यावल ( प्रतिनिधी ) विकी वानखेडे

तालुक्यातील किनगाव खुर्द येथे एका तरूणा शेतमजुराची गळफास घेवुन आत्महत्या केल्याची घटना उघडकीस आली असुन , या घटनेची बाबत पोलीसात नोंद करण्यात आली आहे . या संदर्भात पोलीस सुत्रांकडुन मिळालेल्या माहीतीनुसार यावल तालुक्यातील किनगाव खुर्द येथील साईबाबा मंदीर परिसरात राहणारे भगवान रघुनाथ पाटील वय४० वर्ष या तरूणाने आज दिनांक ११ ऑक्टोबर रोजी दुपारी १ , ३० वाजेच्यापुर्वी आपल्या राहत्या घराच्या छताच्या पडतीला साडीच्या सहाय्याने गळफास घेवुन आत्महत्या केल्याचे उघडकीस आले आहे सदरची घटना घडली त्यावेळेस मयत भगवान पाटील हे पत्नी व मुलगा शेतीकामास गेले असता एकटेच घरात होते , मागील चार वर्षापुर्वी देखील पाटील यांनी विष प्राशन करून आत्महत्या केल्याचे प्रयत्न केल्याची माहीती समोर आली आहे याबाबतची खबर गावातील पोलीस पाटील दिलीप साळुंके यांनी पोलीसात दिल्याने अक्समात मृत्युची नोंद करण्यात आली असुन , मयताचे मृतदेह यावलच्या ग्रामीण रुग्णालयातील वैद्यकीय अधिकारी डॉ . बी बी बारेला यांनी केले असुन तपास पोलीस उपनिरिक्षक जितेन्द्र खैरनार याच्या मार्गदर्शनाखाली सहाय्यक फौजदार विजय पाचपोळे हे करीत आहे . मयत भगवान पाटील यांच्या कुटुंबात पत्नी , आई , वडील , एक मुलगा असा परिवार असुन त्यांनी आत्महत्या का केली हे मात्र स्पष्ट होवु शकले नाही .

घुग्घुस (प्रतिनिधि)
रमेश सद्दाला

उत्तरप्रदेश येथील लखीमपूर (खैरी) येथे केंद्र शासनाच्या तीन काळ्या कायद्या विरोधात शांततेत आंदोलन करून घरी परत जात असताना भाजप नेते व केंद्रीय गृहराज्यमंत्री यांच्या मुलाने शेतकऱ्यांच्या अंगावर गाडी चढवून त्यांना ठार केले.
ज्यांच्यावर देशाच्या सुरक्षेची जवाबदारी आहे त्याच गृहमंत्र्यांच्या मुलाने शेतकऱ्यांचा अमानुष हत्याकांड घडवून आणला.
आणि या नृशंस नरसंहाराला पाठीशी घालण्याचा पातक केंद्रातील मोदी शासन व उत्तर प्रदेश येथील योगी शासनाने केला.
हत्याकांडातील आरोपींना बेड्या घालण्या ऐवजी विरोधी पक्षाच्या नेत्यांनाच अटक केली.

या हितलरशाही केंद्र शासनाच्या विरोधात महाराष्ट्रातील काँग्रेस, शिवसेना, राष्ट्रवादी काँग्रेस पक्षाच्या महाविकास आघाडीने महाराष्ट्र बंदचा आवाहन केला होता.

या आंदोलनाला प्रतिसाद देत घुग्घुस येथील काँग्रेस, शिवसेना, राष्ट्रवादी काँग्रेस पक्षाचे नेत्यांनी एकत्रित येत घुग्घुस बंदचे आवाहन केले होते.
या पक्षाच्या आवाहनाला व्यापारी वर्गांने सकारात्मक प्रतिसाद देत मोठ्या प्रमाणात दुकाने उघडलीच नाही.

काही तुरळक प्रमाणात उघडलेल्या दुकानांनी महाविकास आघाडीचे बाईक रैली येताच आप – आपली दुकाने बंद केली.

