गजानन सोनटक्के जळगाव जा

जळगांव जा.प्रतिनिधी

आज दिनांक १२/०४/२०२१ चे सकाळी अंदाजे ५.०० वा. चे सुमारास वनपरिक्षेत्र अधिकारी श्री कटारिया यांना गुप्त बातमीदाराकडुन मिळालेल्या गुप्त माहीतीवरुन भिंगारा ते निमखेंडी रोडने गस्त करीत असतांना रस्याचे बाजुने दबा धरून बसले असता,वरील वेळेला भिंगाराकडून जळगांवकडे येणा-या रस्त्याने राखीव क.नं.३७१ निमखेडी बिट या ठिकाणी चॉकलेटी रंगाची टाटा इंडिगो कार क्रमांक MH-२०BC-३९७ ही दिसून आली. त्याला थांबविण्याचा प्रयत्न केला असता त्याने वनअधिकारी/वनकर्मचारी यांना पाहून गाडी सोडून जंगलातून पसार झाला. त्याला वनअधिका याने ओळखले असून तो इसम जामोद येथील तेजराव अशोक लोणे असून तो वरील गाडी व त्याचा मोबाईल हँडसेट घटनास्थळी सोडून फरार झालेला आहे. मोक्यावर वाहनाची तपासणी केली असता त्यामध्ये अवैध वनोपज सालई गोंद ८ कट्टे दिसून आले. त्याचा पंचासमक्ष पंचनामा करुन वजन केले असता,२६५ किलो भरले. सदर मालमत्ता जप्त करुन आरोपी विरुध्द वनगुन्हा क्रमांक ६६५/१६६०१ दिनांक १२/०४/२०२१ जारी करुन जप्त वाहन,सालई गोंद मोबाईल हँडसेट जळगांव जामोद येथील लाकूड आगारात आणून ठेवण्यात आलेला आहे. फरार आरोपीचा शोध घेणेसाठी वनविभागाचे अधिकारी/कर्मचारी जामोद परिसरात शोध घेत आहेत. आरोपीविरुध्द भारतीय वन अधिनियम, १९२७ चे कलम २६(१) ड,फ,ग,४१(१),४२(१) (२),५२,६१ ए.६९ व महाराष्ट्र वन नियमावली नियम २०१४ चे नियम ३१,८२ नुसार गुन्हा दाखल करण्यांत आला आहे. सदरची कारवाई मा.श्री.अक्षय गजभिये,उपवनसंरक्षक प्रादेशिक बुलडाणा मा.श्री.आर.आर.गायकवाड,सहा.वनसंरक्षक (प्रादेशिक व कॅम्पा) बुलडाणा यांचे आदेशाप्रमाणे श्री.बि.डी.कटारिया,वनपरिक्षेत्र अधिकारी जळगांव जामोद प्रादेशिक व श्री.पी.जी.सानप वनपाल हे करीत आहेत.सदर कारवाईत श्री.ए.आर.खेडकर,श्री.आर.व्ही.फड,श्री.बि.एम.खेडकर हे वनरक्षक व फायर कॅम्पवरील व निमखेडी नाक्यावरील मजुर यांनी सहकार्य केले आहे.फरार आरोपीचा शोध घेण्याची कार्यवाही सुरु आहे.

सिंदखेड राजा ( सचिन खंडारे )

