गजानन सोनटक्के जळगाव जा
जामोद तालुक्यातील सूनगाव ग्रामपंचायत17 सदस्य असणारी ग्रामपंचायत आहे 15 जानेवारी रोजी होऊ घातलेल्या निवडणुकीमध्ये सुनगाव ग्रामपंचायत निवडणुकीसाठी एकूण सहा वॉर्डसाठी येथील पन्नास उमेदवारांनी अर्ज दाखल केलेले होते व त्यांची छाननी करून 50 चे 50 हीअर्ज निवडणूक अधिकाऱ्यांनी पात्र केलेले आहेत व येत्या चार तारखेला या उमेदवारांमधून किती उमेदवार अर्ज मागे घेतात व किती उमेदवार 15 जानेवारी रोजी होऊ घातलेल्या निवडणुकीसाठी रिंगणात 43 उमेदवार राहणार आहेत व 7 उमेदवारांनी माघार घेतली आहे
सचिन पगारे
मो.९९२२७८३४२१
नांदगांव (नाशिक)
नांदगाव तालुक्यातील जातेगांव येथील जवान हवालदार दादा तुकाराम पेहरकर यांचा सेवानिवृत्ती समारोह उत्साहात संपन्न झाला .
भारतीय सैन्यदलात सेवेत राहून विविध आव्हानांना सामोरे जात देशाचे रक्षण करणारे शूरवीर,देशप्रेमी आपले जवान भारतमातेचे भूषण आहेत,असे हे जवान त्या-त्या गावचा अभिमानच असतात.
नांदगाव तालुक्यातील ‘फौजींचे गांव’ म्हणून ओळख असलेल्या घाटमाथ्यावरील जातेगांव येथील भुमीपुत्र जवान
हवालदार दादा तुकाराम पेहरकर हे आपल्या २६ वर्षांच्या लष्करीसेवेनंतर निवृत्त झाले. जवान दादा पेहरकर हे सन २४ डिसेंबर १९९४ मध्ये भारतीय सैन्यदलातील आॅर्डिनन्स फॅक्टरी मध्ये दाखल झाले होते. आपल्या २६ वर्षांच्या यशस्वी सेवेनंतर ते आपल्या जातेगांवी परतले.
गावातील आजी -माजी सैनिकांच्या मार्गदर्शनातून देशभक्तीमय गीतांत त्यांची मिरवणूक काढण्यात आली. गावातील तमाम नागरिकांनी त्यांचे औक्षण व सत्कार करून भावी जीवनाच्या शुभेच्छा दिल्या. त्यांच्या सेवापूर्ती समारोहाचे आयोजन गावातील श्रीविठ्ठल- रुक्मिणी मंदिरात करण्यात आले. गावातील ग्रामपालिका कर्मचारी यांनी त्यांचा सत्कार केला . तसेच उपस्थित आजी – माजी सैनिकांचा देखील सत्कार ग्रामस्थांकडुन करण्यात आला. कार्यक्रमाचे सूत्रसंचालन अनिल पवार यांनी केले. आहेर सर, संदीप पवार, विजय पाटील , गुलाब चव्हाण, सोपान खिरडकर यांनी आपले मत व्यक्त करत जवान दादा पेहरकर यांना भावी जीवनाच्या शुभेच्छा दिल्या .आजी-माजी सैनिकांनीही त्यांना सेवापूर्तीनिमित्त शुभेच्छा दिल्या. या सेवापूर्ती समारोहात गावातील लष्करी व पोलिस दलातील कार्यरत जवान, शिक्षकवर्ग, व्यापारी, तरुणवर्ग, ग्रामस्थ मोठ्या संख्येने उपस्थित होते.
