Yavalnews:आज रविवार दि.१२ जानेवारी २०२५ रोजी यावल तहसीलदार सौ.मोहनमाला नाझीरकर,निवासी नायब तहसीलदार संतोष विनंते, नायब तहसीलदार अतुल गांगोडे ,यावल तालुका तलाठी संघाचे अध्यक्ष एम.एच.तडवी,
यांच्यासह मंडळ अधिकारी सौ. बबीता चौधरी,यावल तलाठी गजानन पाटील यांनी जिजामाता जयंती,स्वामी विवेकानंद जयंती पत्रकारांच्या उपस्थितीत साजरी करून व औचित्य साधूत नुकताच पत्रकार दिन सर्वत्र साजरा झाल्याने यावल व फैजपूर येथील पत्रकारांना सन्मानपत्र देऊन गौरव व कौतुक केले.
तसेच ग्रामीण भागातील सर्व पत्रकारांना सुद्धा स्थानिक मंडळ अधिकारी,तलाठी यांच्या मार्फत सन्मानपत्र देऊन गौरव केला जाणार असल्याची माहिती उपस्थित पत्रकारांना दिली.या स्तुत्य उपक्रमाचे उपस्थित सर्व पत्रकारांनी आयोजक तहसीलदार व महसूल कर्मचाऱ्यांचे आभार व्यक्त केले.
यावल येथील तहसीलदार, मोहनमाला नाझीरकर यांनी पत्रकारांचा केला गौरव आणि सन्मान.(Yavalnews)
Yavalnews:या कार्यक्रमांमध्ये यावल फैजपूर येथील तालुका प्रतिनिधी आयुब पटेल शेखर पटेल सुरेश पाटीलअरुण पाटील सुधीर चौधरी रणजीत भालेराव प्रमोद वाणी सुनील गावंडे विकी वानखेडे अशोक तायडे जीवन चौधरी सुधाकर धनगर भूपेंद्र झोपे राजेंद्र तायडे फारुख शेख मिलिंद टोके समीर तडवी संजय शराफ योगेश व सर्व उपस्थित होते
buldhananews:लोणार तहसीलमधील किनगाव जट्टू, खंडाळा, बिबी आणि चिखला या चार गावांमध्ये प्रधानमंत्री कृषी सिंचाई योजना (PMKSY) 2.0 अंतर्गत जमिनीचे काम सुरू आहे. डॉ. रंजन पॉल, ICAR-नॅशनल ब्युरो ऑफ सॉईल सर्व्हे अँड लँड युज प्लॅनिंग, नागपूर (कृषी आणि शेतकरी कल्याण मंत्रालय) मधील मृदा शास्त्रज्ञ डॉ. रंजन पॉल यांच्या नेतृत्वाखालील या सर्वेक्षणाचे उद्दिष्ट सरकारी धोरण-निर्धारण आणि कृषी क्षेत्रात मदत करण्यासाठी माती डेटा गोळा करणे आहे.
सर्वेक्षणादरम्यान, डॉ. रंजन पॉल यांच्यासह रोशन अरविंद कडू आणि त्यांच्या टीमने मातीच्या क्षितिजाचे परीक्षण करण्यासाठी आणि प्रयोगशाळेच्या विश्लेषणासाठी नमुने गोळा करण्यासाठी निवडलेल्या ठिकाणी 5×5 फूट खड्डे खणले.
या नमुन्यांचे विश्लेषण नागपुरातील ICAR-NBSS आणि LUP प्रयोगशाळेत केले जाईल जेणेकरून मातीचे वर्गीकरण आणि कृषी पिकांच्या वाढीसाठी महत्त्वाच्या असलेल्या मातीच्या इतर गुणधर्मांचे वर्णन करणाऱ्या मृदा संसाधनांवर तपशीलवार अहवाल तयार केला जाईल.
