गोंदिया-शैलेश राजनकर

गोंदिया,दि.16 – शहरापासून अवघ्या सहा किमी अंतरावर असलेल्या लोधीटोला (चुटीया) येथील पटले यांच्या शेतात कुजलेल्या अवस्थेत पट्टेदार वाघाचे अवशेष आढळले. हे वाघाचे शरीराचे तुकडे-तुकडे करून वेगवेगळ्या शेतात टाकण्यात आल्याचा प्रकार (दि.15) नोव्हेंबरच्या सायकांळला उघडकीस आला.लगेच त्याची माहिती वनविभागाला देण्यात आली. लोधीटोला येथील शेतकरी अमरनाथ पटले यांच्या शेतात पट्टेदार वाघाचा मृतदेह पडला असल्याची माहिती गावकऱ्यांनी शेतकरी पटले यांना रविवारी सायंकाळी दिली. त्यांनी ही माहिती वनािधकाऱ्यांना देईपर्यंत रात्र झाली होती. आज (दि.१६) रोजी वनाधिकारी व वन्यप्रेमी लोधीटोला येथील पटले यांच्या शेतात गेले असतांना त्या शेतात पट्टेदार वाघाचे अवशेष वेगवेगळ्या ठिकाणी आठळले. १२ ते १५ दिवसापूर्वी वाघाची शिकार करून त्या वाघाचे अवशेष शेतात टाकल्याने वाघाचा शरीर कुजलेल्या अवस्थेत होता. त्या वाघाच्या शरीराचे तुकडे-तुकडे शेतात वेगवेगळ्या ठिकाणी टाकण्यात आले होते. ते गोळा करण्यात आले. करंट लावून किंवा विष देऊन त्या वाघाची शिकार करण्यात आली असावी असा कयास लावला जात आहे. घटनास्थळावर उपवनसंरक्षक कुलराजसिंग, सहाय्यक उपवनसंरक्षक राजेंद्र सदगीर, आकरे, क्षेत्र सहाय्यक दखने वन्यजीवप्रेमी सावन बहेकार, मानद वन्यजीव रक्षक मुकूंद धुर्वे व पशूधन वैद्यकीय अधिकारी,डाॅ.विवेक गजरे,डाॅ.ए.डी.जवलकर यांनी मृत वाघाची तपासणी करुन शवविच्छेदन केल्यानंतर त्याच्यावर संस्कार करण्यात आला. आरोपींचा शोध वनविभाग घेत आहे.

सचिन पगारे
नांदगाव (नाशिक)

सोमवारी पाडव्याच्या मुहूर्तावर नांदगाव तालुक्यातील जातेगांव येथील श्री पिनाकेश्वर( मोठा महादेव ) देवस्थानचे अतिप्राचीन शिवमंदिर हे शासन आदेशावरून शिवभक्तांसाठी उघडण्यात आले. यामुळे शिवभक्तांमध्ये उत्साहाचे वातावरण तयार झाले आहे. मंदीर प्रवेश करताना शासनाने जाहीर केलेल्या विविध नियमांचे पालन करणे आवश्यक आहे, असे आवाहन देवस्थान ट्रस्टचे अध्यक्ष श्री ज्ञानेश्वर चव्हाण यांनी केले.
शासनाने पाडव्याच्या मुहूर्तावर सर्व प्रार्थनास्थळे उघडण्याचा निर्णय घेतल्यामुळे नांदगांव तालुक्यातील जातेगांवच्या उत्तरेला सातमाळा पर्वतरांगेत असलेले श्री क्षेत्र पिनाकेश्वर महादेव (मोठा महादेव) हे अतिप्राचीन देवस्थान शिवभक्तांसाठी उघडण्यात आले. कोरोना महामारीच्या पार्श्वभूमीवर गेल्या आठ महिन्यांपासून देवस्थान ट्रस्ट मार्फत हे मंदिर बंद ठेवून व भक्तांना प्रवेश बंद करुन अतिदक्षता घेण्यात आली होती .सोमवारी श्री पिनाकेश्वर महादेव मंदिराचा मुख्य दरवाजा व गर्भगृह दरवाजा मंदीर ट्रस्ट समितीने उघडून संपूर्ण मंदिर परिसरात निर्जंतुकिकरण केले त्यामुळे शिवभक्तांमध्ये समाधानाचे चे वातावरण तयार झाले आहे. शिवभक्तांनी मंदिर प्रवेश करताना हर हर महादेवाचा जयघोष करत आनंद व्यक्त केला . मात्र मंदीर प्रवेश करताना विविध नियमांचे काटेकोरपणे पालन करण्याचे आवाहन करण्यात आले आहे. या बाबत श्री पिनाकेश्वर महादेव मंदिर ट्रस्टचे अध्यक्ष श्री ज्ञानेश्वर चव्हाण यांनी सांगितले की, शासन आदेशान्वये हे मंदिर जनतेसाठी खुले करण्यात आले असले तरी विविध नियमांचे पालन करणे आवश्यक आहे. मंदीर प्रवेश करताना मास्कचा वापर करणे, सामाजिक अंतर ठेवणे , मंदिर परिसर, सभामंडप ,गर्भगृहात मूर्तींना स्पर्श न करणे , प्रसाद वाटप न करणे आदी नियमांचे पालन भक्तांनी करणे आवश्यक आहे.अशा विविध नियमांचे पालन करुन सहकार्य करण्याचे आवाहन मंदीर ट्रस्ट मार्फत करण्यात आले आहे. यावेळी पिनाकेश्वर देवस्थानचे अध्यक्ष श्री ज्ञानेश्वर चव्हाण, सुरक्षारक्षक आकाश खिरडकर, संतोष खिरडकर , ग्रामस्थ आदी उपस्थित होते .