सिंदखेड राजा ( सचिन खंडारे )
तीन जानेवारी हा सावित्रीबाई फुले यांची जयंती आणि याच जयंती निमित्ताने संपूर्ण महाराष्ट्र मध्ये विविध कार्यक्रम महिलांसाठी आयोजित करत असतात ‘असेच सिंदखेडराजा तालुक्यातील शिंदे या गावी सावित्रीबाई फुले व महिला शिक्षक दिन याचे औचित्य साधून शिंदी येथील पत्रकार सचिन खंडारे व अजय खंडागळे यांनी महिलासाठी मोफत उद्योग कार्यशाळा आयोजित केली होती ‘या कार्यशाळेमध्ये बचत गटाच्या महिला तसेच सुशिक्षित बेरोजगार तरुण उपस्थित होते ‘यावेळी सर्वप्रथम शिंदी गावचे ग्रामसेवक अर्जुन गवई तसेच सरपंच विनोद खरात मुंगसाजी अर्बन शाखा अधिकारी नितीन डाखोरे महिला बचत गटाच्या अध्यक्षा स्वाती विनोद मार्के यांनी सावित्रीबाई फुले यांच्या प्रतिमेला पुष्पहार घालून प्रतिमेचे पूजन केले .यानंतर उपस्थित असलेले ग्रामसेवक अर्जुन गवई यांनी सावित्रीबाई फुले यांच्या जीवनावर प्रकाश टाकला व महिलांच्या बचत गटाच्या अडीअडचणी सोडवण्यासाठी नेहमी तत्पर राहील अशी ग्वाही दिली !यानंतर सरपंच विनोद खरात तसेच मुंगसाजी अर्बन शाखा अधिकारी नितीन डाखोरे यांचे सुद्धा थोडक्यात भाषणे झाली .त्यानंतर उद्योग कार्यशाळेचे मार्गदर्शक अविनाश खिल्लारे व तसेच उमेश खारडे यांनी उद्योगा बाबत मार्गदर्शन केले तसेच कोणते उद्योग महिलांच्या फायद्यासाठी आहेत कोणते उद्योग महिलांच्या तोट्या साठी आहेत याचे सविस्तर मांडणी त्यांनी या वेळी केली ‘त्यानंतर कार्यशाळा संपन्न झाल्यानंतर प्रमुख पाहुणे असलेले मुंगसाची सरपंच शाखाधिकारी नितीन डाखोरे सरपंच विनोद खरात तसेच अकोला येथील तरुण उद्योजक मयूर घुसरकर ।मेहकर चे सचिन जोशी ‘यांच्या हस्ते उपस्थित कार्यशाळेतील महिलांना व तरुणांना प्रमाणपत्र वाटप करण्यात आले ‘यावेळी महिलांसाठी चहा व फराळाची व्यवस्था करण्यात आली होती ‘कार्यक्रमाचे सूत्रसंचालन पत्रकार सचिन खंडारे यांनी केले तर आभार प्रदर्शन पवन गवई यांनी केले ‘कार्यक्रम यशस्वीतेसाठी ‘महिला बचत गटाच्या स्वाती विनोद मारके ‘शुभम खंडारे रतन खंडारे अजय खंडागळे ‘गजानन गवई ‘संतोष बंगाळे ‘सुनील वायाळ ‘विजय भालेकर ‘प्रवीण मोरे ‘सुरेश यरमुले ‘आदींनी परिश्रम घेतले ‘
सिंदखेडराजा (सचिन खंडारे )
सावित्रीबाई फुले यांची जयंती महिला शिक्षक दिन म्हणून साजरी करण्याचा निर्णय राज्य शासनाने घेतला यांनी 3जानेवारीला सावित्रीबाई फुले यांच्या जयंतीनिमित्त अनेक ठिकाणी सावित्रीबाई फुले यांची जयंती हा महिला शिक्षक दिन म्हणून साजरा केला गेला ‘मेहकर तालुक्यातील हिवरा आश्रम येथील अंगणवाडी क्रमांक एक मध्ये सावित्रीबाई फुले यांची जयंती साजरी करण्यात आली ‘सर्वप्रथम हिवरा आश्रम येथील प्रवेशिका सौ लोंढे मॅडम यांनी सावित्रीबाई फुले यांच्या प्रतिमेला पुष्पहार घालून प्रतिमेचे रीतसर पूजन केले .यानंतर त्यांनी आपल्या छोटेखानी भाषणात मध्ये महिलांनी आपले कर्तव्य पार पाडावे व तत्परतेने कामे करावी असे मार्गदर्शन केले ‘यावेळी अंगणवाडी सेविका संगीता मोरे केंद्र क्रमांक तीन नीता जागृत ‘ मीरा ठाकरे व इतर महिला उपस्थित होत्या ।
