BREKING NEWS

गजानन सोनटक्के जळगाव जामोद

जळगाव जामोदः-तालुक्यातील भेंडवळ बुद्रुक येथील मगर नाल्याजवळ बाभूळ वनात एका इसम कुजलेल्या स्थितीत 31ऑक्टोबर रोजीआढळ आला होता. प्रकरणी स्थानिक
पोलिसांनी आकस्मिक मृत्यूची नोंद करून चौकशीला सुरुवात केली असता एक मोठे प्रकरण
समोर आले आहे. दोन मावस भावांनी आपल्या सख्या
जावयाचा मारहाण करून खून केल्याचे पोलिस तपासात
निष्पन्न झाले आहे. मृतदेह हा दगडी पाटे बनवणारा मोताळा येथील रहिवाशी राजीव शामराव मिरटकर, वय २८ वर्ष याचा आहे. मृतकाला पत्नी विमलबाई व तीन मुले होती. गेल्या काही महिन्यांपूर्वी राजू व त्याची पत्नी विमल व रोशननावाचा मुलगा असे तिघे जण दुचाकीने बाशिम येथे जात होते. तर त्याची इतर दोन मुले
घरीच होती. बाशिम येथे जात असताना अचानक त्याचा
अपघात झाला.या अपघातात त्याची पत्नी आणि मुलाचा
मृत्यू झाला हाता. या घटनेनंतर राजूने आपली दोन्ही मुले
नांदुरा येथील आपला साळा सुनील गायकवाड यांच्याकडे
सांभाळण्यासाठी दिले होते. अपघातानंतर राजू मिरटकर हा काही प्रमाणात सावरला होता. त्याने दुसरे लग्न करण्याची विचार केला होता. परंतु याची
भनक राजूचा साळा सुनील गायकवाड यास लागली.
सुनीलची बहिण विमल व तिच्या एका मुलाचे अपघाती
निधन झाल्यानंतर अजून काहीमहिने झाले होते. अशा
परिस्थितीत जावाई राजू दुसरे लग्न करणार असल्याचे
समजतात साळा सुनील गायकवाड याला राजच्या
वागण्याबद्दल शंका येऊ लागली. त्याने दुसरे लग्न
करण्यासाठी पत्नी व मुलाला मारले तर नाही ना, अशी शंका त्याच्या मनात आली. त्यानंतर सुनील याने ही सर्व हकीकत भुसावळ तालुक्यातील कंडारी
येथील आपला मावस भाऊ रमेश रामदास पवार यास
सांगितली. दोघे मावस भाऊ एकत्र आल्यावर त्यांनी संशयातून राजू मिरटकर याचा कायमचा काटा काढल्याचे निष्पन्न झाले पोलिस चौकशीत व तपासात रमेशने त्याचा मावसभाऊ सुनिल गायकवाड याचे नाव पुढे आणले. त्यामुळे त्याला देखील ताब्यात घेत अटक करण्यात आली. त्याने देखील आपला गुन्हा कबुल केला. 9 ऑक्टोबर रोजी सदर घटना बुलढाणा जिल्ह्यातील जळगाव जामोद शिवारातील भेंडवळ गावाच्या जंगलात घडली होती. त्यानंतर 31 ऑक्टोबर रोजी राजुच्या मृतदेहाचा सांगाडा आढळून आल्यामुळे अकस्मात मृत्यूची नोंद घेण्यात आली. 20 नोव्हेंबर रोजी भुसावळ शहर पोलिस स्टेशनला दाखल झालेल्या या गुन्ह्याचा पुढील तपास पो.नि. बाबासाहेब ठोंबे यांच्या मार्गदर्शनाखाली स.पो.नि. संदिप दुनगहू व त्यांचे सहकारी समाधान पाटील यांनी सुरु केला.

