सिंदखेड राजा ( सचिन खंडारे )

डॉ .बाबासाहेब आंबेडकर यांचा भव्य पुतळा व भव्य स्मारक उभारण्यासाठी सम्राट संघटनेचे संस्थापक अध्यक्ष आशिष बाबा खरात यांनी गेल्या तीन दिवसापासून हिरोळे पेट्रोल पंपाजवळील जागा डॉक्टर बाबासाहेब आंबेडकर यांच्या पुतळ्यासाठी व स्मारकासाठी देण्यात यावी या संदर्भामध्ये नगरपरिषदे समोर उपोषण सुरु केले आहे ‘तथापि जवळपास 19 वॉर्डातील नागरिकांनी जयस्तंभ चौक येथील पेट्रोल पंपाजवळ च्या जागेची मागणी तसेच विनंती अर्ज नगर प्रशासनास दिल्यानंतर सुद्धा त्यावर नगर प्रशासनाने कुठल्याही प्रकारची उत्तर न दिल्यामुळे दिनांक 30 मार्चपासून श्री आशिष खरात सम्राट संघटनेचे संस्थापक अध्यक्ष यांना बेमुदत उपोषण करावे लागते ही नगर प्रशासनासाठी शोकांतिका असून मुख्य अधिकारी व नगराध्यक्ष यांनी तात्काळ विशेष सभा आयोजित करून उपोषणकर्त्यांची रास्त असलेल्या मागणीचा नगरसेवकांच्या सह्यानिशी ठराव पारित करून पारित झालेल्या ठरावावर नगरपालिका कायदा 1965 नुसार टिपणी लिहून उपोषणकर्त्यांना तथा नगर प्रशासनास प्राप्त झालेल्या अर्जानुसार प्रत्येकाला लेखी स्वरूपात उत्तर द्यावे अशी मागणी राणी बी शेख लाल उर्फ बबलू कुरेशी सभापती महिला व बालकल्याण समिती तथा नगरसेविका वार्ड क्रमांक 3 यांनी दिनांक एक एप्रिल रोजी नगर परिषद बुलढाणा यांना दिलेल्या निवेदनाद्वारे केली आहे !जर ठराव पारित न झाल्यास आंदोलनाची भूमिका माझ्यासारख्या नगरसेवकाला घ्यावी लागेल व होणाऱ्या परिणामास मुख्याधिकारी व नगराध्यक्ष जबाबदार राहील असा इशारा यावेळी शेवटी नगरसेविका राणी बी शेख लाल उर्फ बबलू कृषी यांनी दिला आहे !

यावल ( प्रतिनिधी विकी वानखेडे

तालुक्यातील दगडी मनवेल येथील शेतमजुरी करुन उदरनिर्वाण करणाऱ्या वंसत बाबुलाल कोळी यांच्या मालकीची घरा जवळच्या जनावरांच्या गोठ्यातील एक लाख रुपये कींमतीची एक म्हैस बुधवारी मध्यरात्रीच्या सुमारास अज्ञात चोरट्यांनी चोरून नेल्याची घटना घडली असुन या प्रकारामुळे एकच खळबळ उडाली आहे.
आज दिनांक ३१ मार्च रोजी गुरुवारी सकाळी आपल्या गोठयात गेले असता त्यांच्या निर्दशनास हा प्रकार उघडकीस आला. दगडी मनवेल येथील शेतमजुर बाबुलाल कोळी यांचा जनावरांचा गोठा आहे. गोठ्यामध्ये वंसत कोळी हे जनावरांना वैरण टाकून झोपले होते. मध्यरात्री चोरट्यांनी गोठ्यात प्रवेश करून म्हैस चोरुन नेली. या घटनेनंतर दगडी व परिसरातील गावांमध्ये जनावरांचे गोठे असलेल्या शेतकऱ्यांमध्ये भीतीचे वातावरण पसरले आहे. दरम्यान या संदर्भात यावल पोलीस ठाण्यात अज्ञात चोरट्या विरूद्ध गुन्ह्याची नोंद करण्यात आली असुन, या चोरीच्या घटनेबाबत काही जागृत नागरीकांनी सोशल मीडियावरही चोरीचा मेसेज पाठवून जनावरे आढळल्यास ? संपर्क करण्याचे सावध राहण्याचे ही आवाहन नागरीकांना करण्यात आले.