ग्रामपंचायत कार्यालय पातुर्डा बु.येथे स्त्री शिक्षणाचा पाया
रचणाऱ्या
भारतातील पाहिल्या शिक्षिका,समाज सुधारिका,स्त्री शिक्षणाच्या प्रणेत्या, विद्येची जननी व समस्त स्त्रियांना उजेडाची वाट दाखवणाऱ्या
“क्रांतीज्योती सावित्रीबाई ज्योतिराव फुले” यांची जयंती “महिला शिक्षक दिन” निमित्त गावाच्या प्रथम नागरिक लोकनियुक्त सरपंच श्रीमती शैलजाताई प्रकाशराव भोंगळ यांच्या हस्ते क्रांतिज्योति यांच्या प्रतिमेचे पुष्पहार अर्पण करून यांच्या विचार,कार्य-कृतीला विनम्र अभिवादन करण्यात आले.उपस्थित सौ.संगीताताई गाडे,सौ.निर्मलाताई पुंडे,श्रीमति.भीमाबाई वानखडे,अन्सार पठाण,दिनकर इंगळे,विनायक चोपड़े, नीलेश चांडक, बबनराव डीखोलकर,सुनील इंगळे, राजू मांडवगडे हे ग्रा प सदस्य.ग्रामविकास अधिकारी मेहेंगे साहेब.संजय सातव,विलास इंगळे,लियाकत,विठ्ठल इंगळे,सुधाकर इंगळे,श्रीकृष्ण आमझरे, ज्ञानेश्वर पवार सर्व ग्रा प कर्मचारी व ग्रामस्थ उपस्थित होते.*
*महाराष्ट्र शासनाने क्रांतीज्योती यांचा जन्मदिवस हा “महिला शिक्षण दिवस” म्हणून साजरा करण्याचा क्रांतिकारी निर्णय घेतल्यामुळे ग्रामपंचायत पातुर्डा यांनी ठराव घेऊन महाराष्ट्र सरकारचे अभिनंदन केले.भविष्यात अशाच पद्धतीने क्रांतिज्योती व क्रांतीसुर्य या दाम्पत्यांना भारतरत्न देण्याची मागणी ग्रा प ठरावातून करण्यात आली.*
प्रतिनिधी :
भागवत चकोले
गोंदिया 0३: सेळ्यापालन व्यवसाय हा अधिक कमी भांडवळमध्ये केला जाणारा व्यवसाय शेळीपालनातून मोठी आर्घिक कमाई होत असते . कमीत कमी माणसात व जागेत शेळीपालन केली जाऊ शकते . शेळ्यांना आहारही कमी लागत असतो , यामुळे त्यांना गरिबांची गाय म्हटल जाते . कडक थंडीचा फायदा घेत चोरटे रात्री पहाटेच्या सुमारास शेळ्यांची चोरी करण्याचे प्रकार जिल्ह्यात घडत आहेत . सलेकसा तालुक्यातील विविध शेतकऱ्याच्या शेळ्या चोरीला गेल्यानंतर देवरी शहरालगत चिचेवाडा रविद्र लांजेवार यांचे ८ तर चुन्निलाल मडावी यांचे ५ शेळ्याची चोरी , पिंडकेपार येथील चौरे यांच्या १५ ते २० त्यानंतर नकटी येथील दखने यांच्या सुमारे १५ शेळ्या व विविध ठिकाणावरून शेळया चोरी झाल्याचे वृत्त आहे .
पोलिसांनी गुन्हा नोंद करून पुढील तपास सुरू केला आहे . शेळ्या आणि बकरी चाकोरी होण्याच्या घटनेने शेळीपालकाची झोप उडाली असून पोलीस विभागाने चोरांचे त्वरित बंदोबस्त करावा हि मागणी शेळीपालकांची आहे . एकंदर या घडणांमुळे जिल्ह्यात एकच खळबळ उडाली आहे .
जळगांव जा.प्रतिनिधी:-
गजानन सोनटक्के
जळगाव जामोद शहराला लागूनच असलेल्या वाडी खुर्द येथील 13 वर्षीय अल्पवयीन मुलीला आरोपी मोहन तायडे या युवकाने फूस लावून पळवून नेल्याची तक्रार मुलीच्या वडिलांनी दिनांक 31 डिसेंबर रोजी स्थानिक जळगाव जामोद पोलीस स्टेशनला दिल्यावरून त्या तक्रारीवरून जळगाव जामोद पोलिसांनी आरोपी मोहन तायडे याच्याविरुद्ध कलम 363 नुसार गुन्हा दाखल केला होता त्यानंतर जळगाव जामोद पोलीसांनी पीडित मुलीसह आरोपीला पकडून जळगाव जामोद पोलीस स्टेशनला आणले आरोपी मोहन तायडे हा पीडित मुलीच्या घरी नेहमी जाणे-येणे करीत होता त्याचे पीडित मुलीच्या घराची चांगले संबंध होते.
