नागपूर : कोरोना व्हायरसच्या प्रादुर्भावामुळे मेट्रोचे संचालन पूर्व पदावर आले असून लॉकडाऊनच्या काळात महा मेट्रोने कार्याचा वेग कायम ठेवत स्टेशन निर्माण कार्य पूर्ण केले.ज्यामध्ये रहाटे कॉलोनी, अजनी चौक, बंसी नगर,एलएडी चौक, शंकर नगर आणि रचना रिंग रोड जंकशन मेट्रो स्टेशन अनलॉक झाले व या स्टेशन मधून प्रवासी सेवा सुरु झाली आहे व नागरिकांना या मेट्रो स्टेशनचा मोठ्या प्रमाणात फायदा होत आहे. इथेच न थांबता जास्तीत जास्ती नागरिकांनी मेट्रो व सार्वजनिक वाहतुकीचा उपयोग करावा याकरिता घोड दौड सुरु आहे याच पार्श्वभूमीवर काल दिनांक 20 डिसेंबर 2020 रोजी महा मेट्रोच्या ऑरेंज आणि ऍक्वा लाईन मार्गिकेवर तब्ब्ल 17562 नागरिकांनी मेट्रोने प्रवास केला.

महा मेट्रो तर्फे प्रवाश्यान करिता विविध सोई सुविधा मल्टी मॉडेल इंट्रिग्रेशन अंतर्गत उपलब्ध करण्यात येत असून मेट्रो प्रवास सोबत आता आपली स्वतःची किंवा फिडर सर्विस येथील उपलब्ध सायकल देखील एका ठिकाणाहून दुसऱ्या ठिकाणापर्यंत जाण्याकरिता सायकल मेट्रो ट्रेन मध्ये घेऊन जाण्यासंबंधी सेवा महा मेट्रोने सुरु केली असून नागरिकांना याची पसंती मिळत आहे. तसेच शहरातील प्रतिष्टीत व्यक्ती, अधिकारी तसेच सामाजिक क्षेत्रातील नागरिक मेट्रोने प्रवास करून नागरिकांनी जास्तीत जास्ती मेट्रोचा उपयोग करावा या करिता नागरिकांना प्रेरित करीत आहेत तसेच महा मेट्रोने शहरातील व स्टेशन परिसरातील प्रतिष्टीत व्यक्तीना महा मेट्रोच्या स्टेशनचे अॅेम्बेसेडर म्हणून महा मेट्रोशी जोडले आहे.

काल वाढलेली रायडरशीप संख्या ही कोविड नंतर सुरू झालेल्या मेट्रो सेवेमधील सर्वात जास्त होती व कोविडच्या पूर्वीच्या तुलनेत सर्वात जास्त होती.

कोविड पूर्वी (रविवार रायडरशीप)
26-01-2020 :- 21258,
09-02-2020 :- 17968,
02-02-2020 :- 17749,
16-02-2020 :- 16579,
23-02-2020 :- 13726.

कोविड नंतर (रविवार रायडरशीप)
20/12/2020:- 17562,
13/12/2020:- 15404,
06/12/2020:- 13187,
29/11/2020:- 11488.

नागपूर मेट्रो रेल प्रकल्पाची रायडरशीप मध्ये झालेली वृद्धी ही जयपूर,नोएडा व अहमदाबाद मेट्रो रेल प्रकल्पाच्या तुलनेत सर्वात जास्त आहे. तसेच महा कार्ड धारक, सायकल सोबत नेत मेट्रोचा प्रवास करणारे प्रवासी संख्ये मध्ये देखील वाढ होत आहे तसेच नियमित प्रवास करणारे नागरिक यांचा देखील समावेश आहे. याव्यतिरिक्त शनिवार व रविवार वगळता दररोज प्रवास करणारे नागरिक सरासरी प्रतिदिन 10 हजार पेक्षा जास्ती आहे.

