गजानन सोनटक्के जळगाव जा

महाविकास आघाडी सरकारने नागरिकांना अव्वाच्या सव्वा दिलेल्या वाढीव विजबिलाच्या विरोधात वीजबिला ची होळी करून आंदोलन करण्यात आले. स्थानिक तहसील कार्यालयासमोर तालुका व शहर भारतीय जनता पार्टी च्या वतीने आज दिनांक 23 नोव्हेंबर ला वीजबिल होळी करण्याचे आंदोलन पुकारण्यात आले होते त्यानुसार मोठ्या प्रमाणात कार्यकर्ते व नागरिक याठिकाणी गोळा होऊन राज्य सरकारच्या निषेधार्थ घोषणाबाजी केली आणि वीज बिल पेटविण्यात आले. या प्रसंगी आ डॉ संजय कुटे यांनी नागरिकांना संबोधित करताना राज्य सरकार याविषयात पूर्णपणे अयशस्वी झाले असून जनतेचा छळ करण्याचा सपाटा च त्यांनी लावला असून हे सरकार प्रत्येक विषयात अपयशी ठरले आहे . याप्रसंगी महाविकास आघाडी सरकार चा निषेध असो, वीजबिल माफी झालीच पाहिजे अश्या घोषणा देण्यात आला.
महाविकास आघाडी सरकारने नागरिकांना अव्वाच्या सव्वा दिलेल्या वाढीव विजबिलाच्या
यावेळी माजी मंत्री आ डॉ संजय कुटे, नगराध्यक्ष सीमाताई कैलास डोबे, पंचायत समिती सभापती रंजनाताई ठाकरे, उपसभापती महादेवराव धुर्डे गुणवंतराव कपले जिल्हापरिषद सदस्य बंडू पाटील, राजेंद्र उमाळे,जिल्हा उपाध्यक्ष राजेंद्र ठाकरे, जिल्हा महामंत्री नंदकिशोर अग्रवाल, गुणवंत कपले, राजेंद्र गांधी, तालुका अध्यक्ष प्रकाश वाघ, शहर अध्यक्ष अभिमन्यू भगत, आरती पलन, नगरसेवक शैलेश बोराडे, निलेश शर्मा,रामदास बोंबटकार,युवा मोर्चा जिल्हाध्यक्ष सचिन देशमुख, संतोष ठाकरे, शाकिर खान,संतोष वसतकर, गजानन सरोदे, देवा भैय्या,कैलास पाटील,पांडुरंग मिसाळ, अजय वंडाळे, गोटु खत्ती, परीक्षित ठाकरे, लक्ष्मण पाटील, महादेव वानखडे,गणेश दांडगे, निलेश धुर्डे आदी कार्यकर्त्यां सह शेकडो नागरिक उपस्थित होते.

शालेय शिक्षण राज्यमंत्री ना. बच्चू कडू यांची सूर्या मराठी न्युज ला दिली माहिती

शाळा सुरू करण्याबाबतचा निर्णय हा शासनाने 15 दिवसांपूर्वी घेतलेला आहे. तेव्हा अशी परिस्थिती नव्हती असे असले तरी राज्य शासन शाळा सुरू करण्याबाबत सर्व उपाययोजना करीत आहेत. सर्वात महत्वाचे म्हणजे शाळांनी पालकांनी संमती पत्र दिलेले आहे. असे असले तरी स्थानिक प्रशासनाला ‘शाळा सुरू ठेवावी की बंद करावी’ याचे अधिकार देण्यात आले असल्याची माहिती राज्याचे शालेय शिक्षण राज्यमंत्री नामदार बच्चू कडू यांनी सूर्या मराठी न्युज शी बोलताना दिली. बुलढाणा जिल्ह्यातील शेगाव येथे ना.कडू कार्यकर्त्यांच्या संवाद कार्यक्रमात सहभागी झाले असता बोलत होते.

