सिंदखेडराजा ( सचिन खंडारे )

चिखली तालुक्यातील अंत्रि खेडेकर येथे एका पिसाळलेल्या भटक्या कुत्र्याने पाच जणांना चावा घेतल्याची घटना दिनांकदिनांक 19 डिसेंबर रोजी सकाळी 8.30मिनिटांनी घडली यामुळे अचानक आलेल्या भटक्या पिसाळलेल्या कुत्र्याने पाच जणांना चावा घेतल्याची घटना घडली !सकाळी विजय अश्रुबा मोरे हे शाळेवरती जात असताना समोरून आलेल्या कुत्र्याने त्यांच्या हाताला चावा घेतला ।यानंतर पिसाळलेल्या कुत्र्याने रवी गवई । साहिल खेडेकर तसेच श्री कंकाळ यांच्या घरी आलेल्या पाहुण्याला सुद्धा चावा घेतला व बाहेर बांधल्या बकरीला सुद्धा पिसाळलेल्या कुत्र्याने चावा घेतला ‘यामुळे संपूर्ण अंत्रि खेडेकर गावामध्ये भीतीचे वातावरण निर्माण झाले होते ‘जखमी झालेल्या लोकांना तातडीने प्राथमिक आरोग्य केंद्र अंत्रि खेडेकर येथे नेण्यात आले व त्यांना रेबीज चे इंजेक्शन देण्यात आले !पुढील उपचाराकरिता त्यांना बुलढाणा येथील सरकारी दवाखान्या मध्ये पाठवण्यात आल्याचे समजते ‘नंतर पिसाळलेल्या कुत्र्याला ठार मारण्यात आले ।त्यामुळे लोकांनी व लहान लहान मुलांनी सुटकेचा निश्वास टाकला तरी भटक्या कुत्र्याला आवर घालण्याची गरज यानिमित्ताने निर्माण झाली आहे !

सिंदखेड राजा ( सचिन खंडारे )

मातृतीर्थ सिंदखेडराजा तालुक्यातील वीर पुत्र शहीद प्रदीप माळंदेहे जम्मू काश्मीर येथील द्रास सेक्टर मध्ये 15 डिसेंबर रोजी मोठा बर्फाचा गोळा अंगावर पडून शहीद झाले होते !उद्या दिनांक 20 डिसेंबर रोजी त्यांचे मूळगावी पळसखेड चक्का येथे सकाळी 9.30 वाजता शासकीय इतमामात अंत्यसंस्कार करण्यात येणार आहे ।या संदर्भामध्ये दिनांक 18 डिसेंबर रोजी बुलढाणा जिल्ह्याचे पालकमंत्री तथा सिंदखेडराजा मतदारसंघाचे आमदारडॉक्टर राजेंद्र शिंगणे यांनी ज्या ठिकाणी शहीद वीरपुत्र प्रदीप मांदळे यांच्यावर अंत्यसंस्कार केले जाणार आहे त्या ठिकाणची पाहणी केली तसेच वीर पुत्र प्रदीप मांदळे यांच्या घरी त्यांच्या निवासस्थानी जाऊन कुटुंबीयांची सांत्वनपर भेट घेतली !पळसखेड चक्का येथील प्रदीप साहेबराव मांदळे हे भारतीय सैन्याच्या महार रेजिमेंट मध्ये 2009 ला दाखल झाले होते !त्यांच्या जाण्यामुळे संपूर्ण बुलढाणा जिल्ह्यामध्ये हळहळ व्यक्त होत आहे !