“या भागातील मातीचे स्वरूप समजून घेण्यासाठी हे सर्वेक्षण महत्त्वाचे आहे. एकदा विश्लेषण पूर्ण झाल्यावर, एक सर्वसमावेशक अहवाल सरकारला सादर केला जाईल, जो धोरणांचा मसुदा तयार करण्यात आणि शाश्वत जमीन वापरासाठी पुढाकार घेण्यास मदत करेल” डॉ. पॉल म्हणाले.
हे सर्वेक्षण PMKSY 2.0 अंतर्गत कार्यक्षम संसाधन व्यवस्थापन आणि शाश्वत कृषी पद्धतींना प्रोत्साहन देण्याच्या सरकारच्या ध्येयाचा एक भाग आहे. स्थानिक शेतकरी आणि अधिकाऱ्यांनी या उपक्रमाचे स्वागत केले आहे आणि आशा व्यक्त केली आहे की निष्कर्ष सुधारित कृषी उत्पादकता आणि प्रदेशासाठी दीर्घकालीन फायद्यासाठी योगदान देतील.
सर्वेक्षण केलेल्या गावांमध्ये सिंचनाच्या पायाभूत सुविधा वाढवण्यासाठी, मातीची गुणवत्ता, आरोग्य सुधारण्यासाठी आणि शाश्वत शेतीला चालना देण्यासाठी या वैज्ञानिक प्रयत्नातून मौल्यवान अंतर्दृष्टी मिळण्याची अपेक्षा आहे.
buldhananews:या टीम मध्ये कृषी तज्ञ रामराव इंगळे समूह संघटक रामेश्वर सोनकांबळे सिव्हिल इंजिनिअर श्रीकांत घुमरे कृषी सहाय्यक कविता साखरे मंडळ कृषी अधिकारी अनिल सांगळे कृषी पर्यवेक्षक विलास जाधव प्रधानमंत्री कृषी सिंचन योजना 2.0 क्लस्टर क्रमांक 03 नागपूरचे शास्त्रज्ञ व तसेच पाणलोट समितीचे बीबी किनगाव जट्टू चिखला या गावाचे अध्यक्ष सचिव प्रामुख्याने उपस्थित होते
शेगाव, अब्दुल हमीद चौक ते जवळा टी पाॅईंट आठवडी बाजार शेगाव येथील घटना, घटना तारीख 7/1/202521/28 वेळी व ठिकाणी फिर्यादी ना पो का ज्ञानदेव डाबेराव बन 2270 पोलीस स्टेशन शेगाव हे शेगाव टाऊन मध्ये पेट्रोलिंग करत असताना यातील नमूद आरोपी सौ निमा नरेंद्र लोंडे हीचोरी करण्याच्या उददेशाने शेगाव मधील बाजारमध्ये फिरत असुन दुस-या बाजार करणा-या महीलेच्या हातातील पर्समधील पैसे चोरी करण्याचा प्रयत्न करत असतांना आमच्या समक्ष मिळनु आली आहे.
पोलीस स्टेशन शेगाव चे ना पो का ज्ञानदेव डाबेराव, यांची दबंग कामगीरी बाजारात चोरी करत असतांना एक महिला अटक करण्यात आली(Policenews)
Policenews :तसेच आम्ही सदर महीलेची आम्ही कोर्ट चेकर या अॅप वर माहीती काढली असता पोस्टे बाभुळगाव जि यवतमाळ येथे अपनं 312/22 कलम 379, 34 भादवी प्रमाणे गुन्हा दाखल आहे. अशा फिर्यादीचे लेखी रिपोर्ट वरून अप नं- 09/2025 कलम 303 (2) 62 BNS सदरचा दाखल करुन तपास मा. पोनि. सा. आदेशाने पोहेका सुसुर ब न 1092 यांचे कडे देण्यात आला.
buldhananews:प्र.श. 7 जानेवारी राजर्षी शाहू चॅरिटेबल ट्रस्ट सुंदरखेड बुलढाणा द्वारा संचालित जिजाऊ ज्ञान मंदिर स्कूल अँड ज्यु कॉलेज पळसखेड भट मध्ये दिनांक 7 जानेवारी 2025 वार मंगळवार ला पोलिस स्थापना दिनानिमित्त विद्यार्थ्यांसाठी कार्यक्रम आयोजित करण्यात आला होता.