प्रतिकिर्या ना. बच्चू कडू (शालेय शिक्षण राज्यमंत्री)

सोमवार पासून विदर्भातील इयत्ता ९ वी पासूनचा शाळा सुरु होत आहे. आरोग्य प्रशासनाकडून शिक्षक आणि शाळा कर्मचाऱ्यांची कोरोना तपासण्यासुरु आहे. बुलढाणा जिल्ह्यात आतापर्यंत 6085 शिक्षकांची कोरोना तापासणी करण्यात आली असून त्यापैकी जवळपास 3 हजार रिपोर्ट काल आले आहे. यामध्ये आतापर्यंत 21 शिक्षक कोरोना पोसिटिव्ह आहेत तर उर्वरित 3085 शिक्षकांचे रिपोर्ट प्रलंबित आहेत.

सिंदखेड राजा ( सचिन खंडारे )

शिंदी ते साखरखेडा या डांबर रस्त्यांची अतिशय दुरवस्था झाली आहे !या मुख्य रस्त्याची चाळणी झाली आहे ‘हा रस्ता करण्याची मागणी सातत्याने होत आहे परंतु या मागणीकडे दुर्लक्ष करण्यात येत असून हा रस्ता त्वरित करण्यात यावे अशी मागणी येथील ग्रामस्थ करीत आहेत !या रस्त्यावर अनेक ठिकाणी खड्डे पडले असून वाहनधारकांना त्रास सहन करावा लागत आहे ! शिंदी ते साखरखेर्डा हा मुख्य रस्ता असून हा रस्ता मेहकर खामगाव तसेच जालना चिखली बुलढाणा या रोडला जोडणारा मुख्य रस्ता आहे ‘हा रस्ता करावा यासाठी आपण पाठपुरावा करणार असल्याचे शिंदी चे सरपंच विनोद खरात यांनी सांगितले आहे !

सिंदखेड राजा ( सचिन खंडारे )

अतिवृष्टीमुळे ओल्या दुष्काळाची परिस्थिती संपूर्ण महाराष्ट्रामध्ये उद्भवली यामध्ये हातातोंडाशी आलेला घास निसर्गाने हिरावून घेतला त्यामुळे अनेक शेतकऱ्यांची पिकांची खूप मोठ्या प्रमाणामध्ये नासाडी झाली त्यांचे नुसकान झाले !अनेकांनी सोयाबीन कपाशी यांच्या पिकावर खाजगी सावकारांची असतील किंवा बँकेकडून कर्ज घेतले होते !व झालेल्या अतिवृष्टीमुळे पिकांचे झालेले नुसकान पाहून हे कर्ज कसे फेडायचे हाच विचार अनेक शेतकऱ्यांच्या मनात येत असतो !परंतु काही शेतकरी हे मनात भलताच विचार करून आत्महत्येचा मार्ग निवडतात अशीच एक घटना ‘सिंदखेड राजा तालुक्यातील सावखेड तेजन या गावात घडली !सावखेड तेजन येथील श्रीराम मांटे यांच्याकडे आठ एकर शेती आहे त्यांना दोन मुले व एक मुलगी असून तिघेही विवाहित आहे ‘त्यांचा मुलगा संजय मांडे याच्या नावावर अडीच एकर शेती असून त्याला 9 वर्षांचा लहान मुलगा आहे अडीच एकर शेतामध्ये संजय आपल्या परिवाराचा गाडा काबाडकष्ट करून ओढत होता !संजयने ग्रामीण बँकेत सिंदखेडराजा शाखेतून तीन लाख रुपये तर ‘बँक ऑफ महाराष्ट्र शाखेचे 70 हजार रुपये व महिंद्रा फायनान्स चे दीड लाख रुपये असे एकूण सुमारे पाच लाख 70 हजार रुपये कर्ज संजय वर झाले होते !कर्जाची परतफेड करायची म्हणून संजयने सोयाबीन व कपाशीची लागवड केली होती सुरवातीला पिकाची परिस्थिती चांगली होती मात्र अतिवृष्टीमुळे संजय च्या स्वप्नांचा चुराडा झाला मोठ्या प्रमाणात पिकांची नासाडी झाली त्यामुळे त्याच्या डोक्यावरील कर्जाचा डोंगर संजयला दिसू लागला .कर्ज फेडायचे कसे या विवंचनेत तो बेचैन राहायचा अशातच त्यांनी शुक्रवार 20 नोव्हेंबर रोजी विषारी कीटकनाशक औषध प्राशन केले संजय ला ग्रामीण रुग्णालयात दाखल केले परिस्थिती हाताबाहेर जात असतांना पाहून संजयला तेथून जालना येथे दवाखान्यात नेण्यात आले परंतु उपचार सुरू असताना 21 नोव्हेंबर ला संजय चे निधन झालेशेव विच्छेदन केल्यानंतर संजय वर सावखेड तेजन येथे सायंकाळी अंत्यसंस्कार करण्यात आले ।संजय च्या पाठीमागे पत्नी मुलगा भाऊ आई-वडील असा बराच मोठा आप्तपरिवार आहे संजयच्या जाण्यामुळे परिसरांमध्ये हळहळ व्यक्त होत आहे !