सुरुवातीला या गुन्ह्यात रमेश पवार याच्या विरुद्ध बोराखेडी पोलिस स्टेशनला भा.द.वि.365 (अपहरण) नुसार गुन्हा दाखल होता. त्यानंतर तपासात झालेल्या प्रगतीनुसार रमेश पवार आणि सुनिल गायकवाड यांच्याविरुद्ध भा.द.वि.302 (खून), 120 (ब) (कट रचणे), 364 (जिवे ठार मारण्याच्या उद्देशाने अपहरण) अशी कलमे वाढवण्यात आली. या गुन्ह्याचा तपास पो.नि. बाबासाहेब ठोंबे यांच्या मार्गदर्शनाखाली स.पो.नि.संदिप दुनगहु व पो.कॉ.समाधान पाटील यांनी पुर्ण केला. तपासकामी हवालदार मोहम्मद अली सैय्यद, पो.कॉ. मोहन पाटील, जितू सोनवणे यांचे सहकार्य लाभले. सध्या या गुन्ह्याचा तपास जळगाव जामोद (जिल्हा बुलढाणा) यांचेकडे वर्ग करण्यात आला असून तपास पोलिस उप निरिक्षक रमेश धामोळे करत आहेत

गजानन सोनटक्के

जळगाव जामोद साडीचा पदर दुचाकीच्या मागील चाकात अडकून पडल्याने विवाहितेचा मृत्यू झाल्याची घटना निमखेडी (ता. जळगाव जामोद) फाट्याजवळ आज, 17 डिसेंबरला दुपारी साडेबाराच्या सुमारास घडली.

सूत्रांच्या माहितीनुसार, जळगाव जामोद तालुक्यातील मेंढामारी येथील संतोष रमेश चव्हाण (23) याचे लग्न मागील वर्षी तालुक्यातील भिंगारा येथील राणीबाई हिच्याशी झाले होते. दोघे पती-पत्नी दोन दिवसांपूर्वी नातेवाईकाकडे एका कौटुंबिक कार्यक्रमासाठी भिंगारा येथे गेले होते. कार्यक्रम आटोपल्यानंतर ते आज परत येत असताना निमखेडी फाट्याजवळ राणीबाईच्या साडीचा पदर मोटरसायकलच्या मागील चाकात अडकला. त्यामुळे राणीबाईचा तोल जाऊन ती जमिनीवर पडली. यात तिच्या डोक्याला मार लागला. गंभीर जखमी अवस्थेत तिला जळगाव जामोद ग्रामीण रुग्णालयात आणण्यात आले. मात्र डॉक्टरांनी तिला तपासून मृत घोषित केले. प्राथमिक तपास पीएसआय सचिन वाकडे, पोलीस कॉन्स्टेबल सचिन राजपूत यांनी केला. पुढील तपास जळगाव जामोद पोलीस स्टेशन करत आहेत.

