अनिल सिंग चव्हाण मुख्य संपादक
newsupdate:गडचिरोली:-पंचायत समिती गडचिरोली अंतर्गत अभिंर्झा केंद्रातील जिल्हा परिषद उच्च प्राथमिक शाळा मरेगाव येथे आज शाळा प्रवेशोत्सव व शाळा पूर्व तयारी मेळावा क्रमांक दोनच्या शुभ पर्वावर विविध उपक्रम राबविण्यात आले.उन्हाळी सुट्या संपून विदर्भातील सर्व शाळा 1 जुलै पासून सुरु झाल्या.
त्या निमित्त्याने दिनांक 1 जुलै ला जि प उच्च प्राथ शाळा मरेगाव येथे शाळा आरंभ दिन शाळा प्रवेशोत्सव नवागतांचे स्वागत कार्यक्रम घेण्यात आला.या निमित्याने सकाळी गावातून शैक्षणिक प्रभातफेरी काढण्यात आली.
यामध्ये सर्व भरती पात्र बालकांच्या घरा पर्यत प्रभातफेरी नेवून सजविलेल्या बैलबंडीत नवागतांना बसवून शाळेत आणण्यात आले.शाळेच्या प्रवेश द्वारावर त्यांचे पाय धुवून औक्षण करण्यात आले. शाळेच्या दुतफो उभे असलेल्या विद्याथ्यर्थ्यानी नवागतांवर फुलांचा वर्षाव केला.
सर्व मान्यवरांच्या उपस्थितीत विद्यार्थ्यांना फुलांचे गुच्छ देऊन स्वागत करण्यात आले.सोबतच मोफत पाठ्यपुस्तके,बुट व चाकलेट देवून स्वागत करण्यात आले.तसेच शाळा पूर्व तयारी मेळाव्यातील सात स्टालच्या माध्यमातून नवागत बालकांची कृतियुक्त गुणवत्ता तपासण्यात आली.
गटशिक्षणाधिकारी हेमलता परसा यांच्या प्रेरणेतून कार्यक्रम घेण्यात आले.सोबतच केंद्र प्रमुख यांचे सहकार्य लाभले.
मागील शैक्षणिक सत्रात वर्ग 1 ली च्या माला पालकांनी शैक्षणिक गुणवत्ता वाढीसाठी विशेष प्रयत्न करण्यास शाळेला सहकार्य केले त्याबद्दल शाळेतील शिक्षिका सौ मंगला सुरकार यांनी सर्व मातांना साडी व चोळी देवून मान्यवरांच्या हस्ते शाळेतर्फे गौरव करून इतर सर्व माता व पालकांना शैक्षणिक कार्याची प्रेरणा दिली.
बातमी लाईव्ह पाहण्यासाठी येथे क्लिक करा
कार्यक्रम निमित्याने शाळेचे उपक्रमशील मुख्याध्यापक गुणवंत हेडाऊ यांनी प्रास्ताविकातून माता पालकांना,विद्यार्थी दैनदिन उपस्थिती शालेय गुणवत्ता वाढ,विविध शालेय योजना यांचे मार्गदर्शन केले. मान्यवरांनी शाळेबद्दल मनोगत व्यक्त केले.
या कार्यक्रमाला गावच्या सरपंचां सौ आविका मडावी, उपसरपंच श्री नेताजी अलाम.ग्रा.पं.स. नितीन टेकाम, शा.व्य.स. अध्यक्ष अडभंगी बावणे,उपाध्यक्षा सौ शितल हरडे, सदस्य श्री अविनाश सेलोटे, सौ विद्या दिवटे, सौ. अलाम,श्रीमती येरमे, अंगणवाडी ताई श्रीमती कांबळे,गावातील इतर मान्यवर तसेच वर्ग 1 ते 7 च्या माता पालक मोठ्या संख्येने उपस्थित होत्या.
newsupdate:सौ सुरकार ताई यांनी कार्यक्रमाचे संचालन केले.आभार कु. टेकाम ताई यांनी मानले तर कार्यक्रम पार पडण्यासाठी श्री मडावी सर यांनी सहकार्य केले