एकीकडॆ कोविड19 मुळे जग थांबलं असतांना सर्वसामान्य माणूस हा पोटाची खळगी कशी भरल्या जाईल याच विवंचनेत होता. लॉकडाऊनच्या काळात काय करावं हे सुद्धा कुणालाच काही कळत न्हवत, मात्र दुसरीकडे याच लॉकडाऊनच्या काळात शहर आणि गावच्या गावं ओसाड होऊन थांबली होती. एका गावात मात्र शिक्षणाचं महत्त्व आणि गोडी वाढावी यासाठी गावकरी आणि गावातील तरुण अहोरात्र झटत होते. सोशल डिस्टन्ससिंगचा वापर करत लोकवर्गणीतून बोलक्या भिंतीचे काम यागावातील तरुणांनी हाती घेतलं आणि बघता बघता शिक्षणासाठी उभारलेली ही लोकचळवळ उदयास आली. तर चला मग पाहुयात शिक्षणाचा झरा घरा-घरात पोहचवणार्या या आदर्श गावाची कहाणी.
(Plz see the visuals – गावचे व जिल्हापरिषद शाळेचे शॉट्स )

महाराष्ट्रातील राष्ट्रमाता माँ साहेब जिजाऊंचे माहेरघर म्हणून ओळख असलेल्या मातृतिर्थ सिंदखेडराजा तालुक्यात ताडशिवणी नावाचं हे छोटसं गाव. आता या छोट्याश्या गावातील ही शाळा बघून तुम्हाला सुध्दा प्रश्न पडला असेल खरंच का ही जिल्हापरिषदची शाळा? पण ही दिसणारी दृश्य वास्तव दर्शवणारी आहेत. याच जिल्हापरिषदेच्या शाळेचा कायापालट करण्यासाठी गावकऱ्यांन सोबत याचं छोट्या शाळेत शिक्षण घेऊन आज मुंबई येथे मंत्रालयात वरिष्ठ अधिकारी म्हणून पोहचलेल्या एका व्यक्तिमत्वाचा सुद्धा तेवढाच मोठा सिंहाचा वाटा आहे. उच्च व तंत्र शिक्षण विभागाचे सहसचिव म्हणून राज्यातील शिक्षणाचा कार्यभाळ सांभाळणारे सिद्धार्थ खरात या वरिष्ठ अधिकाऱ्याने आणि त्यांच्या मार्गदर्शनाखाली स्थानिक गावकऱ्यांनी पुढाकार घेऊन राज्यसमोर शिक्षण क्षेत्रातील हा शैक्षणिक गड राष्ट्रमाता जिजाऊंच्या माहेरात या स्थानिक मावळ्यांनी रचलाय.

सिद्धार्थ खरात, सहसचिव,उच्च व तंत्र शिक्षण, मंत्रालय मुंबई.