– जिल्हाधिकारी एस रामामूर्ती
ग्रामपंचायत निवडणूक आढावा बैठक

अजहर शाह मोताळा प्रतिनिधी

बुलडाणा,(जिमाका) दि.16 : जिल्ह्यात ग्रामपंचायतींच्या सार्वत्रिक निवडणूकीचा कार्यक्रम जाहीर झालेला आहे. गवागावात निवडणूकीचे वारे वाहत आहेत. प्रभागनिहाय उमेदवार निवडणूक लढवणार आहेत. अशा परिस्थितीत स्थानिक पातळीवर आदर्श आचार संहीतेचे पालन महत्वाचे आहे. तरी या निवडणूकीत आदर्श आचार संहीतेचे काटेकोरपणे पालन करावे, अशा सूचना जिल्हाधिकारी एस रामामूर्ती यांनी दिल्या आहेत.
जिल्हाधिकारी कार्यालयातील नियोजन समिती सभागृहात ग्रामपंचायत निवडणूकीच्या अनुषंगाने आढावा बैठकीचे आयोजन करण्यात आले. त्यावेळी आढावा घेताना जिल्हाधिकारी बोलत होते. यावेळी व्यासपीठावर अप्पर जिल्हाधिकारी प्रमोदसिंह दुबे, निवासी उपजिल्हाधिकारी दिनेश गिते, उपजिल्हाधिकारी अभिजीत नाईक उपस्थित होते. तर सभागृहात उपमुख्य कार्यकारी अधिकारी (पंचायत) राजेश लोखंडे, पोलीस अधिकारी, उपविभागीय अधिकारी, तहसिलदार आदींसह संबंधीत यंत्रणांचे अधिकारी उपस्थित होते.
ग्रामपंचायत निवडणूकीची संपूर्ण प्रक्रिया संगणकीय प्रणालीद्वारे करण्यात येणार असल्याचे सांगत जिल्हाधिकारी एस रामामूर्ती म्हणाले, याबाबत सुचना मिळाल्यानुसार कर्मचाऱ्यांचे प्रशिक्षण घेण्यात यावे. तसेच पोलीस यंत्रणेने संवेदनशील गावांमध्ये सदर निवडणूक शांततापूर्वक मार्गाने पार पाडण्यासाठी आवश्यक ती कार्यवाही करावी. सर्व यंत्रणांनी समन्वय राखून निवडणूका यशस्वीरित्या पार पाडाव्यात. कुठेही कायदा व सुव्यवस्थेचा प्रश्न निर्माण न होण्यासाठी काळजी घ्यावी.
बैठकीला संबंधीत यंत्रणांचे अधिकारी, कर्मचारी उपस्थित होते.

सिंदखेड राजा (सचिन खंडारे )

राष्ट्रीय आरोग्य अभियान अंतर्गत जिल्हा परिषद बुलढाणा यांच्या अंतर्गत सिंदखेडराजा तालुक्यातील समुदाय आरोग्य अधिकारी पदावर तालुक्यातील 15 आरोग्य अधिकारी रुजू झाले आहेत .यामध्ये आडगाव राजा प्राथमिक आरोग्य केंद्र अंतर्गत असलेल्या डावरगाव उपकेंद्र मध्ये समुदाय आरोग्य अधिकारी म्हणून डॉ . योगेश दिलीपराव आढाव ‘सावखेड तेजन उपकेंद्रांमध्ये डॉ रजनी तात्याराव कांबळे उपकेंद्र चिंचोली येथे डॉक्टर सिद्धेश्वर अशोकराव मोगल ”साखरखेर्डा प्राथमिक आरोग्य केंद्र अंतर्गत ‘ शिंदी गावांमध्ये डॉ .प्रशांत वायाळ ‘सवडद उपकेंद्रांमध्ये डॉक्टर राखी संदीप कुमार सुरोशे ‘गुंज उपकेंद्र अंतर्गत डॉक्टर जयश्री विजय शेळके ‘राजेगाव उपकेंद्र अंतर्गत डॉ .अर्चना प्रवीण ठोसरे ‘मलकापूर पांग्रा प्राथमिक आरोग्य उपकेंद्र अंतर्गत वाघाळा येथे डॉक्टर शिवाजी सिताराम पवार ‘उपकेंद्र देऊळगाव कोळ येथे डॉक्टर सुरेंद्र प्रल्हादराव खोरणे ।उपकेंद्र झोटिंग येथे प्रवीण तेजराव ठोसरे उपकेंद्र खैरव येथे डॉक्टर उमेश सुरेश गुंजकर ‘किनगाव राजा प्राथमिक आरोग्य उपकेंद्र अंतर्गत चांगेफळ येथे डॉक्टर बळीराम नागनाथ केंद्रे ‘सोनोशी येथे डॉ .मोहन देसाई उपकेंद्र हिवरखेड येथे डॉ . गजानन हरिश्‍चंद्र हुले उपकेंद्र पांगरी उगले येथे डॉ .शिवाजी गजाननराव नायक .या अधिकाऱ्यांच्या नियुक्त झाले असून हे सर्व अधिकारी कामावर हजर झाली आहे यामुळे आरोग्य विभागाला बळकटी मिळणार असून प्राथमिक आरोग्य केंद्राचा ताण हलका होणार आहे ।