ऋषी जुंधारे
जिल्हा प्रतिनिधी
औरंगाबाद

वैजापूर:- नांदेड जिल्यातील बिलोली येथिल मातंग समाजातील मुकबधिर मुलीवर बलात्कार करून अमानवीय निघृणपणे हत्या केल्याप्रकरणी दोषींवर लवकरात लवकर योग्य ती कार्यवाही करुन फाशीची शिक्षा देण्यात यावी ,दि.०९/१२/२०२० रोजी नांदेड जिल्ह्यातील बिलोली तालुका झोपडपट्टी बिलोली येथिल मातंग समाजातील अनाथ आणि मुकबधिर मुलीवर तिच्या असहाय्यतेचा फायदा घेत केलेला बलात्कार अत्याचार आणि हत्या केल्या प्रकरणी दोषींवर लवकरात लवकर योग्य ती कार्यवाही करून फाशीची शिक्षा करा असे निवेदन युवा लहुजी भीम सेना च्या वतीने उप विभागीय अधिकारी यांना देण्यात आले.नांदेड जिल्ह्यातील बिलोली येथील झोपडपट्टी मध्ये राहणाऱ्या सुनीता कुडगे (२७) वर्षीय अनाथ आणि मुकबधीर मुलीवर तिच्या असहाय्यतेचा फायदा घेत केलेला बलात्कार, अत्याचार आणि हत्या प्रकरणी युवा लहुजी भिम सेना महा.राज्य च्या वतीने तिव्र अशा शब्दात जाहिर निषेध नोंदवण्यात येत आहे .या अत्याचार व दगडाने ठेचुन हत्या करणाऱ्यानराधामाला त्या घटनेत सोबतीला आणखी कोणी वाईट प्रवृत्तीचे लोक आहेत का? याची सखोल चौकशी व्हावी.तसेच या आरोपींना महा.शासनाच्या विचारधीन असलेल्या *महिला अन्याय अत्याचार विरोधी कायदा म्हणजे दिशा किंवा शक्ती कायद्याअंतर्गत 21 दिवसाच्या आत हा खटला फास्टट्रँक कोर्टात चालवून लवकरात लवकर दोषींना फाशीची शिक्षा देण्यात यावी अशी मागणी या निवेदणाद्वारे करण्यात येत आहे…
निवेदनावर लहुजी शक्ती सेना वैजापुर तालुका अध्यक्ष सागर गंगाधर मोटे
युवा लहुजी भीम सेनेचे संस्थापक अध्यक्ष
शिवा थोरात,रूद्रा शेजवळ ,दिपक पवार, किरण पवार, विकास सोळसे, बाळा पवार,शुभम म्हस्के आदीं स्वाक्षऱ्या आहे….,

छत्रपती शिवाजी महाराज यांची मूर्ती कचर्याच्या ढिगार्यात फेकलेल्या अवस्थेत.

गोंदिया, ता. 20 -जिल्ह्यातील सडक/अर्जुनी तालुका अंतर्गत येणाऱ्या ग्राम पंचायत सौन्दड येथे, चक्क महापुरुषांच्या पुतळ्याची विटंबना करण्यात आल्याचे प्रकार समोर आले आहे. प्रकरण असे आहे की – ग्राम पंचायत सौन्दड यांनी जुनी जीर्ण झालेली इमारत पाडून त्याचे नाविनिकरन करण्याचे काम काही दिवसांपूर्वी चालू केले आहे.

त्यातच दुसरीकडे नवीन इमारतीत कार्यालय चालू केले आहे, तर जुन्या इमारती मध्ये असलेले साहित्य हलवले, मात्र छत्रपती शिवाजी महाराज यांच्या मूर्तीची प्रतिष्ठापना नवीन ठिकणी न करता त्या मूर्तीला फेकून दिले आहे, सध्याच्या स्थितीत मूर्ती कचऱ्याच्या ढिगाऱ्यात फेकलेल्या अवस्थेचे चित्र आहे, समोरच्या बाजूला दुकान गाडे आहेत.

अश्यात नागरिक मूत्र विसर्जन करण्यासाठी मागच्या बाजूला पडलेल्या इमारतीकडे जातात, अश्यात फेकलेल्या अवस्थेत मूर्ती पाहून काही नागरीकांनी अमच्यासी संपर्क केला, व वृता बाबद माहिती दिली आहे, ग्राम पंचायत चे पदाधिकारी व कॉन्ट्रॅक्टर यांनी मूर्तीची दखल न घेता फेकून दिली असल्याचे चित्र आहे, एकंदरीत ग्राम पंचायत सौन्दड तर्फे महा पुरुषांच्या मूर्तीची विटंबना करण्यात आल्याची चर्चा परिसरात वार्या सारखी पसरली आहे, यावर सत्तेत असलेली शिवसेना पक्ष काय भूमिका घेणार याकडे नागरिकांचे लक्ष्य लागले आहे.