शहरातील चौका – चौकात आघाडीच्या नेत्यांनी मोदी व योगी शासनाचा निषेध व्यक्त केला.
सदर आंदोलन काँग्रेसचे शहर अध्यक्ष राजूरेड्डी, किसान जिल्हाध्यक्ष रोशन पचारे, अनुसूचित जाती विभाग जिल्हाध्यक्ष पवन आगदारी, कामगार नेते सैय्यद अनवर,
शिवसेनेचे शहर प्रमुख सतीश बोंडे, बाळु चिकणकर, युवा सेना तालुका प्रमुख हेमराज बावणे,गणेश शेंडे, तर राष्ट्रवादीचे सत्यनारायण डकरे, तालुका अध्यक्ष तालुका अध्यक्ष मागास विभाग, इस्लाम अब्बासी,सतीश जैस्वाल यांच्या नेतृत्वाखाली करण्यात आले याप्रसंगी काँग्रेसचे किशोर बोबडे, निरंजन डंभारे,नुरुल सिद्दिकी, लखन हिकरे, प्रेमानंद जोगी, शेख शमीउद्दीन, इर्शाद कुरेशी, विशाल मादर, देव भंडारी,कपिल गोगला, शुभम घोडके,जुबेर शेख,विजय माटला, बालकिशन कुळसंगे, सुनील पाटील, वस्सी शेख,आरिफ शेख,सुधाकर जुनारकर, योगेश ठाकरे,
शिवसेनेचे बंटी घोरपडे, योगेश भांदकर, रघुनाथ घोंगळे, वेदप्रकाश मेहता,महेश शेंडे,लक्ष्मण बोबडे, शहंशाह शेख, निखिल मोहितकर, खुशाल जगताप, हर्षल बांदूरकर, सतीश गोहोकर, रेहांत शेंडे,विकी चिवंडे,सुरज खोंडे,
व राष्ट्रवादीचे बंडू झाडे ,संजय भालेराव,कमाल उद्दीन, व
मोठया संख्येने तीन ही पक्षाचे पदाधिकारी व सदस्यगण उपस्थित होते.

