सचिन पगारे नांदगांव नाशिक

नांदगाव तालुक्यात कुसूमतेल येथे मंगळवारी दि.१७ नोव्हेंबर रोजी सकाळी अकरा वाजेच्या सुमारास झापेस आग लागल्याने हरी रामा वाजे (वय ७२ वर्ष) या वृद्धाचा होरपळून मृत्यू झाला, या आगीमुळे सुमारे दिडलाखाचे नुकसान झाले. सदर घटनेने परिसरात शोककळा पसरली आहे.
नांदगाव तालुक्यातील कुसुमतेल येथील मयत हरी वाजे गट नंबर ९१ या शेतातील राहण्यासाठी बनविलेल्या झापेस मंगळवारी सकाळी अकरा वाजेच्या सुमारास अचानक आग लागली असताना त्यांना वृध्दपकाळाच्या अशक्तपणामुळे खाटेवरुन उठता आले नसल्याने त्यांचा होरपळून मृत्यू झाला. तर त्यांच्या शेतातील साठवलेला ३० क्विंटल कापूस,१० बाजरीची पोते आणि संसारोपयोगी वस्तू असे एकूण १ लाख ५३ हजार रुपयांची नुकसान झाली असल्याचा येथील तलाठी भेंडाळे यांनी केलेल्या पंचनाम्यात नमूद करण्यात आले. सदर घटना घडली त्यावेळी मयत वाजे यांच्या पत्नी सकुबाई आणि मुलाची पंधरा वर्षाची मुलगी दिड किलोमीटर अंतरावर शेतात कापूस वेचनीसाठी गेलेल्या होत्या तर मुलगा भावडू आणि सुन इंदूबाई हे दोन मुलांना घेऊन दौंड सहकारी साखर कारखाना येथे उस तोडनीसाठी गेलेले होते.सदर आग लागलेल्या झापेने सोबतच शेजारी असलेल्या बाळू महादू मधे यांच्या झापालाही आगीचे भक्ष बनवले त्यात धान्याचे पूर्ण नुकसान झाले.
सदर अग्नितांडवाची माहिती समजताच येथील पोलीस पाटील अशोक पाटील,भय्यासाहेब धिवर, संजय गवांडे, अक्षय धिवर,गोकुळ चव्हाण यांच्यासह नागरिकांनी तात्काळ शेजारील शेतातील विहिरीवरुन पाईपलाईन करुन पाणी आणून आग विझवली .सदर दुर्घटनेची माहिती समजताच सहाय्यक पोलीस निरीक्षक डी.डी. सुरवडकर, पोलीस हवालदार रमेश पवार, पोलीस नाईक अनिल गांगुर्डे, वाय एस.भेंडाळे, ग्रामसेवक पुरानीक यांनी पंचनामा करुन नागरिकांच्या सहकार्याने वाजे यांचे शव उत्तरीय तपासणी करुन आणले त्यानंतर वाजे कुटुंबियांकडून मृतदेहावर अंत्यसंस्कार करण्यात आले.नांदगांव तालूका प्रहार शेतकरी संघटनेचे अध्यक्ष संदीप सूर्यवंशी यांनी वाजे कुटुंबियांचे सांत्वन करत त्यांना मदतीचे आश्‍वासन दिले आहे.