BREKING NEWS

गजानन सोनटक्के जळगाव जामोद

जळगाव जामोदः-तालुक्यातील भेंडवळ बुद्रुक येथील मगर नाल्याजवळ बाभूळ वनात एका इसम कुजलेल्या स्थितीत 31ऑक्टोबर रोजीआढळ आला होता. प्रकरणी स्थानिक
पोलिसांनी आकस्मिक मृत्यूची नोंद करून चौकशीला सुरुवात केली असता एक मोठे प्रकरण
समोर आले आहे. दोन मावस भावांनी आपल्या सख्या
जावयाचा मारहाण करून खून केल्याचे पोलिस तपासात
निष्पन्न झाले आहे. मृतदेह हा दगडी पाटे बनवणारा मोताळा येथील रहिवाशी राजीव शामराव मिरटकर, वय २८ वर्ष याचा आहे. मृतकाला पत्नी विमलबाई व तीन मुले होती. गेल्या काही महिन्यांपूर्वी राजू व त्याची पत्नी विमल व रोशननावाचा मुलगा असे तिघे जण दुचाकीने बाशिम येथे जात होते. तर त्याची इतर दोन मुले
घरीच होती. बाशिम येथे जात असताना अचानक त्याचा
अपघात झाला.या अपघातात त्याची पत्नी आणि मुलाचा
मृत्यू झाला हाता. या घटनेनंतर राजूने आपली दोन्ही मुले
नांदुरा येथील आपला साळा सुनील गायकवाड यांच्याकडे
सांभाळण्यासाठी दिले होते. अपघातानंतर राजू मिरटकर हा काही प्रमाणात सावरला होता. त्याने दुसरे लग्न करण्याची विचार केला होता. परंतु याची
भनक राजूचा साळा सुनील गायकवाड यास लागली.
सुनीलची बहिण विमल व तिच्या एका मुलाचे अपघाती
निधन झाल्यानंतर अजून काहीमहिने झाले होते. अशा
परिस्थितीत जावाई राजू दुसरे लग्न करणार असल्याचे
समजतात साळा सुनील गायकवाड याला राजच्या
वागण्याबद्दल शंका येऊ लागली. त्याने दुसरे लग्न
करण्यासाठी पत्नी व मुलाला मारले तर नाही ना, अशी शंका त्याच्या मनात आली. त्यानंतर सुनील याने ही सर्व हकीकत भुसावळ तालुक्यातील कंडारी
येथील आपला मावस भाऊ रमेश रामदास पवार यास
सांगितली. दोघे मावस भाऊ एकत्र आल्यावर त्यांनी संशयातून राजू मिरटकर याचा कायमचा काटा काढल्याचे निष्पन्न झाले पोलिस चौकशीत व तपासात रमेशने त्याचा मावसभाऊ सुनिल गायकवाड याचे नाव पुढे आणले. त्यामुळे त्याला देखील ताब्यात घेत अटक करण्यात आली. त्याने देखील आपला गुन्हा कबुल केला. 9 ऑक्टोबर रोजी सदर घटना बुलढाणा जिल्ह्यातील जळगाव जामोद शिवारातील भेंडवळ गावाच्या जंगलात घडली होती. त्यानंतर 31 ऑक्टोबर रोजी राजुच्या मृतदेहाचा सांगाडा आढळून आल्यामुळे अकस्मात मृत्यूची नोंद घेण्यात आली. 20 नोव्हेंबर रोजी भुसावळ शहर पोलिस स्टेशनला दाखल झालेल्या या गुन्ह्याचा पुढील तपास पो.नि. बाबासाहेब ठोंबे यांच्या मार्गदर्शनाखाली स.पो.नि. संदिप दुनगहू व त्यांचे सहकारी समाधान पाटील यांनी सुरु केला.

सुरुवातीला या गुन्ह्यात रमेश पवार याच्या विरुद्ध बोराखेडी पोलिस स्टेशनला भा.द.वि.365 (अपहरण) नुसार गुन्हा दाखल होता. त्यानंतर तपासात झालेल्या प्रगतीनुसार रमेश पवार आणि सुनिल गायकवाड यांच्याविरुद्ध भा.द.वि.302 (खून), 120 (ब) (कट रचणे), 364 (जिवे ठार मारण्याच्या उद्देशाने अपहरण) अशी कलमे वाढवण्यात आली. या गुन्ह्याचा तपास पो.नि. बाबासाहेब ठोंबे यांच्या मार्गदर्शनाखाली स.पो.नि.संदिप दुनगहु व पो.कॉ.समाधान पाटील यांनी पुर्ण केला. तपासकामी हवालदार मोहम्मद अली सैय्यद, पो.कॉ. मोहन पाटील, जितू सोनवणे यांचे सहकार्य लाभले. सध्या या गुन्ह्याचा तपास जळगाव जामोद (जिल्हा बुलढाणा) यांचेकडे वर्ग करण्यात आला असून तपास पोलिस उप निरिक्षक रमेश धामोळे करत आहेत

गजानन सोनटक्के

जळगाव जामोद साडीचा पदर दुचाकीच्या मागील चाकात अडकून पडल्याने विवाहितेचा मृत्यू झाल्याची घटना निमखेडी (ता. जळगाव जामोद) फाट्याजवळ आज, 17 डिसेंबरला दुपारी साडेबाराच्या सुमारास घडली.

सूत्रांच्या माहितीनुसार, जळगाव जामोद तालुक्यातील मेंढामारी येथील संतोष रमेश चव्हाण (23) याचे लग्न मागील वर्षी तालुक्यातील भिंगारा येथील राणीबाई हिच्याशी झाले होते. दोघे पती-पत्नी दोन दिवसांपूर्वी नातेवाईकाकडे एका कौटुंबिक कार्यक्रमासाठी भिंगारा येथे गेले होते. कार्यक्रम आटोपल्यानंतर ते आज परत येत असताना निमखेडी फाट्याजवळ राणीबाईच्या साडीचा पदर मोटरसायकलच्या मागील चाकात अडकला. त्यामुळे राणीबाईचा तोल जाऊन ती जमिनीवर पडली. यात तिच्या डोक्याला मार लागला. गंभीर जखमी अवस्थेत तिला जळगाव जामोद ग्रामीण रुग्णालयात आणण्यात आले. मात्र डॉक्टरांनी तिला तपासून मृत घोषित केले. प्राथमिक तपास पीएसआय सचिन वाकडे, पोलीस कॉन्स्टेबल सचिन राजपूत यांनी केला. पुढील तपास जळगाव जामोद पोलीस स्टेशन करत आहेत.