प्रतिनिधी सचिन वाघे हिंगणघाट
BankOfMaharashtra:दि.२७ मार्च :कर्जापोटी गहाण असलेल्या संपत्तीचा लिलाव केल्यानंतर वास्तूचा खरेदीदारास ताबा मिळवून देण्यास गेलेल्या बँक ऑफ महाराष्ट्रचे व्यवस्थापक व सहयोगी अधिकाऱ्यांना अर्वाच्य शिवीगाळ करीत मारहाण केल्याची घटना दि.२५ रोजी शहरातील शिवसुमन कार्यालय येथे घडली.
या वास्तूचे मूळ मालक तथा बँकेचे थकीत कर्जदार वामन गणपत मावळे व त्यांच्या पत्नीसह कुटुंबीयांवरती कारवाई करण्याची मागणी बँक व्यवस्थापनाने केली असून हिंगणघाट पोलिसांनी याप्रकरणी मावळे कुटुंबीयांवरती गुन्हा नोंद केला आहे.
Aditya Thackeray / दिशा सालियान प्रकरणात आदित्य ठाकरे आणि इतरांवर आरोप; काय आहे प्रकरणाचा ताजा वळण?
बँक ऑफ महाराष्ट्र या बँकेच्या स्थानिक मुख्य प्रबंधक अविनाश सुरडकर यांनी उपरोक्त प्रकरणी हिंगणघाट पोलिसात तक्रार दाखल केली आहे. त्यांनी मावळे कुटुंबीयांनी शिवीगाळ करीत त्यांना व इतर सहकाऱ्यांना मारहाण करीत हल्ला केल्याची तक्रार केली आहे.
घटनेच्या पार्श्वभूमीनुसार बँक ऑफ महाराष्ट्र येथील उद्योजक वामन मावळे यांना व्यवसायाकरिता २ कोटी रुपये कर्ज दिले होते, त्यांची पत्नी अनिता मावळे यांना सुद्धा रुपये ९५ लाख पोल्ट्री फार्म कुक्कुटपालन व्यवसायाकरिता कर्ज दिले होते, या कर्जापोटी मावळे कुटुंबीयांनी तालुक्यातील सेलू(मुरपाड )येथील शेती तसेच माता मंदिर वार्ड,हिंगणघाट शिवसुमन मंगल कार्यालय बँकेला गहाण करून दिले होते.
SunilNarineUodate/ आयपीएल 2025: सुनील नरेनशिवाय कोलकाताचा विजय, क्विंटन डिकॉकची अदाकारी
कोट्यावधी रुपये कर्ज थकीत झाल्यानंतर बँक ऑफ महाराष्ट्रच्या अधिकाऱ्यांनी शिवसुमन मंगल कार्यालय, तसेच सेलू (मुरपाड) येथील पोल्ट्री फार्मची व इतर गहाण मालमत्ता जप्त केली.
वारंवार कर्ज खेळण्याचा तकादा लावल्यानंतरही कर्जदारांनी रकमेची परतफेड केली नसल्यामुळे बँकेने त्यांचे विरोधात कारवाई सुरू केली, त्यांच्याकडे गहाण असलेली मालमत्ता लिलावाद्वारे विक्रीस काढली,यात स्थानीक माता मंदिर वार्ड येथील शिवसूमन मंगल कार्यालय या वास्तूचा सुद्धा लिलाव करण्यात आला, न्यायालयाचे पूर्वपरवानगीने हा लिलाव झाला असून लिलावामध्ये बोली लावून ही मालमत्ता येथील उद्योजक महेश घुमडे यांनी खरेदी केली.
घुमडे यांनी हे मालमत्ता खरेदी करीत सर्व पूर्तता केल्यानंतर बँकेला रीतसर ताबा हस्तांतरित करण्याची मागणी केली.
दि.२५ रोजी बँकेचे मुख्य प्रबंधक अविनाश सुरडकर त्यांचे सहकाऱ्यांसह शिवसुमन मंगल कार्यालय येथे पोहचून घुमडे यांना प्रत्यक्ष ताबा देण्याचा प्रयत्न केला असता श्रीमती अनिता वामन मावळे, वामन गणपत मावळे व इतर कुटुंबियांनी बँक ऑफ महाराष्ट्रच्या अधिकाऱ्यांना अश्लील शिवीगाळ करीत मारहाण केल्याची तक्रार केली आहे. सदर ताबा हस्तांतरित करण्यासाठी बँकेने जिल्हा न्यायालयाचा आदेश प्राप्त केला असल्यामुळे परवा बँक ऑफ महाराष्ट्रचे अधिकारी घटनास्थळी हजर होते.
BankOfMaharashtra:परंतु मावळे कुटुंबीयांपैकी साहिल वामन मावळे,अनिल गणपत मावळे,सूर्यकांत गणपत मावळे,नकुल वामन मावळे, अनिता वामन मावळे बँक व्यवस्थापक व त्यांच्या सहकाऱ्यांना शिवीगाळ करीत मारहाण केल्याची तक्रार त्यांनी केली आहे.
हिंगणघाट पोलिसांनी मावळे कुटुंबीयांवरती भारतीय न्याय संहिता २०२३ अन्वये कलम ११५(२),१२१(१),१२६(२),१३२,१८९(२),१९०,
१९१(२),२९६,३५१(२) नुसार गुन्हा दाखल केला आहे. पुढील तपास पोलीस उपनिरीक्षक भारत वर्मा करीत असुन आरोपी फरार असल्याची माहिती आहे