यावेळी श्री शिवाजी हायस्कूल रायपुर येथील स. शिक्षक गजानन जाधव कार्यक्रमाचे अध्यक्ष होते. तर प्रमुख मार्गदर्शक व अतिथी म्हणून मा. दुर्गेश राजपूत ठाणेदार रायपूर पोलीस स्टेशन व सहाय्यक पोलीस निरीक्षक एस एम सोनुने, शिक्षक प्रदिप जाधव, तुळशीदास आकाळ, सोमनाथ नप्ते यांची उपस्थिती होती.
सविस्तर वृत्त असे की, महाराष्ट्र पोलीस स्थापना दिनानिमित्त जिजाऊ ज्ञान मंदिर स्कूल आणि ज्युनियर कॉलेज पळसखेड भट येथे मार्गदर्शन कार्यक्रमाचे आयोजन करण्यात आले होते. प्रसंगी ठाणेदार मा. दुर्गेश राजपूत यांनी विद्यार्थ्यांशी संवाद साधताना म्हणाले की, समाजामध्ये शांतता प्रस्तावित व्हावी यासाठी पोलीस बंदोबस्त ठेवला जातो.
संपूर्ण भारतामध्ये उत्कृष्ट काम महाराष्ट्र पोलीस यांचे आहे. आपण विद्यार्थ्यांनी पोलीस खात्यामध्ये रुजू झाले पाहिजेत. यादरम्यान प्रामुख्याने रस्ता सुरक्षा, सायबर क्राईम व लैंगिक शिक्षणाचा अभाव या तिन बाबींवर त्यांनी प्रकाश टाकला. समाजामध्ये फेसबुक इन्स्टा व सोशल मीडियाच्या माध्यमातून कशाप्रकारे सायबर गुन्हे घडतात व नकळत कमी वयाच्या विद्यार्थ्यांकडूनही कशाप्रकारे एखादी पोस्ट शेअर केल्याने गुन्हा घडू शकतो याबद्दल सविस्तर मार्गदर्शन केले तसेच रस्ता सुरक्षा च्या बाबतीत जर कुठले वाहन आपल्या घरचे पालक किंवा आजूबाजूला कोणी चालवत असेल तर त्यांनी हेल्मेटचा वापर केला पाहिजे, जेणेकरून अपघात घडल्यास जीव वाचू शकतो.
तसेच आज सगळ्यात जास्त घडणारे गुन्हे म्हणजे या वादळी अशांततेच्या वयातील मुले-मुली यांचे विरोधी आकर्षण! 15 ते 18 या वयोगटातील तुम्ही सर्व विद्यार्थी आहात. मुलांमध्ये परस्पर विरोधी आकर्षण असतं व त्या माध्यमातून मुले आई-वडिलांचा विचार न करता चुकीचे पाऊल उचलतात व गुन्ह्यास बळी पडतात. हे करत असताना आपण आई-वडिलांचा निश्चित विचार करावा. ज्ञानाचे क्षेत्र खूप मोठे आहे. त्यामुळे केवळ एका गोष्टीकडे आकर्षित होऊन आपण आपलं संपूर्ण आयुष्य पनास लावू शकत नाही. म्हणून आई-वडिलांची स्वप्न पूर्ण करा. तुम्हाला खूप वेगवेगळ्या क्षेत्रांमध्ये करिअर करण्याच्या संधी आहेत.
buldhananews:पहिल्यांदा आपण त्याचा विचार केला पाहिजे. आई-वडिलांचा विचार केला पाहिजे आणि परिपूर्ण माणूस बनण्याचा प्रयत्न केला पाहिजे. असे आपल्या भाषणात ठाणेदार साहेब म्हणाले.