सिंदखेडराजा ( सचिन खंडारे )

सिंदखेडराजा तालुक्यातील शिंदी ते साखरखेर्डा या रस्त्याची अवस्था दिवसेंदिवस आणखी बिकट होत चालली आहे !शिंदी ते साखरखेर्डा हा महत्त्वाचा रस्ता असून साखरखेर्डा आहे मोठी बाजारपेठ आहे त्यानिमित्त मेरा खुर्द मेरा बुद्रुक चिखली बुलढाणा येथून व्यापारी वर्ग मोठ्या प्रमाणामध्ये ये .जा करत असतात ।परंतु शिंदी ते साखरखेर्डा या रस्त्यावर मोठमोठे खड्डे पडले असून रस्त्याची अक्षरश : चाळणी झाली आहे या मार्गावरून मोठी टिप्पर सुद्धा धावत असून त्यामुळे रस्ता आणखीनच खराब झाला आहे ।शिंदी ते साखरखेर्डा हा अवघ्या दहा मिनिटाचा रस्ता आता अर्ध्या तासाचा झाला आहे ‘पालकमंत्री डॉक्टर राजेंद्रजी शिंगणे साहेब हे शिंदी येथे संत्वन भेटी करता आले असता त्यांना रस्त्याबाबत विचारले असता त्यांनी हा रस्ता चा प्रस्ताव मंजूर झाला असून लवकरच काम मार्गी लागेल असे सांगितले !लवकरच काम मार्गी लावावे अशी अपेक्षा वाहनधारकांनी व्यक्त केली असून प्रत्यक्षात कामाला केव्हा सुरुवात होईल हा प्रश्न निर्माण झाला आहे !

गोंदिया-शैलेश राजनकर

देवरी ते आमगांव सिमेंट रस्त्याच्या चौपदरीकरणाचे बांधकाम सध्या स्थितीत सुरू आहे. वडेगांव गावाजवळ जुना रस्ता पूर्णता उकडून गेल्याने या रस्त्यावर मोठ्या प्रमाणात धुळीचे प्रमाण वाढले आहे. मात्र या रस्त्यावर पाण्याची फवारणी केली जात नाही‌‌. यामुळे येणाऱ्या-जाणाऱ्या च्या नाकातोंडात दूर जात आहे. रोडालगतच्या घरातील लोकांना धुळीच्या सामना करावा लागत आहे. मात्र याकडे संबंधित विभागाचे दुर्लक्ष झालेले आहे.
या रस्त्यावर मोठ्या वाहनांची रहदारी अधिक प्रमाणात आहे. यामुळे रस्त्यावर धुळीचे प्रमाण मोठ्या प्रमाणात वाढले. दुचाकी तसेच चारचाकी वाहनांना समोरून मागून येणारे वाहन दिसत नाही. त्यामुळे एखादे मोठे अपघात घडू शकते या अपघाताला जबाबदार कोण ? असा प्रश्न नागरिकांसमोर उपस्थित होत आहे. या रस्त्यावर पाण्याची फवारणी केली जात नाही. या कारणाने रस्त्यावर धुळीचे साम्राज्य मोठ्या प्रमाणात पसरले आहे. या रस्त्यावर दिवस रात्र प्रचंड वाहतूक असते. या उखडलेल्या रस्त्यांची काळजी घेणे संबंधित विभागाचे कर्तव्य आहे. मात्र तसे दिसत नाही. याकडे लक्ष देण्याची गरज आहे‌‌. रोडा लगतच्या घरातील लोकांना या समस्यांचा सामना करावा लागत आहे. त्यांच्या श्वसनाच्या आजारात वाढ होत आहे.
वडेगांव येथे असे धुळीचे चित्र पाहायला मिळत आहे. या रस्त्याचे बांधकाम मंदगतीने सुरू असून याकडे संबंधित विभागाने जातीने लक्ष घालून मोठ्या प्रमाणात धुळी मुळे निर्माण झालेल्या समस्यांचे निराकरण होणार की नाही याकडे सर्व वडेगांव ग्रामस्थांचे लक्ष लागले आहे.