त्यातुनच आरोपी मोहन तायडे याने पिडीत मुलीशी अनैतिक संबंध बनविले व तिला आपल्या गाडीवर बसवुन फुस लावुन पळवुन नेले. ज्या ठिकाणी आरोपीने तिला पळवून नेले त्याठिकाणी आरोपी मोहन तायडे यांनी पीडित मुलीसोबत अतिप्रसंग केला यावरून जळगाव जामोद पोलिसांनी आरोपी मोहन तायडे याच्याविरुद्ध कलम 363,376 (2)(आय)(जे)(एन) भारतीय दंड विधान सहकलम 4व6 पोक्सोनुसार जळगाव जामोद पोलीस स्टेशन येथे गुन्हा नोंद करण्यात आला तसेच आरोपीला जिल्हा सत्र न्यायालय खामगाव येथे हजर करण्यात आले सदर प्रकरणाचा पुढील तपास जळगाव जामोद पोलीस स्टेशनचे एपीआय सतीश आडे पोलीस हेडकॉन्स्टेबल विकास गव्हाड हे करीत आहेत.
आयुषी दुबे शेगाव
विद्यार्थ्याला “आताच माझ्यासमोर जीव दे, मी तुझे डॉक्यूमेंट देत नाही, हे कॉलेज काही तुझ्या बापाच नाही, जा मुख्यमंत्र्याना जाऊन सांग ही बाई मला शिव्या देतेय!” असं म्हणून गरीब विद्यार्थ्याला शिविगाळ करणाऱ्या औद्योगिक प्रशिक्षण संस्थेच्या महिला प्राचार्यांचा व्हिडिओ सोशल मिडियात व्हायरल झाल्याने खळबळ उडाली आहे. बुलढाणा जिल्ह्यातील शेगाव येथील शासकीय औद्योगिक प्रशिक्षण संस्थेत हा प्रकार घडला आहे.
याच शिक्षण संस्थेत डिझेल मॅकेनिकला शिकणाऱ्या आम्रपाल भिलंगे या विद्यार्थ्यासोबत ही घटना घडल्याने विद्यार्थ्यांमध्ये संतापाची लाट आहे. आम्रपाल हा शेतकऱ्याचा मुलगा असून त्याला पुढील शिक्षणासाठी त्याची मूळ कागदपत्रे शेगाव येथील आय.टी.आय.मधून हवी होती. यासासाठी त्याने प्राचार्या यांच्याकडे मागणी करत असताना त्या संतापल्या. तू आता यापुढे मला दिसू नको, आताच माझ्यासमोर मर, असं म्हणून अपमानीत करत असल्याचा व्हिडिओ सोशल मिडियात व्हायरल झालाय.
बुलढाणा जिल्ह्यातिल संग्रामपूर तालुक्यातील जस्तगाव येथील गरीब शेतकरी कुटुंबातील आम्रपाल भिलंगे हा शेगाव येथील शासकीय औद्योगिक प्रशिक्षण संस्थेत डिझेल मॅकेनिकल शाखेत गेल्या दोन वर्षापासून शिकत आहे. घरची परिस्थिती बेताची असल्याने व आई वडील दोघांना हृदयविकार असल्याने ते शेतीचे काम करू शकत नाही. त्यामुळे साहजिकच आम्रपाल याला शेती सांभाळावी लागली. म्हणून त्याने या वर्षी शिक्षण जवळच्या गावात घेण्याचा निर्णय घेतला. त्यामुळे त्याला पुढील शिक्षणासाठी औद्योगिक प्रशिक्षण संस्थेत त्याचे जमा असलेले मूळ कागदपत्रे हवी होती. त्यासाठी आम्रपाल हा ते घेण्यासाठी रितसर अर्ज घेऊन प्राचार्यांकडे गेला असता त्यांनी त्याला अपमानित केले.
आम्रपाल याने विनंती करुनही प्राचार्यांनी नकार दिल्यावर आता “माझ्या करिअरबद्दल विचार करावा, माझ्या समोर आता मरण्याशिवाय पर्याय नाही!” अशी भावना व्यक्त केल्यावर ही प्राचार्यांना दया न येता तू माझ्यासमोर आताच मर, आम्ही काही तुझ्या बापाचे नोकर नाही, हे कॉलेज काही तुझ्या बापाच नाही!” यावरचं त्या थांबल्या नाहीत तर आम्रपाल याला शिविगाळ करून” जा मुख्यमंत्र्याना जाऊन सांग की ही बाई मला शिव्या देते म्हणून” सोशल मीडियात हा व्हिडिओ व्हायरल झाल्यावर जिल्ह्यात खळबळ उडाली आहे. जर शिक्षकच विद्यार्थ्याला मर म्हणून सांगत असतील तर कस.? म्हणून आता आम्रपाल व त्याच्या आई वडिलांनी अशा उर्मट प्राचार्यांवर कारवाईची मागणी केली आहे. आमचा मुलगा पुरता खचला असून त्याने जर जीवाचं बर वाइट केलं तर आम्ही कसं जगायचं असा सवालही आम्रपालच्या वडिलांनी उपस्थित केलाय.