सध्या महाराष्ट्रामध्ये लॉकडाऊन सुरू आहे काही ठिकाणी संचारबंदी सुद्धा सुरू आहे तर शनिवार आणि रविवार ला कडकडीत बंद आहे ‘शिवाय राज्य मंत्रिमंडळाच्या बैठकीमध्ये सुद्धा दहा ते पंधरा दिवस कडक लॉकडाऊन होण्याची शक्यता आहे .अशा परिस्थितीमध्ये सर्वसामान्य माणसाची जिने अस्वस्थ करणारे आहे ‘
कारण अशी काही कामगार आहेत की जे कामाला गेल्यानंतर कमावलेल्या पैशातून अन्य धान्य आणून आपल्या घराचा प्रपंच भागवतात ‘
व कामाला गेले शिवाय आपली रात्रीची चूल पेटू शकत नाही अशी परिस्थिती सर्वसामान्य कामगार वर्गाची सध्या झालेली आहे ‘दहा ते बारा दिवस कामगार घरीही राहील ‘परंतु लॉकडाउनच्या काळामध्ये अनेक दुकानदार आपले हात धुऊन घेतात ‘
त्यामध्ये जीवनावश्यक वस्तूंच्या किमती प्रचंड वाढले आहेत .खाद्य तेलाचे भाव तर दीडशेच्या आसपास जाऊन पोहोचली आहे सध्या खाद्यतेलाचे भाव 140 ते 145/ रुपये दराने आहेत ‘साखरेचे भाव सुद्धा वाढलेले आहेत ।दवाखान्या मध्ये सुद्धा औषधी चे भाव वाढलेले आहे ‘
अशा परिस्थिती मध्ये जर खाद्य तेलाचे भाव साखरेचे भाव मिठाचे भाव मसाल्याचे भाव अव्वाच्या सव्वा दराने वाढत असतील तर सर्वसामान्य माणूस कसा काय जगू शकेल ।
सर्वसामान्य माणसाला जगायचं असेल तर आगोदर दुकानातील भाव कमी करावे अशी मागणी होत आहे .
अनेक दुकानदार लॉकडाऊन च्या काळामध्ये मालच नाही असे सांगून मनानेच किमती वाढवत आहे ‘यावर उत्पादन शुल्क विभागाने लक्ष देण्याची गरज आहे ‘
– (सध्या माझे दुकान गेल्या पाच दिवसापासून बंद आहे त्यामुळे उपासमारीची वेळ माझ्यावर येऊन ठेपली आहे ‘इकडून तिकडून अन्य धान्य घेऊन आम्ही जगू शकतो परंतु जीवनावश्यक वस्तूंचे भाव तेलाचे भाव मोठ्या प्रमाणात वाढल्यामुळे ह्या किमती शासनाने कमी कराव्या व खुशाल दहा ते पंधरा दिवस लॉक डावून करावे ‘ — ..विलास तोडे ( रेडियम व्यवसायिक )

(सिंदखेडराजा विशेष प्रतिनिधी)

पोलीस स्टेशन अंतर्गत येत असलेल्या माळखेड फाट्यावर चार देशी दारुचे बाॅक्ससह आरोपीस अटक केली आहे . गेल्या आठवड्यात ११ ठिकाणी पोलीसांनी धाड टाकून अवैध दारू साठा जप्त केला आहे .
साखरखेर्डा पोलीस स्टेशन अंतर्गत अनेक ठिकाणी देशी दारुची अवैध विक्री सुरु असल्याची माहिती ठाणेदार जितेंद्र आडोळे यांना गोपनीय माहिती मिळताच त्यांनी साखरखेर्डा येथील दोन ठिकाणी , लोणी , गोरेगाव , हनवतखेड , शेंदुर्जन , वर्दडा , पाठोपाठ माळखेड फाट्यावर छापा टाकला . आज सकाळी ठाणेदार जितेंद्र आडोळे , पीएसआय दिपक राणे , पोलीस हेड कॉन्स्टेबल दिनेश चव्हाण , पोलीस का . अनिल वाघ , राजू मापारी यांनी छापा टाकला असता माळखेड फाट्यावरील तृप्ती हाॅटेलवर अवैध दारू विक्री करतांना संजय माधवराव देशमुख रा . लोणी यांच्याकडून ४बाॅक्स सखु संत्र्याच्या १९२ काॅर्टर किम्मत १३ हजार ४६० जप्त करण्यात आल्या आहेत . आरोपीस तंत्काळ अटकही करण्यात आली आहे . या अगोदर अनेक गावांत फाट्यावर अवैध दारू विक्री होत असल्याची माहिती सूत्रांनी दिली असता मागिल आठवड्यात ५० हजारांचा मुद्देमाल जप्त करण्यात आला आहे . कोवीड काळात कडक लाॅकडाऊन असतांना काही व्यक्तींनी सुशिक्षीत बेकार युवकांना या धंद्यात ओढून आपली अर्थीक पोळी भाजून घेण्यासाठी दारु विक्रीचा व्यवसाय सुरु केल्याचे समजते . या दारु मुळे सर्वसामान्य व्यक्तींचे कुटूंब बरबाद होत आहे .