सुनील पवार नांदुरा

नगराध्यक्ष हरीश रावळांसह इतर पंचवीस लोकांवर दंगलीचे गुन्हे दाखल प्रकरण,

बुलडाणा जिल्ह्यातील मलकापूर येथील एका व्यक्तीस , त्याने दारू पिऊन अश्लील शिवीगाळ करून घरात घुसण्याचा प्रयत्न केल्यामुळे त्यास नगराध्यक्ष अॅड.हरीश रावळ यांचेसह पंचवीस लोकांनी त्यास बेदम मारहाण केली होती व बेकायदेशिर मंडळी जमा करून पोलिसांचा आदेश धुडकाविल्या प्रकरणी मलकापूर शहर पोलिस स्टेशनमध्ये गुन्हा दाखल झाला होता, शिवाजी नगर येथील किरण साळुंके हा दि . १७.११.२०२० रोजी रात्री ९ .०० वाजता दारूचे नशेत हरीश रावळ यांच्या घरी आला व अश्लील घाणेरडी शिवीगाळ करू लागला असता , त्यास समजाविण्याचा प्रयत्न केला तरी सुध्दा तो शिवीगाळ करून , धमक्या देवून घरात घुसण्याचा प्रयत्न करीत असल्यामुळे त्याला हरीश रावळ , प्रमोद उज्जैनकर , निरंजन लेले , संतोष उज्जैनकर यांचेसह पंचविस लोकांनी लाठया काठयांनी बेदम मारहाण केली त्यावेळी पोलिस उभे असताना पोलिसांचेही काही न ऐकता बेकायदेशिर मंडळी जमवुन हा प्रकार चालुच असल्याने , किरण साळुंके हे जखमी झाले व त्यांनी शहर पोलिस स्टेशन मध्ये रिपोर्ट दिल्यावरून पोलिस स्टेशन , मलकापूर शहर यांनी गुन्हा रजिनं . ६२ ९ / २०२० कलम ३२४ , ३२३ , १४३ , १४७ , १४ ९ , २६ ९ , २७० , १८८ , ५०४ , ५०६ भा.दं.वि तसेच कलम १३५ मु पो का . अन्वयज हरीश रावळ यांचेसह इतर पंचविस लोकांवर दंगल करून बेकायदेशिर मंडळी जमवुन मारहाण केल्याबद्दल गुन्हा दाखल करण्यात आला होता, सदर गुन्ह्यांच्या आधारे नगराध्यक्ष हरीश रावळांसह सहा जणांना आज सकाळी 11 वाजता अटक करण्यात आली आहे, पुढील तपास शहर पोलीस निरीक्षक कैलास नागरे करीत आहे.

गोंदिया-शैलेश राजनकर

गोंदिया : जिल्ह्यात कोरोना रुग्णांची संख्या मध्यंतरी कमी झाली होती पण आता रुग्णांच्या संख्येत वाढ होत आहे.पण कोरोना योद्धा डॉक्टरांची चमू आपली जीवाची पर्वा न करता कोरोना बाधित रुग्णांची सेवा करत असतानाच शासकीय वैद्यकीय महाविद्यालयात बालरोग विभागामध्ये DCH या पदव्युत्तर शिक्षण सुरू असलेल्या ३७ वर्षीय तरुणी डॉ.रोहिणी गजभिये यांचा कोरोनामुळे शासकीय वैद्यकीय महाविद्यालयात उपचार सुरू असतांना दुर्दैवी मृत्यू झाला.डॉ.रोहिणीचा मृत्यू हा जिल्ह्यातील शासकीय वैद्यकीय सेवा देतांना कोरोना योद्धाचा पहिलाच बळी आहे.त्यामुळे शासकीय वैद्यकीय महाविद्यालयात सर्वत्र शोककळा पसरली आहे.डॉ.रोहिणी ही १३ नोव्हेंबर ला कोरोना पॉझिटिव्ह आल्या होत्या त्यांना उपचारासाठी शासकीय वैद्यकीय महाविद्यालयात उपचारासाठी दाखल करण्यात आले होते पण कोरोनाबधितांची दिवसरात्र सेवा करणारी खरी कोरोना योद्धा आपल्या आयुष्याची लढाई मात्र हरली आणि त्यांचा उपचारादरम्यान मृत्यू झाला.या खऱ्या कोरोना योद्धा डॉ.रोहिणी गजभिये यांना सुर्या मराठी परिवारा तर्फे भावपूर्ण श्रद्धांजली.
सर्वांनी कोरोना विषयक मार्गदर्शक सूचनांचे पालन करून आपले व आपल्या परिवाराचे कोरोना पासून रक्षण करावे.