हा व्हिडिओ व्हायरल झाल्यावर माध्यम प्रतिनिधी प्राचार्या राजश्री पाटिल यांची प्रतिक्रिया जाणून घेण्यासाठी औद्योगिक प्रशिक्षण संस्था शेगाव येथे गेले असता त्यांच्यासोबत ही राजश्री पाटिल यांनी उडवाउडवीची उत्तरे देऊन हुज्जतबाजी केली. सुरुवातीला असं काही घडलचं नाही अस म्हणून पत्रकारांनी प्रश्नांची सरबत्ती केल्यावर त्यांनी हा व्हिडिओ येथील असून कालचा असल्याचं कबूल केलं. पण सदर घटनेवर त्यांनी कुठलीही प्रतिक्रिया दिली नाही. त्यामुळे अशा उर्मट प्राचार्यांवर गरीब शेतकरी विद्यार्थ्याच्या भावितव्याशी खेळण्याबद्दल करवाईची मागणी जोर धरु लागली आहे.
प्रतिनिधी
ऋषी जुंधारे
वैजापुर ता. 2-महात्मा जोतीराव फुले आणि क्रांतीज्योती सावित्रीबाई फुले यांनी बहुजन समाजाला मुख्य प्रवाहात आणण्यासाठी आपले संपूर्ण जीवन वेचले आहे. देशातील महिलांसाठी महात्मा फुले यांनी पहिली शाळा सुरू केली आणि सावित्रीबाई यांनी स्वतः शिक्षण घेऊन महिलांना शिकवण्याचे काम केले. स्रियांना मुख्य प्रवाहात आणण्याचं काम फुले दाम्पत्याने केलंय. त्यामुळे सावित्रीबाई फुले यांच्याप्रती कृतज्ञता व्यक्त करण्यासाठी त्यांचा जन्मदिन ‘महिला शिक्षण दिन’ म्हणून साजरा करण्यात यावा अशी मागणी निवेदनाद्वारे अन्न, नागरी पुरवठा व ग्राहक संरक्षण मंत्री छगन भुजबळ यांनी मुख्यमंत्री उध्दव ठाकरे यांच्याकडे केली. यावेळी मुख्यमंत्री उद्धव ठाकरे यांनी निवेदन स्वीकारतानाच ही मागणी मान्य केली आहे.
यावेळी मुख्यमंत्री उद्धव ठाकरे यांच्याशी चर्चा करतानाच छगन भुजबळ म्हणाले की स्रियांना ‘चूल आणि मूल’ या परंपरेतील चार भिंतीच्या पलीकडे आणण्याचे काम सावित्रीबाई फुले यांनी केले आहे. त्या काळात सामाजिक बहिष्कार स्वीकारून प्रसंगी शेण व दगडधोंड्यांचा मार सहन करत त्यांनी मुलींना शिकवण्याचे ऐतिहासिक कार्य केले. त्यामुळे त्यांचा जन्मदिन हा देशभरात ‘महिला शिक्षण दिन’ म्हणून साजरा करण्यात यावा आणि त्यासाठी महाराष्ट्र शासन आता केंद्र शासनाकडे याबाबत मागणी करणार आहे. दरम्यान प्रातिनिधिक स्वरूपात उद्या वैजापुर येथील महात्मा ज्योतिबा फुले पुतळ्याजवळ या शिक्षकदिनानिमीत्त मा. नगराध्यक्षा शिल्पाताई दिनेशसिंग परदेशी याच्या हस्ते महिला शिक्षिकांचा सत्कार करून गौरव करण्यात येणार असल्याचे ओबीसी मोर्चाचे जिल्हाउपाध्यक्ष दशरथ बनकर यांनी सांगितले
भारतीय संघाचा माजी कर्णधार आणि BCCIचा अध्यक्ष सौरव गांगुली याला हृदयविकाराचा झटका आल्याचे वृत्त टाईम्स ऑफ इंडियानं प्रसिद्ध केलं. त्याच्यावर आज सांयकाळी angioplasty होणार आहे. गांगुलीनं नुकताच त्याच्या मुलीसोबत जाहीरात केल्याचा एक व्हिडीओ पोस्ट केला होता. त्या जाहीरातीची चर्चा असताना या बातमीनं क्रिकेट विश्वाला धक्का बसला आहे. गांगुलीच्या प्रकृतीत सुधारणा होण्यासाठी चाहते प्रार्थना करत आहेत. जीममध्ये कसरत करताना त्याच्या छातीत दुखू लागले आणि त्याला त्वरित हॉस्पिटलमध्ये दाखल केले गेले.