सिंदखेडराजा ( सचिन खंडारे )

मेहकर तालुक्यातीलअतिशय महत्त्वाच्या समजल्या जाणाऱ्या
पेनटाकळीचा कॅनाॅल फुटला.शेतकरी वर्गाचे अतोनात नुकसान पाटबंधारे
पेनटाकळी प्रकल्प झाल्यानंतर पेनटाकळी कॅनाॅलचे काम 1996 च्या दशकात पूर्ण झाले. हा कॅनोल झाल्यापासून तो सतत वादग्रस्त ठरत आला आहे.पेनटाकळी धरणाचा हा कॅनाॅल पेनटाकळी, दुधा, रायपूर ,सावञा,जानेफळ, गोमेधर येथील शेतकरी बांधवांच्या शेतातून जातो.सदर कॅनाॅलला 14डिसेंबर रोजी पाणी सोडण्यात आले होते.तो फुटल्यामुळे दुधा येथील गजानन अवचार परसराम अवचार या शेतकरी बांधवांचे अतोनात नुकसान झाले आहे.तर रायपूर येथील शेतकरी मनोहर काळे यांच्या शेतातील कॅनाॅलच्या भिंतीला तडे गेले असून त्यातून मोठाले नळ लागावेत असे पाणी पाझरताना दिसत आहे.1ते 11किमी चे काम अतिशय निकृष्ठ दर्जाचे झालेले असून या जमीनी सतत पाझरत असल्यामूळे शेतकरी बांधवांचे सतत नुकसान होत असते.कॅनाॅलच्या भिंतीवर मोठ मोठाली झाडे वाढली आहेत.साफसफाई न करताच पाणी सोडल्यामुळे कॅनाॅलच्या भिंतीतून पाणीपाझरत आहे.अनेक वेळा यासाठी आंदोलने ,उपोषण करण्यात आलेली असून 1ते 11 कीमी पर्यंत पाईपलाईन व्दारे पाणी नेवून नुकसान भरपाई ची मागणी परीसरातून जोर धरत आहे.
पावसामुळे व नदीच्या पुरामुळे अतोनात नुकसान झाले. व आता कॅनाॅल तुटल्यामुळे जमीन खरडून गेली याची नुकसान भरपाई देण्यात यावी अशी मागणी यावेळी नुकसानग्रस्त शेतकऱ्यांनी केली आहे :या घटनेची माहिती मिळताच बुलढाणा येथून पाटबंधारे विभागाचे कार्यकारी अभियंता श्री सोळंके यांनी घटनास्थळी येऊन परिस्थितीचा आढावा घेतला व लवकरच कॅनॉल चे काम दुरुस्त करू असे सांगितले !

▪ दाट धूक्याची सुखद अनुभूती

बुलडाणा : गुलाबी थंडी आणि दाट धुके… असे मनमोहक वातावरण बुलडाणेकरांनी आज गुरुवारी अनुभवले. पहाट उगवली ती धुक्याची दाट चादर पांघरुनच ! सकाळी साडेआठ वाजेपर्यंत शहररात धुक्यामुळे सूर्यदर्शन झाले नव्हते.

गेल्या काही दिवसांपासून शहरासह परिसरात थंडीची तीव्रता वाढत आहे. १७ डिसेंबरला तर नगरकरांनी गुलाबी थंडीसोबतच दाट धुके व दवबिंदू अशा मनमोहक वातावरणाचा अनुभव घेतला.धुक्यामुळे शहरातील रस्तेसुद्धा दिसत नव्हते. वाहनचालकांना रस्त्यांचा अंदाज येत नसल्याने प्रमूख मार्गांवरील वाहतूक संथगतीने सुरू होती. या अल्हाददायी वातावरणामूळे निसर्ग आणखीच फुलला होता.