सूर्या मराठी न्यूज साठी किरण शेजोड सह हिम्मतराव तायडे महाराष्ट्र ब्युरो चीफ

बुलढाणा जिल्हा अंतर्गत येणाऱ्या चिखली तालुका येथील पोलीस स्टेशनचे पीएसआय स्वप्निल रणखांब यांना अमृततुल्य हॉटेलच्या मालकाकडून दहा हजार रुपये घेताना अँटी करप्शन ब्युरो यांनी रंगेहात पकडले या कारवाईनंतर चिखली पोलीस स्टेशनमधील कर्मचार्‍यांमध्ये एकच खळबळ उडाली होती.
याबाबत सविस्तर असे की, येथील खामगांव रोडवर असलेल्या हॉटेल अमृततुल्यमध्ये जुगार सुरू असल्याच्या गोपनीय कागदपत्रे आधारे उपविभागीय पोलीस अधिकारी रमेश बरकते यांच्या पथकासह चिखली पोलिसांनी धाड टाकत 8जणांना ताब्यात घेवून त्यांच्याजवळून 2,29,500 रूपयांचा मुद्देमाल जप्त केल्याची घटना ता.23 मार्च रोजी घडली होती. यामध्ये 8 जुगार्‍यांविरूद्ध व हॉटेल मॅनेजरवर गुन्हा दाखल करण्यात आला होता. या गुन्ह्यामध्ये हॉटेलमालकाचे नाव वगळण्याकरिता पोलीस उपनिरीक्षक रणखांब यांनी 10 हजार रूपयांची लाच मागितली होती. आज ता.1 एप्रिल 2021 रोजी हॉटेल अमृततुल्य येथे लाचेची रक्कम स्विकारण्याकरिता पीएसआय रणखांब गेले असता बुलडाणा लाचलुचपत अधिकारी यांनी सापळा रचून पोलीस उपनिरीक्षक रणखांब यांना ताब्यात घेतले असून वृत्त लिहेपर्यंत कारवाई सुरू होती.
सदर कारवाईत विशाल गायकवाड, पोलीस अधिक्षक लाचलुचपत प्रतिबंधक विभाग, अमरावती परिक्षेत्र, अरूण सावंत अप्पर पोलीस अधिक्षक लाचलुचपत प्रतिबंधक विभाग, अमरावती परिक्षेत्र यांच्या मार्गदर्शनाखाली तपास अधिकारी पो.उपअधिक्षक संजय चौधरी, पोलीस नाईक विलास साखरे, रविंद्र दळवी, पो.शि.जगदीश पवार, विनोद लोखंडे, चालक मधुकर रगड सहभागी होते. या बातमीमुळे चिखली नागरिकांमध्ये एक आनंदाचा वातावरण निर्माण झाले आहे कारण की असे पोलीस स्टेशन मध्ये सामान्य नागरिकांकडून असे अधिकारी पैसे लुटत असतात म्हणून अशा घटना घडल्यावर लोकांना फार आनंद होतो म्हणून सामान्य जनतेला सतर्क होऊन अशा अधिकाऱ्यांना धडा शिकवण्याची गरज आहे.

