जावेद शहा बुलडाणा
BuldhanaNews:राजर्षी शाहू चॅरिटेबल ट्रस्ट सुंदरखेड बुलढाणा द्वारा संचालित जिजाऊ ज्ञान मंदिर स्कूल अँड ज्युनिअर कॉलेज पळसखेड भट मध्ये आज भव्य विज्ञान प्रदर्शनीचे आयोजन करण्यात आले होते.
सविस्तर वृत्त असे की, जिजाऊ ज्ञान मंदिरामध्ये दरवर्षी प्रमाणे या वर्षी सुद्धा विज्ञान प्रदर्शनी चे आयोजन करण्यात आले होते. सर्वप्रथम कार्यक्रमाचे अध्यक्ष व उपस्थित मान्यवरांच्या हस्ते भारतरत्न डॉ. ए.पी.जे. अब्दुल कलाम यांच्या प्रतिमेचे पूजन करण्यात आले.
प्रेमाच्या विरहातून आत्महत्या; बुलढाण्यातील धक्कादायक घटना (instagram video Live)
याप्रसंगी कार्यक्रमाच्या अध्यक्षा आदरणीय मालतीताई शेळके होत्या तर प्रमुख अतिथी म्हणून गजानन वतपाव सरपंच मातला, विशाल कार्ले सरपंच माळशेंबा त्याचबरोबर मंचकावर योगेश चव्हाण, अंजुम बी परविन, किरणताई चव्हाण, शाळेचे प्राचार्य किशोर सिरसाट आदी उपस्थित होते. तर यावेळी कार्यक्रमासाठी दीपक मस्के, जाबीर खान, सरफराज खान, सुनिल काळे, सुनिल पाटील आदींची उपस्थिती होती.
यावेळी प्रायमरी गटात प्रथम क्रमांक ईश्वरी बांन्डे इयत्ता तिसरी हिच्या ”सोलर सिस्टीम” या प्रकल्पाला मिळाला, तर द्वितीय क्रमांक अर्शील जाबीर खान इयत्ता चौथी याच्या “हायड्रोलिक प्रेस मशीन” मिळाला तर तृतीय क्रमांक ईश्वरी मोळवंडे इयत्ता दुसरी हीच्या “ज्वालामुखीचा उद्रेक” या प्रकल्पाला मिळाला.
cbse-curriculum-in-maharashtra-schools / राज्य शिक्षण मंडळाच्या शाळांमध्ये CBSE अभ्यासक्रम लागू करण्याचा निर्णय: एक नवीन दिशा
तर माध्यमिक गटामध्ये प्रथम क्रमांक तन्मय सुनील काळे इयत्ता 9 वी यांच्या “स्मार्ट फार्मिंग” या प्रकल्पाला मिळाला तर द्वितीय क्रमांक मो. अयान मो. जावेद इयत्ता सहावी याच्या “प्रॉब्लेम सोल्विंग ऑटोमॅटिकल स्ट्रीट लाईट” या प्रकल्पाला मिळाला तर तृतीय क्रमांक ऋतुजा सोळंके इयत्ता सातवी या विद्यार्थिनीच्या “वॉटर रिसायकलींग” या प्रकल्पाला मिळाला.
यावेळी अध्यक्षीय भाषणामध्ये मालती ताई शेळके यांनी आपले मनोगत व्यक्त करतांना म्हणाल्या की, जिजाऊ ज्ञान मंदिर ग्रामीण भागातील शाळा असून आजच्या विज्ञान प्रदर्शनी मध्ये अतिशय उत्कृष्ट प्रकल्प विद्यार्थ्यांनी सादर केले, ही आमच्यासाठी अभिमानाची गोष्ट आहे. आजच्या युगामध्ये शाळेमध्ये विज्ञान प्रदर्शनी भरवणे काळाची गरज आहे. विद्यार्थ्यांच्या सर्वांगीण विकासामध्ये वैज्ञानिक दृष्टिकोन तयार होणे.
शास्त्रज्ञांबद्दल जिज्ञासा निर्माण व्हावी, नवनवीन शोध लावावे, यासाठी विद्यार्थी वेगवेगळा प्रयोग करतात, त्याचीच प्रतिकृती आजच्या विज्ञान प्रदर्शनामध्ये दिसली. उद्याच्या शास्त्रज्ञ होण्या मध्ये जिजाऊ ज्ञान मंदिराचे मोठे योगदान असेल यात तीळ मात्र ही शंका नाही. आज आपण भारतरत्न डॉक्टर ए.पी.जे. अब्दुल कलाम यांच्या प्रतिमेचे पूजन केले ते यासाठी की, आपण त्यांच्याकडून वैज्ञानिक दृष्टिकोन अंगिकारला पाहिजेत.
या विज्ञान प्रदर्शनामध्ये सर्वच विद्यार्थ्यांनी अतिशय छान प्रकल्प सादर केले. बरेच प्रकल्प हे अपेक्षे पेक्षाही चांगले होते, असे प्रकल्प पालकांनी सुद्धा पाहिले पाहिजेत. यामध्ये “स्मार्ट फार्मिंग” आज काळाची गरज आहे तसेच ग्लोबल वार्मिंग च्या काळामध्ये पर्यावरणाचा समतोल राखणे ही सुद्धा काळाची गरज आहे. यासाठी विद्यार्थ्यांच्या कल्पना विकसित होणे आवश्यक आहे.
बातमी लाईव्ह पाहण्यासाठी येथे क्लिक करा
यासाठी पालकांनी सुद्धा विद्यार्थ्यांच्या पाठीमागे उभे राहिले पाहिजेत. आज ज्यांच्या क्रमांक आला. ज्यांना पारितोषिक मिळाले. त्या सर्वांचे खूप खूप अभिनंदन! तसेच यासाठी मेहनत घेणाऱ्या सर्व शिक्षकांचे सुद्धा मी आभार व्यक्त करते, असे त्या आपल्या भाषणात म्हणाल्या.
या कार्यक्रमासाठी संस्था अध्यक्ष मा. संदीप दादा शेळके यांचे मोलाचे मार्गदर्शन लाभले.
BuldhanaNews :यावेळी कार्यक्रमाचे प्रास्ताविक शाळेचे प्राचार्य किशोर सिरसाट यांनी केले व सूत्रसंचालन राजेश गायकवाड तर आभार प्रदर्शन शितल पाटील यांनी केले या कार्यक्रमासाठी विज्ञान विभाग प्रमुख अविनाश शेळके व शाळेचे सर्व कर्मचारी यांनी मेहनत घेतली.