कार्यक्रमासाठी संस्था अध्यक्ष मा संदीप दादा शेळके यांचे मार्गदर्शन लाभले. व श्री शिवाजी हायस्कूल रायपुर यांचे विशेष सहकार्य लाभले. कार्यक्रमाचे सुत्रसंचलन ज्ञानेश्वर भुसारी यांनी केले तर आभार प्रदर्शन शाळेचे प्राचार्य किशोर सिरसाट यांनी केले.
दिनांक ७/१/२०२५ रोजी भारतीय जनता पार्टी युवा मोर्चा च्या वतीने लोणार व बिबी मंडळामध्ये सदस्य नोंदणीचा कॅम्प ऑर्गनाईज केले होते भारतीय जनता युवा मोर्चाच्या कार्यकर्त्यांनी या मोहिमेमध्ये मोठ्या संख्येने सहभाग घेऊन सदस्य नोंदणी केली.
Lonar:भाजपा युवा मोर्चा चे जिल्हा उपाध्यक्ष देवानंद सानप यांच्या मार्गदर्शनाखाली हा कॅम्प राबवण्यात आला यावेळी प्रमुख उपस्थिती युवा मोर्चा जिल्हा महामंत्री शुभम देसाई हे होते तर या कॅमच्या आयोजन ता. अध्यक्ष राम डुकरे पाटील यांनी केले होते.
Lonar:यावेळी शेकडो नागरिकांनी भारतीय जनता पार्टीच्या सदस्य नोंदणी कॅम्पमध्ये सहभाग घेऊन सदस्य नोंदणी केली
यावेळी शहर अध्यक्ष सागर मुर्तडकर, व्यापारी आघाडी जिल्हा उपाध्यक्ष गोपाल काबरा, जिल्हा सरचिटणीस प्रविण धाईत, बाळासाहेब कुलकर्णी, भागवत मुळे, ऋषिकेश धाईत , दीपक लोहारे , आशिष अग्रवाल , संदीप आखाडे, शिवाजी आंधळे, भागवत आटोळे,सह अनेक पदाधिकारी उपस्थित होते
Lonar:सालाबाद प्रमाणे या ही वर्षी मोठ्या उत्साहात
6 जानेवारी रोजी पत्रकार दिन साजरा करण्यात आला यावेळी बिबि व किनगाव जटुटु येथे ठिकठिकाणी पत्रकाराचा सत्कार सोहळ्याचा कार्यक्रम घेण्यात आला यामध्ये बिबी येथील ग्रामपंचायत कार्यालया येथे सर्व प्रथम आचार्य बाळशास्त्री जांभेकर यांच्या प्रतिमेचे पुजन करुन अभिवादन करण्यात आले.
त्या नंतर ग्रामपंचायतच्या वतीने सरपंच पुत्र दिपक गुलमोहर सचिव अमोल मोरे व तसेच सर्व ग्रामपंचायत चे सर्व सदस्य यांनी सर्व पत्रकारांचा मानसन्मान करून सत्कार करण्यात आला त्यानंतर सचिव अमोल मोरे यांनी आचार्य बाळशास्त्री जांभेकर यांच्या जीवनावर प्रकाश टाकले व त्यानंतर बिबी पोलीस स्टेशन मातोश्री अर्बन राजश्री शाहू अर्बन मध्ये सुद्धा पत्रकाराचा मान सन्मान करून शुभेच्छा देण्यात आल्या.