अमरावती :-  सध्या महाराष्ट्राच्या राजकारणात बऱ्याच महत्वाच्या घडामोडी घडत आहेत. विरोधी पक्ष नेते सत्ताधारी पक्षाला टार्गेट करण्याचा एकही मुद्दा सोडत नाही. अशातच आता अतिवृष्टीमुळे नुकसान झालेल्या शेतकऱ्यांना तातडीने नुकसान भरपाई मिळावी यासाठी आमदार रवी राणा यांनी रास्तारोको आंदोलन केले होते.
रास्तारोको आंदोलन करणाऱ्या रवी राणा यांना अमरावती पोलिसांनी अ.टक केलं आहे. ऐन दिवाळीतील आजचा महत्वाचा दिवस देखील रवी राणा यांना कारागृहातंच काढावा लागणार आहे. अमरावती पोलिसांनी रवी राणा यांच्यावर केलेल्या कारवाई विरोधात रवी राणा यांच्या पत्नी खासदार नवनीत राणा यांनी कारागृहाबाहेरच धरणे आंदोलन केलं आहे
खा. नवनीत राणा आज सकाळी रवी राणा यांना भेटण्यासाठी कारागृहात गेल्या होत्या. मात्र, अमरावती पोलिसांनी त्यांना भेटू दिलं नाही. यावेळी नवनीत राणा फार संतप्त झाल्या होत्या. त्यांची यावेळी अमरावती पोलिसांबर चांगलीच बाचाबाची देखील झाली.
संतप्त झालेल्या नवनीत राणा यांनी यावेळी कारागृहाबाहेरच धरणे आंदोलन सुरू केले. जोपर्यंत रवी राणा यांची भेट होणार नाही तोपर्यंत मी कारागृहाबाहेरच धरणे आंदोलन करणार आहे, असा इशारा नवनीत राणा यांनी पोलिसांना दिला आहे.
एकीकडे नवनीत राणा यांनी कारागृहाबाहेर धरणे आंदोलन सुरू केले आहे. तर दुसरीकडे पोलिसांनी अट.क करताच रवी राणा यांनी कारागृहात अन्नत्याग केला आहे. आता याप्रकरणी पुढे काय होतंय हे पाहणं महत्वाचं ठरणार आहे.
दरम्यान, अमरावती पोलिसांनी भाजपच्या एका आमदारावर ऐन दिवाळीत कारवाई केल्यानं अनेक भाजप नेते याचा निषेध व्यक्त करत आहेत. भाजप नेते सोशल मीडियावरून महाविकास आघाडी सरकारवर देखील यावरून निशाणा साधत आहे.
महाराष्ट्र राज्याचे माजी मुख्यमंत्री आणि विरोधी पक्षनेते देवेंद्र फडणवीस यांनी देखील या कारवाईचा निषेध व्यक्त केला आहे. यासंबंधीत देवेंद्र फडणवीस यांनी एक ट्विट केलं आहे.
शेतकऱ्यांच्या विविध मागण्यांसाठी आणि त्यांना तातडीने मदत मिळावी यासाठी आमदार रवी राणा यांनी सुद्धा जेलभरो आंदोलन केले. आमदार रवी राणा हे तर आजही दिवाळीच्या दिवशी कारागृहात आहेत. शेतकऱ्यांची दिवाळी काळी करणाऱ्या राज्य सरकारचा आम्ही निषेध करतो, अशा शब्दात फडणवीस यांनी राज्य सरकारचा निषेध केला आहे.