यावल ( प्रतिनिधी )विकी वानखेडे

तालुक्यातील विरावली येथील अत्यंत जुनी व जिर्ण झालेल्या ग्रामपंचायत कार्यालयाच्या ईमारतीसाठी राज्याचे पाणी पुरवठा मंत्री तथा जिल्ह्याचे पालकमंत्री ना . गुलाबराव पाटील यांनी घेतलेल्या तडकाफडकी निर्णयाने आणि चोपडा विधानसभा क्षेत्राच्या आमदार सौ .लताताई चंद्रकांत सोनवणे यांच्या पाठपुराव्याने येथे नवीन ग्रामपंचायत कार्यालय बांधकामासाठी वीस लाख रुपये मंजूर झाले आहे. राष्ट्रीय ग्रामस्वराज्य अभियानातून निधी प्राप्त करण्यासाठी पालक मंत्री गुलाबराव पाटील, आमदार लताताई सोनवणे, माजी आमदार प्रा.चंद्रकांत सोनवणे यांनी वेळोवेळी शासनाकडे पाठपुरावा करून निधी मंजूर करून आणला.
येथील कृषी उत्पन्न बाजार समितीचे सभापती तथा विरावली ग्रामपंचायत माजी सरपंच, शिवसेना उपजिल्हाप्रमुख तुषार उर्फ मुन्ना पाटील, यांनी प्रसिद्धीस दिलेल्या पत्रकात म्हटले आहे, की महाराष्ट्र शासन राज्य प्रकल्प व्यवस्थापन कक्ष राष्ट्रीय ग्रामीण स्वराज्य अभियान अंतर्गत ग्राम विकास विभागाकडील पत्र तसेच राष्ट्रीय ग्रामस्वराज्य या कार्यालयाकडील निधी विचारणा आदेश पत्र ऑक्टोंबर २०२० राष्ट्रीय ग्रामस्वराज्य अभियान अंतर्गत विरावली येथे ग्रामपंचायतीची इमारत फार जुनी झाली असून विरावली येथे ग्रामपंचायतीचे नविन इमारतीचे बांधकाम मंजूर केलेले आहे. सरपंच कलिमा तडवी, उपसरंपच मनिषा पाटील यांनी देखील पाठपुरावा सुरु ठेवला होता.
………… चौकट……………
याशिवाय जिल्ह्यात चिंचखेडा खुर्द (ता. मुक्ताईनगर), खिरवड (ता. रावेर), निमखेडा (ता. धरणगाव ), जाणवे (ता. अमळनेर), देवगांव (ता. पारोळा), अंतुर्ली खुर्द प्र. लो. (ता. पाचोरा) येथील ग्रामपंचायतीच्या नविन इमारत बांधकामासाठी प्रत्येकी पाच लाख निधी मंजूर झाला आहे. तर नागरी सुविधा केंद्र खोल्यांसाठी नाडगाव ( ता.बोदवड ), अंतुर्ली (ता. मुक्ताईनगर), वर्डी, घोडगाव (ता. चोपडा), रोझोदा (ता. रावेर), आमोदा (ता. यावल) व पाळधी बुद्रुक (ता. धरणगाव), शिरसोली प्र.बो. (ता. जळगाव), जवखेडा, पातोंडा(ता. अमळनेर), देवगाव, उत्राण (ता. पारोळा),जारगाव, नगरदेवळा (ता. पाचोरा ),येथील ग्रामपंचायतींना नागरी सुविधा केंद्र खोली बांधकामासाठी प्रत्येकी दोन लाख मंजूर झाले आहेत. दरम्यान आपण पालकमंत्री तथा आमदार यांच्या माध्यमातुन केलेल्या प्रत्यनांना अखेर यश मिळाले असुन . शिवसेनेचे जिल्हा उपप्रमुख तुषार उर्फ मुन्ना पाटील यांनी सर्वाचे आभार मानले आहे .

सचिन वाघे वर्धा

हिंगणघाट 1एप्रिल
भारतरत्न डॉ बाबासाहेब आंबेडकर यांची १३० वी जयंती साजरी करण्याच्या हेतूने आज दि १ एप्रिल २०२१ रोजी मा.श्रीराम मुंदडा (तहसीलदार, हिंगणघाट) यांना दलित युथ पॅंन्थर, हिंगणघाट शहर यांच्या मार्फत निवेदन देण्यात आले..
तमाम बहुजनांचे उद्धारकर्ते, बहुजनांची अस्मिता डॉ. बाबासाहेब आंबेडकर यांची जयंती येत्या १४ एप्रिल रोजी असुन जयंती साजरी करण्याच्या हेतूने कोरोना सारख्या महामारीला लक्षात घेऊन कशा प्रकारे महामानवाची जयंती साजरी होईल यावर चर्चा करण्यात आली..
त्यावेळी संघटनेच्या वतीने शाश्वती देण्यात आली की नियमांचे पालन करुन लोकांची गर्दी न करता वैचारीक पद्धतीने भिमजयंती मोठ्या थाटात साजरी करनार ..
प्रशासन कडुन आलेल्या नियमावली आम्ही मान्य करुन कार्यक्रमाची रुपरेषा ठरवनार, बाबासाहेबांचे अनुयायी असल्यामुळे कायद्याचं काटेकोर पणे पालन करुन जयंती उत्सव साजरा करनार, पण ह्या सगळ्यात प्रशासनाने सुद्धा दुजा भाव न करता नियम सगळ्यांसाठी सारखा करावा अन्यथा तफावत आढळल्यास संघटना आक्रमक भूमिका घेईल अशी चेतावणी देन्यात आली..
यावेळी निवेदन देताना
प्रतीक वासेकर (हिंगणघाट शहर अध्यक्ष, दलित युथ पॅंन्थर संघटना)
प्रज्वल गायकवाड
यतार्थ बाणमारे
तेजस जवादे
अश्वजीत मेश्राम
शुभम बुरबुरे
तेजस मुन
तेजस ढेपे
विजय भगत
एकता प्रतिष्ठान हिंगणघाट चे
संदेश थुल
शैलेश चांदुरकर
अखिल धाबर्डे
बहुजन क्रांती मोर्चा चे
निखिल कांबळे प्रामुख्याने उपस्थित होते…