Lonar:यावेळी पोलीस स्टेशनचे ठाणेदार संदीप पाटील यांनी सुद्धा चांगल्या प्रकारे पत्रकारांना मार्गदर्शन व शुभेच्या दिल्या यावेळी प्रामुख्याने ज्येष्ठ पत्रकार मधुकर मोहिते राजकुमार मुळे काशिनाथ राऊत भागवत आटोळे देवानंद सानप रमेश खंडागळे ऋषी दंदाले कृष्णा पंधे रामप्रसाद जाधव मिलिंद चव्हाण ब्रह्मानंद वाकोडे रोशन चव्हाण शीलवंत इंगळे सय्यद जहीर अशोक मुंढे वितेश चव्हाण सुनिल इंगळे दिनकर काकड काशिनाथ काळे गजानन डोईजडव व त्याच प्रमाने किनगाव जटुटु येथील श्रि स्वामी समर्थ मंदिरात देखील किनगाव जटुटु गाव कर्यानी दर वर्षी प्रमाने याही वर्षी गावातील पत्रकाराचे शाल, श्रिफळ व भेट वस्तु देऊन संन्मानीत केले
शेगाव, दि. ___ : राष्ट्रीय रेल्वे महिला प्रवासी संघटनेच्या राष्ट्रीय अध्यक्षा माधुरीताई शर्मा यांना रेल्वे विभागाकडून डी.आर.यू.सी.सी. (डिव्हिजनल रेल्वे यूजर्स कन्सल्टेटिव्ह कमिटी) सदस्यत्वाचे ओळखपत्र प्रदान करण्यात आले. हा विशेष सोहळा शेगाव रेल्वे स्थानकावर स्टेशन प्रबंधक मोहन देशपांडे यांच्या हस्ते पार पडला.
याप्रसंगी राष्ट्रीय रेल्वे महिला प्रवासी संघटनेच्या विदर्भ प्रदेशाध्यक्षा मनीषा टाकसाळ, दिव्यांग आघाडीच्या विदर्भ प्रदेशाध्यक्षा मनीषा खेडकर, बुलढाणा जिल्हाध्यक्ष वैशालीताई जोशी, शेगाव तालुका अध्यक्ष प्रीती तिवारी यांच्यासह अनेक मान्यवर उपस्थित होते.
कार्यक्रमात अमरावती जिल्ह्यातील सक्रिय पदाधिकारी बबीता बहुराशी, रूपाली धावडे, रूपाली ठाकरे, रश्मी इंदूरकर, पुनम माधणे, मोनाली उंदीरवाडे, अर्चना वानखडे, सुशीला ताथरकर, स्नेहल बऱ्हाणपूर, अनिता इंगळे, सुजाता थातरकर, उर्मिला तायडे, अन्वय ठाकरे, मनीषा भगत, ज्योती घोगले, पुष्पा काळे यांचीही उपस्थिती होती.
महिला भगिनींच्या संघटनेने रेल्वे प्रवाशांच्या समस्यांवर चर्चा करून त्या सोडविण्यासाठी पुढाकार घेण्याचा निर्धार व्यक्त केला. पत्रकार बांधवांनीही या कार्यक्रमाला हजेरी लावली आणि संघटनेच्या उपक्रमांना पाठिंबा दिला.
या ओळखपत्रामुळे माधुरीताई शर्मा यांना रेल्वे प्रवाशांच्या विविध समस्यांवर अधिक प्रभावीपणे काम करता येईल, असे स्टेशन प्रबंधक मोहन देशपांडे यांनी सांगितले. महिलांच्या प्रवासी सुरक्षेसाठी आणि सुविधांसाठीही संघटना विशेष प्रयत्नशील राहील, असे माधुरीताई शर्मा यांनी आपल्या मनोगतात म्हटले.
Shegaonnews :कार्यक्रमाचे संयोजन अतिशय यशस्वीरीत्या पार पडले आणि रेल्वे विभागाने संघटनेच्या कार्याला दिलेला पाठिंबा यापुढील काळात महिलांच्या हक्कांसाठी उपयोगी पडेल, अशी भावना उपस्थितांनी व्यक्त केली.