गोंदिया-शैलेश राजनकर

भंडारा,दि.14ः-ऐन दिवाळी सणाच्या मुहूर्तावर परंपरेनुसार शेळ्यामेंढ्या च्या आंघोळ करण्याकरिता गावानजीक तलावातील पाण्यात उतरले असता खोल पाण्याचा अंदाज न आल्याने सख्या तीन भावाचा दुर्दैवी मृत्यू झाल्याची घटना लाखांदूर तालुक्यातील पुयार येथे घडली .
पुयार तलावातील लक्ष्मीपूजन च्या दिवशी 14 नोव्हेंबर रोजी सकाळी 11:30 वाजेच्या सुमारास घडली .
मृतक मधुकर नीलकंठ मेश्राम 42 . सुधाकर नीलकंठ मेश्राम 39 . व प्रदीप नीलकंठ मेश्राम राहणार . ह्या सख्ख्या भावाचे नाव होते .
घटनेच्या दिवशी 13 वर्षीय बालकाला घेऊन मालकीच्या अंदाजे शंभर शेळ्या मेंढ्या घेऊन आंघोळीसाठी गावाजवळील तलावात नेले होते . यावेळी प्रारंभी मृतक मधुकर हा शेळ्या-मेंढ्यांना आंघोळीसाठी खोल पाण्यात उतरला मात्र शेळ्या-मेंढ्या पाण्याबाहेर पडताना . मृतक मधुकर बुडत असल्याचे पाहून मृतक सुधाकर दुसऱ्या भावाने पाण्यात उडी घेतली . तोदेखील बुडताना दिसले यांचे तिसऱ्या प्रदीपने उडी घेतली . मात्र खोल पाण्याचा अंदाज न लागल्याने एकमेकाचा पाण्यात बुडून दुर्दैवाने मृत्यू झाला .
यावेळी तुषार ने सदर माहिती दूरध्वनी वरून कुटुंबीयांना माहिती दिली . यावेळी गावकऱ्यांना माहिती होताच गावकरी घटनास्थळी धाव घेतली. गावातीलच काही दिवस बांधवां च्या मदतीने मृत्यू देह तलावातून बाहेर काढण्यात आले .
सदर घटनेची माहिती लाखांदूर पोलीस स्टेशन ला होताच येथील सहाय्यक पोलीस निरीक्षक चहांदे . यांच्या सह नाईक पोलीस दुर्योधन वके कार . संदीप रोकडे . बावणे . नखाते . घटनास्थळी जाऊन मृतदेह ताब्यात घेतले .
दिवाळीच्या शुभ प पर्वावर एक्या गरीब कुटुंबातील तीन सख्ख्या भावांचा पाण्यात बुडून दुर्देवी मृत्यू झाल्यने संपूर्ण पुयार गावात शोककळा पसरलेली आहे .

दिवाळी च्या दिवशी विधी लाडे
कुटुंबावर दु:खाचे डोंगर

भागवत चकोले
देवरी तालुका प्राधिनिधी :

देवरी/ओवारा 14/11/2020 आज दिवाळी चा सण संपूर्ण देश साजरा करत असतांना लाडे कुटूंबीया समोर दु:खाचे डोंगर उभे राहिले आहे. घरची सर्व लोक दिवाळी ची तयारी करत असतांना सकडी विधी महेंद्र लाडे ओवारा वय दीड वर्ष हि घरी खेतड होती परंतु खेडता खेडता शेजारी असलेल्या पाण्याच्या बादली मध्ये पडली आणि तिचा त्यातच दु:खद मृत्यु झालाची घटना घडली असून ऐन दिवाळीच्या दिवशी लाडे परिवारावर दु:खाचा आभाळ कोसळलेला असून सर्वी कडे चिमुकली साठी हळहळ व्यक्त केला जात आहे घटनास्थळी गावात सरपंच, पोलीसपाटील आणि गावकरी उपस्थित होते आणि कुटुंबाला सांतवना दिला.