प्रायव्हेट शाळांमध्ये आकर्षक इमारत, विविध रंगाने रंगलेल्या भिंती आणि अत्याधुनिक सुख सुविधा दिसून येतात. मात्र ग्रामीण भागात छोट्याशा खेड्यात कोण अशी शाळा उभारणार? आणि उभारली जरी, तरी सुद्धा एवढी फी सामान्य शेतकरी व मजुरांची मुलं भरू शकतील का? त्यामुळे आजही ग्रामीण भागात पडझड झालेल्या, जीर्ण इमारत असलेल्या, जिल्हापरिषदच्या शाळा दिसून येतात. पण आता ताडशिवणी गाव याला अपवाद ठरलंय. गावातील जिल्हापरिषदच्या शाळेचा कायापालट करून त्याचबरोबर गावातील विविध घरे,शौचालय, व इतर भिंतीवर देखील शिक्षणाशी संबंधित आकर्षक पेंटिंग व स्लोगन सुविचार विविध चित्र काढून नव्या पिढी समोर शिक्षणात रुची निर्माण व्हावी यासाठी या बोलक्या भिंती तयार करण्यात आल्या आहेत.

जितेंद्र भांबर्डे,- स्थानिक गावकरी
विठ्ठल चव्हाण – स्थानिक गावकरी

जिल्हापरिषदची शाळा म्हंटली म्हणजे निधी कोण देणार? कधी मंजूर होणार? यासर्व गोष्टी मध्ये न पडता गावकऱ्यांनी 50,100,500 रुपये आप आपल्या परीने जमा करून लोकवर्गणीच्या माध्यमातून शिक्षणाचं हे नंदनवन उभं केलंय. येणाऱ्या काळात राज्यातील प्रत्तेक गावांनी जर हा आदर्श घेतला तर नक्कीच ताडशिवणी पॅटर्न राज्यासाठी उपयुक्त ठरू शकतो. त्यामुळे शेतकरी मजूर व सामान्य कुटुंबातील विद्यार्थ्यांन मध्ये गावा गावात शिक्षणाची गोडी निर्माण होण्याचं काम होईल. ओसाड आणि मृत पडलेल्या जिल्हापरिषदच्या शाळा मधून पुन्हा एकदा नवीन राष्ट्र निर्माण करणारे, मंत्रालयातील सिद्धार्थ खरात यांच्या सारखे वरिष्ठ अधिकाऱ्यांन सारखी उच्चशिक्षित अशी युवा साक्षर पिढी या बोलक्या भिंती बघून उदयास येत राहतील.

(सूर्य्या् मराठी न्युज )

साखरखैर्डा बसस्थानकावर साखरखेर्डा पोलीसांनी ए टी एस च्या मदतीने स्थानिक आरोपीस मुद्दैमालासह अटक केली आहे . उपरोक्त घटणेमुळे गावात खळबळ उडाली आहे .
साखरखेर्डा बसस्थानकावर एका कुरीयर वाल्याकडून एक पार्सल घेऊन जात असतांना साखरखेर्डा येथील गोपाल रामसिंग शिराळे या युवकाला ए टी एस पथकाने साखरखेर्डा पोलीसांच्या मदतीने पकडले . आज दुपारी तीन वाजता ही कारवाई करण्यात आली . पोलीसांना गुंगारा देऊन पळून जाण्याचा प्रयत्न त्याने केला असता , अगोदरच पोलीसांनी सापळा रचला असल्याने त्याला पकडले . साखरखेर्डा पोलीस स्टेशन मध्ये आणले असता शासकीय कर्मचारी पंचासमक्ष कुरियरने आलेला बाॅक्स उघडला असता , त्यामध्ये दोन पिस्तूल सह मॅगझीन आढळून आले . गोपाल शिराळे यांच्यावर या अगोदर अनेक गुन्हे दाखल आहेत . आजच्या या मोठ्या कारवाई मुळे साखरखेर्ड्यासह संपुर्ण जिल्ह्यात खळबळ उडाली आहे . या कुरिअर संबंधीत गावातील काही व्यक्तींचा संबंध असू शकतो का ? या दिशेने पोलीस आणि ए टी एस पथक तपास करणार असल्याचे समजते .दरम्यान अकोला येथील ए.टी .एस .च्यापथकाने केलेल्या कारवाईमुळे संपूर्ण साखरखेडा व परिसरामध्ये खळबळ माजली आहे !आता आणखी कोणकोण या प्रकरणाशी संबंधित आहे याची चौकशी आता पोलिस करत आहेत !ची माहिती साखरखेडा पोलीस स्टेशनचे ठाणेदार जितेंद्र आडोळे यांनी दिली आहे ।