Yavalnews:साकळीचे लोकनियुक्त सरपंच दिपकभाऊ नागो पाटील व मित्रपरिवार तसेच साकळी ग्रामपंचायत प्रशासन यांच्यावतीने आज दि.६ रोजी पत्रकार दिनानिमित्त साकळीसह परिसरातील तसेच यावल येथील सन्माननीय पत्रकारांचा सन्मान सोहळा घेण्यात आला.
यावेळी जवळपास २५ पत्रकारांचा सन्मान करण्यात आला.यावेळी ग्रामपंचायतीचे सर्व पदाधिकारी व गावातील सन्माननीय नागरिक उपस्थित होते.त्याचप्रमाणे दुसऱ्या सत्रात सरपंच दिपक भाऊ पाटील व मित्र परिवार तसेच साकळी परिसर पत्रकार संघ यांच्या संयुक्त विद्यमाने आयोजित रक्तदान शिबिरात दुपारी दोन वाजेपर्यंत 26 रक्तदात्यांनी स्वयंपूर्तीने रक्तदान केले.
संजीवनी ब्लड सेंटर, फैजपूर यांनी रक्त संकलन केले.पत्रकार दिनानिमित्त साकळी ग्रामपंचायत प्रशासनाकडून एवढ्या मोठ्या संख्येने पत्रकारांचा प्रथमच गौरव करण्यात आला ही अतिशय प्रशंसनिय बाब आहे.
Yavalnews:त्यावेळी लोकनियुक्त सरपंच दिपक नागो पाटील, उपसरपंच नूर बी तस्लिम खान, ग्रामपंचायत सदस्य परमानंद बडगुजर, सलीम मज्जीत शेख, खतीब तडवी, मुकेश खेवलकर, बाबा मेंबर, राजु सोनवणे,अकबर शेख हुसेन, माजी उपसरपंच फखरुद्दीन खान कुरेशी,विनोद खेवलकर, मुकेश बोरसे, सचिन कोळी, नरेंद्र मराठे, उमेश बडगुजर, योगेश कुंभार, ग्रामविकास अधिकारी डिगंबर धनगर,सर्व ग्रामपंचायत सदस्य तसेच साकळी व साकळी परिसर त्याचप्रमाणे यावल तालुका प्रतिनिधी उपस्थित होते
पिंपळगाव सराई , बुलढाणा, महाराष्ट्र दि. ०४/०१/२०२५ शिक्षण प्रसारक मंडळ चिखली व्दारा संचालित जनता विद्यालय व कनिष्ठ महाविद्यालय पिंपळगाव सराई शाळेत माजी विद्यार्थी मेळाव्याचा कार्यक्रम मोठ्या उत्साहात संपन्न झाला . या कार्यक्रमासाठी सन २००१ पासून २००५ मध्ये १० वी मार्च ची परीक्षा दिलेले विद्यार्थी निमंत्रीत करण्यात आले होते. या मेळाव्यासाठी मोठ्या संखेने माजी विद्यार्थ्यांनी उपस्थिती लावली होती.
या प्रसंगी सकाळी ११:०० वाजता उद्घाटन समारंभ आयोजीत करण्यान आला होता. या कार्यक्रमाच्या अध्यक्षस्थानी शिक्षण प्रसारक मंडळ, चिखली चे संचालक सहदेवराव सुरडकर यांची उपस्थिती लाभली होती. प्रमुख मार्गदर्शक विद्यालयाचे सेवानिवृत्त प्राचार्य आनंदराव हिवाळे यांची उपस्थिती होती .त्यांनी माजी विद्यार्थ्यांना मार्गदर्शन करतांना सांगितले की सोशल मिडीयाचा जपून वापर करा, केवळ ट्रोल करण्याकरीता त्याचा वापर करू नका, याशिवाय वाचन संस्कृती आपण वाढवली पाहिजे तसेच आईवडीलांची सेवा केली पाहिजे असे सांगीतले .
