनाखाली पुढील तपास सुरु आहे. चोरांचा त्वरित शोध लावून सदर घटनेस न्याय मिळवून द्यावा अशी मागणी मनपसंत पाटील यांनी पोलीस प्रशासनाकडे केली आहे.