दगडू पिंगळे निलंगा प्रतिनिधी

दि. – 6 ऑक्टोंबर 2021 रोजी निलंगा पोलीस ठाणे येथे गुऱ्हाळ ता. निलंगा या ठिकाणी वयोवृद्ध महिला नामे शेषाबाई मोतीराव दूधभाते वय 80 वर्ष या दुपारी दोन वाजता च्या सुमारास त्यांच्या शेतामध्ये शेती काम करण्याकरता गेली असता त्या ठिकाणी कोणीतरी अज्ञात इसमाने चाकूने त्यांचा गळा कापून खून केला असल्याची माहिती पोलीस स्टेशन निलंगा यांना प्राप्त झाली त्यानंतर घटनास्थळी माननीय पोलीस अधीक्षक निखिल पिंगळे साहेब अप्पर पोलीस अधीक्षक अनुराग जैन साहेब तसेच उपविभागीय पोलिस अधिकारी निलंगा डॉक्टर दिनेश कुमार कोल्हे साहेब पोलीस निरीक्षक शेजाळ सपोनि कुदळे पोलीस उपनिरीक्षक राठोड पोलीस उपनिरीक्षक अक्कमवाड पोलीस उपनिरीक्षक मुळीक पोलीस उपनिरीक्षक गरजे,पोलिस उपनिरीक्षक तसेच पोलीस स्टेशनचा स्टॉप यांनी तात्काळ घटनास्थळी भेट दिली व जखमी हिस उपजिल्हा रुग्णालय निलंगा या ठिकाणी उपचार कामी दाखल केले असता तेथील वैद्यकीय अधिकारी यांनी ते तपासून दाखल पूर्व मयत घोषित केले त्यानंतर मयत यांचा मुलगा नामे माधव मोतीराव दूधभाते वय 52 वर्ष व्यवसाय प्राध्यापक राहणार गुराळ तालुका निलंगा ह.मु.मुक्काम पोस्ट सारडा कॉलनी अक्षय गॅस एजन्सी च्या पाठीमागे परळी नाका गंगाखेड तालुका गंगाखेड जिल्हा परभणी यांनी दिलेल्या जबाबा वरून पोलीस स्टेशन निलंगा गुन्हा रजिस्टर नंबर 286/21 कलम 302 भादवी अन्वये गुन्हा दाखल करण्यात आला. नमूद गुन्ह्याच्या अनुषंगाने गुन्ह्यातील अज्ञात पाहिजे आरोपीचा शोध डॉग स्कॉड, फिंगरप्रिंट, स्थानिक गुन्हे शाखा व पोलीस स्टेशन चे तीन पथक आरोपीचा शोध घेणे कामी व गोपनीय माहिती काढणे कामे रवाना केले आज दि. 9 ऑक्टोंबर 2021 रोजी मिळालेल्या गोपनीय माहिती वरून संदीप आनंदा भोसले राहणार गुराळ यास ताब्यात घेऊन चौकशी केली असता त्याने गुन्हा केल्याचे कबूल केले आर्थिक विवेचनातून व पैशाची गरज असल्याने गावातील वयोवृद्ध महिला शेषाबाई दूधभाते तिच्यावर लक्ष ठेवून शेतात एकटी असतांना धार धार हत्याराने गळ्यावर वार करून तिच्या गळ्यातील सोन्याच्या दोन पोत घेऊन गेला. सदर आरोपीस नमूद गुन्ह्यात अटक करण्याची प्रक्रिया चालू आहे. सदर गुन्ह्याच्या तपासात पोलीस अधीक्षक निखिल पिंगळे, अपर पोलीस अधीक्षक अनुराग जैन यांचे मार्गदर्शन लाभले आरोपी शोध कामी निलंगा पोलीस स्टेशन चे अधिकारी उप विभागीय आधिकारी डॉक्टर दिनेश कुमार कोल्हे, पोलीस निरीक्षक शेजाळ, सपोनि कुदळे, सपोनि डमाळे, सपोनि कामत, पोलीस उप निरीक्षक राठोड, अक्कमवाड, मुळीक, गर्जे, क्षिरसागर, महिला पोलीस उप निरीक्षक गायकवाड तसेच पोलीस स्टेशन चे अंमलदार बनाटे, बेग, सूर्यवंशी, चव्हाण, मजगे, सोमवंशी, माने, मुळे, बेबडे, नागमोडे, काळे व स्थानिक गुन्हे शाखेचे सपोनि सूर्यवंशी, कोतवाड, राजू मस्के, माधव बिल्लापट्टे, नकुल पाटील यांनी परिश्रम घेतले.

निलेश पगारे नांदगाव तालुका प्रतिनिधी (नासिक)

नवरात्री निमित्त देवीच्या दर्शनासाठी आज सकाळी नांदगाव येथील चांडक प्लाँट भागातील दोन महीला आपल्या तीन चिमुकल्यासह रेल्वेे अंडरपासमध्ये पाणी असल्याने रेल्वे रुळ ओलांडत असतांना महाराष्ट्र एक्सप्रेस आल्याने रेल्वेखाली चिरडुन स्वाती रविंद्र शिंदे या महीलेचा दुर्देवी मृत्यु झाला.सदर महीला गरीब होतकरु रवि शिंदे यांच्या पत्नी होत्या.रेल्वे प्रशासन व नांदगाव नगरपालिकेच्या भोंगळ काराभारामुळे बनविण्यात आलेल्या अंडरपासमुळे हा दुर्दैवी मृत्यु झालेला आहे त्याचे शल्य मनाला टोचल्याने आपण नगरसेवक असुन न पा च्या अट्टाहासामुळे येथील जनतेचा पुरामुळे उद्भवलेल्या येण्या जाण्याच्या समस्या साेडवु शकलो नाही अशी खंत व्यक्त करत या वाँर्डातील नगरसेवक नितिन जाधव यांनी आपल्या पदाचा राजीनामा देत झालेल्या घटनेचा निषेध व्यक्त केला.जनतेच्या सेवेसाठी तत्पर असणारे नितीन जाधव यांनी असा राजीनामा देणे नगरपलिकेस काळे फासण्यासारखे आहे म्हणुनच त्वरीत अंडरपासचा प्रश्न मिटवा नाहीतर नगरपरीषद बरखास्त करा अशी संतप्त प्रतिक्रीया नांदगावमधील जनतेकडुन केली जात आहे.