रा. स्व. संघाचे धाड तालूका संघचालक सुभाषजी बारसकर यांनी श्रावण बाळ व त्यांच्या आई-वडीलाचे उदाहरण देऊन आई वडीलांच्या प्रती आपला समर्पण भाव कसा असला पाहिजे ते सांगीतले .
याशिवाय या कार्यक्रमासाठी खालील मान्यवरांची उपस्थिती लाभली होती . शिक्षण प्रसारक मंडळ चिखलीचे संचालक संतोषआप्पा खबुतरे , सहदेवराव सुरडकर तसेच पि. सराई गावच्या सरपंच रुपालीताई केशव तरमळे, शाळा सल्लागार समीती सदस्य मदनराव गवते, , शेषरावजी गायकवाड, साहेबराव गवते, भावसिंग सोळंके, रमेश देशमाने इत्यादी .
याच कार्यक्रमात माजी विद्यार्थ्यांनी जनता विद्यालय व कनिष्ठ महाविद्यालय पिंपळगाव सराई यांना शिवराज्यभिषेक सोहळा दर्शन या तैलचित्राच्या दोन प्रतिमा भेट दिल्या .
या कार्यक्रमाचे प्रास्ताविक शाळेचे प्राचार्य प्रमोद ठोंबरे यांनी केले. कार्यक्रमाचे सूत्रसंचालन वैशाली मांजाटे यांनी केले, आभार प्रदर्शन शाळेचे पर्यवेक्षक भगवान आरसोडे यांनी केले.
उद्घाटन सत्रानंतर उपस्थितांनी भोजनाचा आस्वाद घेतला . भोजनानंतर दुपारी मुक्तसंवांद सत्र घेण्यात आले . या कार्यक्रमाचे अध्यक्षस्थानी सेवानिवृत प्रा. रामकृष्ण शामराव जाधव होते .
या संवाद सत्रामध्ये सन २००१ ते २००५ या कालावधीत असणाऱ्या आजी – माजी शिक्षकांची उपस्थिती होती. उपस्थितीमध्ये सेवानिवृत्त प्राचार्य दिनकर आंभोरे, प्रकाश जावळे, राजेंद्र जाधव, विद्यालयाचे विद्यमान प्राचार्य प्रमोद ठोंबरे या शिवाय सेवानिवृत्त शिक्षक प्रा. प्रमोद शेवाळे, विद्यालयातील सेवानिवृत्त कर्मचारी वामनराव आरबुने, रामदास घगे तसेच विद्यमान शिक्षक व कर्मचारी यांचा सहभाग होता .
या मुक्तसंवाद सत्रात शिक्षक आणि माजी विद्यार्थी यांच्यात दिलखुलास संवाद झाला . माजी विद्यार्थ्यांनी त्यांच्या कालावधीतील गंमतीशीर अनुभव कथन केले. या मुक्तसंवांद सत्रात सर्वांनी उस्फुर्त सहभाग घेतला. या कार्यक्रमातच माजी विद्यार्थ्यांनी शाळेचा विकासासाठी व गरीब होतकरू विद्यार्थ्यांसाठी आर्थिक रूपाने मदत दिली. या संवाद सत्राचे सूत्रसंचालन देविदास दळवी केले.
या संपूर्ण मेळाव्याचे समन्वयक तसेच विद्यालयातील जेष्ठ शिक्षक गजानन पाटोळे यांनी याच कार्यक्रमात शाळेतील गरीब आणि होतकरू विद्यार्थ्यांना जास्तीत जास्त मदत माजी विद्यार्थ्यांनी करावी असे आवाहन केले.
संपूर्ण कार्यक्रमाला विद्यार्थ्यांनी आपले शालेय पूर्व जीवनाचा आनंद घेतला . अनेक विद्यार्थ्यांनी सेल्फी पॉइंट वर जाऊन आपापल्या मित्रांसोबत सेल्फीचा आनंद घेतला .