सचिन वाघे वर्धा

हिंगणघाट प्रतिनिधी दि.११ शहरातील कारंजा चौक येथील सुरेश चंपत ठाकरे यांचे मालकीचे ठाकरे सायकल स्टोर्स या दुकानाला आग लागून अंदाजे ५ लाखाचे नुकसान झाले.
आज रविवार सकाळी या दुकानातुन धुवा निघत असल्याने तेथे उपस्थित नागरिकांना दिसले.
उपस्थित नागरीकांनी दुकान मालकास घटनेची माहिती दिली.
याचवेळी अग्निशमन विभागाससुद्धा माहिती देण्यात आली. यावेळी सदर आगीत दुकानातील टायर ट्यूब्सचे ३ बोरे,छोट्या सायकल ५० नग, १८० टायर नग,स्पेयरपार्ट्स,२५ हजाराची कंप्रेसर मशीन इत्यादि जळून ५ लाख रूपयाचे नुकसान झाले. माहिती मिलताच दुकानमालक घटनास्थळी पोचले,
परंतु तोपर्यंत सर्व राख झाले होते.
अग्निशमन विभागाने घटनास्थळी पोचत आग पूर्णतः विझविली. संचारबंदीमुळे श्री ठाकरे यांचे दुकान बंद असतांना सदर घटना घडली असून शार्ट सर्किटमुळे आग लागली असावी असा प्राथमिक अंदाज आहे.

गजानन सोनटक्के

जळगांव जा.प्रतिनिधी:
जळगाव जामोद पोलीस स्टेशन ने पुन्हा एकदा अवैधरित्या देशी वाहतूक करणाऱ्या विरोधात केली धाडसी कारवाई दिनांक दहा एप्रिल च्या संध्याकाळी पोलीस उपनिरीक्षक प्रल्हाद मदन यांना गुप्त बातमी दाराकडून माहिती मिळाली की आसलगाव येथे दोन व्यक्ती मोटरसायकलवर अवैध रित्या देशी दारू घेऊन येतात व बाजारामध्ये थांबून देशी दारुची विक्री करतात अशा मिळालेल्या गुप्त माहितीवरून पोलीस उपनिरीक्षक प्रल्हाद मदन यांनी जळगाव जामोद पोलीस स्टेशनचे पोलीस निरीक्षक सुनील जाधव यांना माहिती देऊन पोलीस उपनिरीक्षक प्रल्हाद मदन यांनी पोलीस उपनिरीक्षक सचिन वाकडे पोलीस नाईक गणेश पाटील पोलीस कॉन्स्टेबल सचिन राजपूत यांना सोबत घेऊन आसलगाव येथे जाऊन मिळालेल्या गुप्त माहितीनुसार मोहन वानखडे यांचे घराकडे पायी जात असताना त्यांच्या घराचे शेरीमधून एका मोटरसायकलवर मोहन वानखडे व सुरेंद्र मेहंगे असे दोन जण दारू घेऊन येताना दिसले त्यांना थांबविण्याचा प्रयत्न केला असता त्यांनी भरधाव गाडी चालवून ते गाडीवरून पडुन त्यांनी देशी दारुचा माल जागेवरच सोडून गाडी घेऊन घटनास्थळावरून पोबारा केला नंतर पोलिसांनी सदर देशी दारुचा माल ताब्यात घेतला व मोहन वानखडे यांच्या कुटाराच्या गोठ्याची पाहणी केली असता तेथे त्यांना देशी दारू संत्रा ५००० कंपनीचे १० बॉक्स व गाडी वरून पडलेला एक बॉक्स असे एकूण ११ बॉक्स देशी दारू चा माल किंमत २८ हजार ८८५ रुपयाचा माल मिळून आला सदरची कारवाई माननीय पोलीस अधीक्षक अरविंद चावरिया अप्पर पोलीस अधीक्षक राजपूत उपविभागीय पोलिस अधिकारी तडवी यांच्या मार्गदर्शनाखाली जळगाव जामोद पोलीस स्टेशनचे पोलीस निरीक्षक सुनील जाधव यांचे सूचनेनुसार ही कारवाई करण्यात आली. पुढील तपास पीएसआय सचिन वाकडे करीत आहेत.