गजानन सोनटक्के
जळगांव जा. तालुका प्रतिनिधी:-

आज दिनांक 13 नोव्हेंबर रोजी जळगाव जामोद तालुका भाजपाच्या वतीने शेतकऱ्यांना शासकीय मदत ताबडतोब देण्यात यावी यासाठी तहसील कार्यालयासमोर बेसन भाकर आंदोलन करण्यात आले, संपूर्ण जिल्ह्यात ओल्या दुष्काळाने थैमान घातले आहे आणि संपूर्ण जिल्ह्यातील पीक नुकसान झाले आहे, जळगाव जामोद तालुक्यात ही सर्वात जास्त पिकाचे नुकसान झाले आहे , सोयाबीन पिकाचे तर सांगायलाच नको सोंगणी ही महागात पडत आहे. कपाशी वर ही बोंड अळी येऊन मोठ्या प्रमाणावर शेतकऱ्यांचे नुकसान झाले आहे अशातच शेतकऱ्यांनी पीक विमा काढला आहे.
पण राजकीय दाबावा खाली येऊन पिकाची अनेवारी ही ५० टक्या पेक्षा जास्त दाखवण्यात आली आहे, पालकमंत्र्यांच्या मतदार संघात सर्वाधिक नुकसान दाखवण्यात आले आणि तेच जळगाव जामोद मतदार संघात सर्वात कमी नुकसान झाले असा अहवाल पाठवण्यात आला..
जिल्ह्यात ६५ हजार शेतकरी नुकसान भरपाई साठी पात्र आहेत त्यात एकट्या सिंदखेड राजा मध्ये ५९ हजार शेतकरी नुकसान ग्रस्त दाखवले म्हणजे हा सरसर अन्याय भेदभाव आहे शेतकऱ्या सोबत त्याच करिता पिकाची नुकसान भरपाई मिळाली पाहिजे यासाठी भाजपा जळगाव जामोद येथे बेसनभाकर खात आंदोलन करण्यात आले , दिवाळी सारखा मोठा सण उद्या आहे पण शेतकऱ्यांचा पिकाच नुकसान झालं त्यात त्यांना भेदभाव करून मदत नाही अशा परिस्थितीत शेतकऱ्यानी कशी दिवाळी साजरी करायची , कपडे लात्ते तर दूर त्यांना खायची वांदे झाले हे पालकमंत्र्यांना दिसत नाही काय ?
असा प्रश्न या वेळी विचारण्यात आला … शेतकऱ्यांचा सर्व मागण्या पूर्ण व्हाव्या यासाठी आज बेसन भाकर आंदोलन करून निषेध नोंदविण्यात आला… शेतकऱ्या सोबत बेसन भाकर खाऊन आंदोलन केले , व उपविभागीय अधिकारी यांना निवेदन देण्यात आले व बेसन भाकर दिली , सोबत च मागण्या पूर्ण न झाल्यास या पेक्षा ही उग्र स्वरूपात आंदोलन करण्यात येईल अशा इशारा देण्यात आला.
यावेळी तालुका अध्यक्ष प्रकाश वाघ,, शहर अध्यक्ष अभिमन्यू भगत माजी तालुका अध्यक्ष राजेंद्र गांधी , भाजपा ओबीसी अध्यक्ष रवींद्र ढोकणे, भाजयूमो जिल्हाध्यक्ष सचिन देशमुख, नगराध्यक्ष सौ. सीमाताई डोबे , सौ. अपर्णाताई संजय कुटे , चंदाताई पुंडे , लताताई तायडे , जिल्हा महा मंत्री नंदू अग्रवाल नगरसेवक निलेश शर्मा , रवी पाचपोर , चंद्रकांत वाघ , जी प सदस्य रुपालीताई अशोक काळपांडे , राजेंद्र उमाळे, बंडू भाऊ पाटील ,पंचायत समिती उपसभापती महादेवराव धुर्डे, मोहनसिंह राजपुत,रमेश वंडाळे, अमोल घाटे , राम इंगळे , ज्ञानेश्वर तिकर , गणेश वाघ , परम राजपूत यांच्यासह शेकडो भाजपा पदाधिकारी कार्यकर्ते व शेतकरी मोठ्या प्रमाणात उपस्थित होते.