कार्यक्रमाच्या यशस्वीतेसाठी विद्यालयातील सर्व शिक्षक व कर्मचारी यांनी या कार्यक्रमाचे कौश्यल्याने आयोजन केले होते .
buldhana:या कार्यक्रमाच्या यशस्वीतेसाठी शिक्षण प्रसारक मंडळ चिखली चे अध्यक्ष, सचिव सर्व संचालक मंडळ, स्थानिक सल्लागार समिती सदस्य यांचे शाळेतील सर्व शिक्षक बंधू-भगीनी व शिक्षकेतर कर्मचारी बंधू भगीनी यांना मोलाचे मार्गदर्शन लाभले .
Hingnghat:ज्ञानदीप विद्यानिकेतन हिंगणघाट येथे सृजन वार्षिक स्नेहसंमेलन संस्थापक गिरधर राठी, अध्यक्ष अर्पणा राठी, सचिव श रशेश राठी, कोषाध्यक्ष प्रवीण धोबे, मुख्याध्यापक अभिनव जयस्वाल मान्यवरांच्या उपस्थितीत उत्साहात पार पडले. या महोत्सवात 25 डिसेंबर 2024 व 26 डिसेंबर 2024 रोजी विविध सांस्कृतिक व शैक्षणिक कार्यक्रमाचे आयोजन करण्यात आले होते.
या दिवशी मान्यवरांच्या हस्ते दीप प्रज्वलन व सरस्वती पूजन करून महोत्सवाचे उद्घघाटन करण्यात आले सरस्वती स्तवनाने व स्वागत नृत्यने कार्यक्रमाची सुरुवात झाली. महोत्सवातील सांस्कृतिक कार्यक्रमात प्री- प्रायमरी तसेच पहिली ते दहावीच्या विद्यार्थ्यांनी नृत्याचे जोरदार सादरीकरण केले.
शैक्षणिक कार्यक्रमात पावर पॉइंट प्रेझेंटेशन तसेच प्रश्नमंजुषा स्पर्धा मंचावर घेण्यात आली. या सोहळ्यामध्ये विद्यार्थ्यांनी सादर केलेले सर्वधर्मसमभाव व शूरवीर सैनिक नाटिका, शृंगार रसाने परिपूर्ण लावणी, तानाजी मालुसरे यांच्या कर्तृत्वाचे दर्शन घडवणारे वीर रसात्मक नृत्य, मुलींचा आत्मविश्वास वाढवणारे नारी शक्ती नृत्य, विविध राज्यातील नृत्य प्रकाराचे दर्शन घडवणारे व सामाजिक जागृती, विज्ञान निष्ठा वाढवणारे नृत्य हे या सांस्कृतिक कार्यक्रमाचे वैशिष्ट्य होते.
सोहळ्याचे सूत्रसंचालन स्वतः विद्यार्थ्यांनी केले. प्रेक्षकांनी सुद्धा टाळ्यांच्या गजराने विद्यार्थ्यांच्या कर्तुत्वाला दाद दिली.’वार्षिक स्नेहसंमेलन म्हणजे विद्यार्थ्यांच्या जीवनातील एक आनंदाचा क्षण असतो. या माध्यमातून त्यांच्या कलागुणांचा गौरव शिक्षण संस्थेकडून केला जातो.
Hingnghat:त्याने विद्यार्थ्यांच्या नेतृत्वाला व कौशल्यवाला वाव मिळतो. नेतृत्व गुण केवळ राजकीय क्षेत्रातच उपयोगी पडतात असे नाही तर व्यावसायिक, शैक्षणिक क्षेत्रातही त्याचा चांगला उपयोग होतो असे मत कार्यक्रमाचे अध्यक्ष आदरणीय गिरधर राठी यांनी आपल्या अध्यक्षीय भाषणामध्ये व्यक्त केले. राष्ट्रगीताने कार्यक्रमाची सांगता झाली.
